Сіздерді және отбасыларыңызды кәсіби мерекелеріңіз – шекарашылар күнімен құттықтаймын!

Біздің мемлекетіміздің – Қазақстан Республикасының алдыңғы шебінде қызмет ету, мемлекеттік шекараны қорғау мен күзетуді қамтамасыз ету –Сіздерге Ұлы миссия бұйырды. Отанымыздың қасиетті шекараларын қорғау-шекарашылардың алдында тұрған жауапты және маңызды міндет.

Шекарашылар алдағы уақытта да өзінің әскери борышын абыроймен орындап, ҚР ҰҚК Шекара қызметінің алдына қойылған міндеттерді іске асыруға белсене қатысатынына нық сенім білдіремін.

Баршаңызға зор денсаулық, қажырлы еңбекте табыс, отбасылық амандық тілеймін!

Жарқайың ауданының әкімі Жанболат Хамитов.

Сіздерді кәсіби мерекелеріңізбен шын жүректен құттықтаймын.

Алдағы уақытта да тың табыстарға жете отырып, абыройларыңыздың арта беруіне тілектеспін!

Құрылыс саласы қоғамдық өміріміздің күрделі кешенді жүйесі, ал құрылысшы құрметті де мәртебелі мамандық екендігін өмір өзі дәлелдеп келеді.

Ауданымыздағы жүргізіліп жатқан құрылыс-монтаж жұмыстары өңір экономикасының көтеріліп келе жатқандығын аңғартады.

Елімізде құрылыс саласының дамуына, құрылысшылардың қарқынды еңбегін қамтамасыз етуге тұрақты назар аударылып келеді. Бұл қазақстандықтардың осы заманғы әлеуметтік сұранысын қанағаттандыруға бағышталған үлкен міндеттен туындайды. Азаматтарымыздың сұранысы мен қажеттілігі басты бақылаудан түскен емес. Жекелеген тұрғындар да жаңадан жер учаскілерін алу арқылы тұрғын үйлер тұрғызуға күш салуда. Осының бәрі ауданымызда құрылыстың қарқынды жүргізіліп жатқандығын, құрылысшылардың аянбай еңбек ете білетіндігін көрсетеді. Сол себептен құрылысшыларымызға төл мерекесі қарсаңында дән ризашылығымызды білдіреміз.

Әрине, қандай құрылыс болсын орасан зор еңбекті қажет етеді, ол сіздердің жасампаз еңбектеріңіздің жемісі. Сол үшін аймақтың экономикасына қосып отырған үлестеріңіз үшін сіздерге шын жүректен алғыс айтамын.

Құрметті құрылысшылар!

Сіздерге зор денсаулық, бірлік пен ынтымақ, отбастарыңызға амандық және атқарып жатқан жұмыстарыңыздың жемісті болуын тілеймін. Мерекелеріңіз құтты болсын!

Жарқайың ауданының әкімі Жанболат Хамитов.

Қала  күнімен шын жүректен құттықтауды қабыл алыңыздар!

Әр ұрпақ өкілдерін біріктіретін бұл тамаша және жарқын мереке барлық қалалықтар үшін сүйікті мейрамға айналған.

Державин қаласы өткен мен бүгіннің, бірлік пен қалалықтардың жасампаздық әлеуетінің үлгісін көрсетуде.

Бүгіндері қаламыз қарқынды дамып келеді, ажарлана түсуде және тұрмыс үшін қолайлы болуда. Оның бет-бейнесі өзгеруде, көшелері, саябақтары мен шағын бақтары жақсарып, көз қызықтырады. Жастар шағын ауданына жолдар салынуда, тұрғын үйлер бой көтеруде.

Державин қаласының жолдары мен аулаішілік аумақтарды абаттандыру, көліктік инфрақұрылымды жақсарту жөніндегі жұмыстар жалғасуда. Қала көркіне айналар Орталық саябақ қалпына келтіріліп, замана талабына сай қала тұрғындарына мәдени демалуға қолайлы жағдайлар жасалуда. Бұл, әрине, барлық державиндіктердің еселі еңбектерінің нәтижесі, олардың әрқайсысы қала тағдырына өзіндік сүбелі үлес қосты.

Қымбатты достар!

Біздің қаламызда одан әрі үдемелі дамуға үлкен мүмкіндіктер бар, оны тек ортақ күш-жігермен жүзеге асыруға болады.

Әр отбасына денсаулық, бақыт, мерекелік көңіл-күй, бейбітшілік, амандық пен гүлдену тілеймін. Барлық игі бастамаларыңызда табысқа, жаңа еңбек және шығармашылық жетістіктерге қол жеткізіңіздер. Біздің сүйікті Державин қаласы ізгілікте гүлдене берсін.

Қала күнімен, қымбатты достар!

Жарқайың ауданының әкімі Жанболат Хамитов.

Сіздерді жастар күні мерекесімен ыстық ықыласпен құттықтаймын!

Жастық – бұл нағыз ерліктің жасы, ақыл ойдың жасы, жігер мен намыстың, қайрат пен білімпаздықтың жасы. Ата-бабаларымыз «жас күнімде бейнет бер, қартайғанда зейнет бер» деп тегін айтпаса керек. Әлемдік статистикаға сүйенсек ғалымдар, ақындар, жазушылар, жаңалық ашушы өнертапқыштар мен әнші-сазгерлер өздерін дүние жүзіне танытқан шығармалары мен еңбектерін отыз жасына дейін жазған екен.

Біздің мемлекетімізде Президентіміз Қасым-Жомарт Тоқаевтың салиқалы басшылығының арқасында  жастар  саясаты үлкен қолдауға ие. Жалпыұлттық жобалар ретіндегі «Жасыл ел», «Дипломмен ауылға», «Жастар практикасы», «Ауыл жастары», «Ауылдың гүлденуі- Қазақстанның гүлденуі» акциясы мен өзге де бағдарламалар соның айғағы.

Президентіміздің: «Біз үшін қазақстандықтардың осы кезеңдегі барлық жетістіктеріміздің маңыздылығын сезінуінің мәні жоғары» деген сөзі Тәуелсіз Қазақстанның болашағы сіздердің  қолдарыңызда екенін білдіреді, бұл үлкен сенім, зор жауапкершілік.

Осыны ақтау үшін жастардың бойында шынайы отансүйгіштік, елшілдік, халықшыл қасиеттер, озық білім, парасат пен мәдениет және мықты денсаулық болу керек. 

Құрметті жас өрендер!

Біздің атқарған жұмысымыздан атқармаған жұмысымыз көп. Сондықтан «Жас келсе іске» демекші Тәуелсіз еліміздің гүлденіп, қарыштап дами түсуі үшін сендердің тың идеяларың, орнықты пікірлерің, алғыр шешімдерің мен шынайы тазалықтарың керек.

Сіздер мен біздер отаншылдық сезіммен, жалынды жігермен туған елімізге қызмет етейік!

Болашақтың іргесін бәріміз бірге қалайық, жастар!

Жарқайың ауданының әкімі Жанболат Хамитов.

Жарқайың ауданының аумағында тұрақты ыстық ауа райыны болуына байланысты су айдындарында демалушылардын үлкен ағымы байқалады. Осыған байланысты адамдардың шомылу кезінде өлімі мен жарақаттануы жоғары қаупі сақталады. Суға шомылу кезеңінде су айдынында адамдардың қаза болуын болдырмау мақсатында Жарқайын ауданы төтенше жағдайлар бөлімінің қызметкерлері бұқаралық ақпарат құралдары арқылы және демалыс орындарында рейдтік іс-шаралар жүргізу бойынша профилактикалық іс-шаралар өткізулуде.

Жарқайын ауданы Төтенше жағдайлар бөлімінің қызметкерлері жергілікті атқарушы органадар, жергілікті полиция қызметімен және еріктілер мен бірлесіп күнде Есіл өзенің су айдыны бойымен бірлескен рейд өткізді.

                Рейд барысында демалушылармен судағы жүріс-тұрыс қағидаларын сақтау туралы жадынамалар ұстатылды. Демалушыларға су айдынының маңында алкоголь өнімдерін ішуге тыйым салу бойынша және балалардың үлкендердің қарауынсыз қалуы қауіпті екені әңгіме жүргізілді.

Жарқайын ауданы төтенше жағдайлар бөлімінің қызметкерлері азаматтарды қайғылы оқиғаларды болдырмау үшін су айдынының түрлеріне қарамастан судағы қауіпсіздік шаралары мен қағидаларын біліп, міндетті түрде орындауларына шақырады.

Жарқайын ауданы ТЖБ аға инженері азаматтық қорғау аға лейтенанты М.Бердіғалиев.

Жекеменшік үйде немесе пәтерде біздің әрқайсысымыз өзімізді толық қауіпсіз сезінеміз. Алайда, егер сақтықтың нақты шараларын сақтамасан, тек материалды шығынды келтіріп қана қоймай, өзіңді жарақаттап алуға да болады.

Ең алдымен үйде тек жоғары сапалы құрал-жабдықтарды, жарамды электр құралдар мен құбырларды пайдалану керек. Егер отбасында кішкентай балалар бар болса, олардың үйдегі барлық қауіпті заттардан, құралдардан қауіпсіз болуын қамтамасыз ету қажет. Балаларға тұрмыс жағдайында үнемі өрт қауіпсіздігі шараларын сақтау керектігі жөнінде еске салу қажет. Қолжетімді жерде алғашқы көмек көрсетуге қажетті қобдишаны сақтау, үнемі медициналық дәрі-дәрмек қорын толықтырып отыру керек. Қосымша ақпарат ретінде алғашқы медициналық көмек ұсыну бойынша анықтаманы сатып алу және балаларға медициналық көмек көрсетудің негізгі әдістерін үйрету қажет.

Отбасының әрбір мүшесі электр құралдарын пайдалану кезінде өрт қауіпсіздігі қағидаларын сақтау тиіс:

- үйден шыққан кезде, міндетті түрде электр құралдарын сөңдіруді ұмытпаңыз;

- электр құралын тоққа қосулы күйінде қалдырмаңыз, тіпті оның ажыратқышы болса да;

- ашық қалған сымдарға және жөңдеуге келмейтін оқшаулағышы бар желіге қосулы құралдарға жақындамаңыз;

- розеткіде, патронда немесе электр құралдарының қысқышында кернеудің бар екенін тексеру үшін саусақтарыңызды салып тексермеңіз;

- қос тілді, розеткіден оның сымын тарта отыра, суырып алмаңыз (ол кернеуде тұрған сымды тақыр қылдыра отырып, үзіліп қалуы мүмкін);

- оқшаулағыш таспаның көмегімен электр құралдарының қос тілін жөңдемеңіз, егер де олар істен шықса, оларды лезде ауыстырыңыз;

- еденде жалаң аяқпен тұрып, үтікті су қолдарыңызбен ұстамаңыз және үтіктемеңіз, өйткені бұл электрлік зақымдану кезінде тоқтың дене арқылы өтуін қамтамасыз етеді және өмірге қауіпті электрлік тоқтың зақымдануына әкеліп соғады;

- қандай да бір жағдай болмасын жанған сымдарды сумен шашпаңыз және үзіп тастамаңыз, ең алдымен, электр тоғын өшіріп тастаңыз.

Жарқайын ауданы ТЖБ аға инженері азаматтық қорғау аға лейтенанты М.Бердіғалиев.

Аудан аумағында ыстық ауа райының сақталуына байланысты, Жарқайың ауданының Төтенше жағдайлар бөлімі Сізді су айдындарында қауіпсіздік шараларын сақтамауы, сондай-ақ осы мақсатқа арналмаған жерлерде шомылуы қайғылы жағдайларға және адамдардың қаза болуына әкеп соқтыратыны туралы ескертеді.

• Суға шомылу алдында шомылу орындарын дурыс тандап суға түсу ережелерін қатан түрде сақтаныз.
• Су айдындарында болғанда және демалғанда сақ болыңыз
• дұрыс жазғы демалыс орынын тандау, суға шомылуға жарамсыз жерлерден, тиым жасалған жерлерден абай болыңыз (қатты ағыс, терен жерлер, су асты мүк өскен)
• суға түсу уақытында алкогольді ішімдіктерді ішпеңіз;
• кішкентай баларды қараусыз қалдырманыз;

Абай болыңыздар! Сіздердін демалысыныз Сіздердін жақындарыңызға қайғылы жағдай алып келмесін.

Жарқайың ауданының ТЖБ және 12-ӨСБ Державин қаласы

Әр баланың өмірінде ойындар мен ойыншықтар үлкен орын алады. Олар оған тек ойын-сауық пен көңілді ғана емес. Ойындар оған әлемді білуге, қарым-қатынасты үйренуге , сөйлеуді, қимылдарды, түс пен пішін сезімін дамытуға көмектеседі. Қауіпсіз ойыншықтар-бұл біздің балаларымыздың қауіпсіздігі. Санитариялық-эпидемиологиялық бақылау басқармасының мамандары ай сайынғы негізде өнімнің қауіпсіздігіне мониторинг жүргізеді, аккредиттелген зертханада зерттеу үшін ойыншықтардың үлгілерін іріктеуді жүргізеді.

Өнімнің қауіпсіздігін бақылау аясында санитарлық-эпидемиологиялық бақылау басқармасы 2021 жылы және 2022 жылдың ағымдағы кезеңінде балалар ойыншықтарының 10 үлгісін зерттеді. Жүргізілген зерттеулер нәтижесінде 6 үлгі "ойыншықтардың қауіпсіздігі туралы" Техникалық регламент талаптарына сәйкес келмеді, бұл 60% - ды құрады . Таңбалау бөлігіндегі бұзушылықтардың негізгі бөлігі (шығарылған күні, өндірушісі, мемлекеттік тілде ақпараттың болмауы және т.б.).

Қазір дүкендерде балалар өнімдерінің кең ассортименті ұсынылған, кейде ата-аналар мұндай әртүрліліктің арасында жоғалып кетеді. Дегенмен, сатып алу кезінде ең маңызды нәрсені есте ұстаған жөн: тек жоғары сапалы, қауіпсіз және экологиялық таза материалдан жасалған функционалды ойыншық балаға барынша пайда мен қуаныш әкеледі.

Өнімнің сапасын бірнеше жолмен анықтауға болады. Өзіңізге ұнайтын ойыншықты таңдап, сатушыдан сәйкестік сертификатын сұраңыз. Ол Балалар тауарлары арнайы тексеруден өткенін, Кеден одағының техникалық регламентінің нормаларына сәйкес келетінін, қауіпсіз және балада аллергиялық реакция тудырмайтынын растайды. Қазақстан аумағында балалар ойыншықтарын өндіру, әкелу және сату үшін тағы бір қажетті шарт гигиеналық сертификат — санитариялық-эпидемиологиялық қорытындының болуы болып табылады.

Ойыншықтарды тек сату ережелерін сақтайтын және барлық қажетті құжаттары бар мамандандырылған дүкендерден сатып алыңыз. Жер асты өткелінде немесе көше науасынан сатып алынған ойыншықтар бала үшін қауіпсіз және барлық санитарлық – гигиеналық стандарттарға сәйкес келуі екіталай.

Өнімді мұқият тексеріңіз, ойыншықтардың таңбалануы сенімді, тексерілетін, анық, оңай оқылатын, қол жетімді және тексеру және сәйкестендіру үшін болуы керек. Ойыншықпен бірге жеткізілетін таңбалау және техникалық құжаттама орыс және Мемлекеттік тілдерде орындалады. Қаптамада ойыншықтың атауы, өндіруші фирма туралы деректер, дайындалған күні (айы, жылы), жарамдылық мерзімі, жас шектеулері, пайдалану шарттары көрсетілуі керек.

Егер пластикалық немесе резеңке ойыншықтарда айқын химиялық иіс болса, бұл сіздің алдыңызда баланың денсаулығына қауіпті болуы мүмкін сапасыз өнім бар екендігінің белгісі. Ойыншықты бөлшектер мен тігістердің беріктігін, нәрестені зақымдауы мүмкін өткір бұрыштар мен бұдырлардың болуын тексеріңіз. Пластикалық ойыншықты алып, оны аздап ысқылаңыз, бояу қолыңызда қалмауы керек.

Баланың жас ерекшеліктерін дамытуға ықпал ететін әдемі ғана емес, сонымен қатар пайдалы ойыншықтарды да сатып алуға тырысыңыз. Егер нәресте кез-келген қабілетті ерте көрсеткен болса, мысалы, шығармашылық немесе дизайн, онда дұрыс таңдалған ойыншық оларды одан әрі жетілдіруге көмектеседі.

Құрметті ата-аналар!

Санитариялық-эпидемиологиялық бақылау басқармасы Сіздің балаларыңызға ойыншықтар сатып алғанда сергек болуға шақырады! Ережелерді сақтай отырып, сіз балаңыздың қауіпсіздігін қамтамасыз ете аласыз.

Жарқайың аудандық санитариялық- эпидемиологиялық  бақылау басқармасы бас маман О.Балгина.

Жарқайың ауданының ПБ еске салады, егер де Сіз қылмысқа куә болсаңыз немесе қылмыстың зардабын шеккен болсаңыз, Жарқайың ауданының полиция бөліміндегі сенім телефонына хабарласуыңызға болады. Сенім телефондары күні-түні жұмыс істейді, кезекші бөлім телефондары 9-11-02, 102, 8747-503-18-73. Ақмола облысының Полиция департаментінің сенім телефондары (8-7162) 23-28-31, 23-28-70, 23-28-68. Кепілдік сақталады. 

Жарқайың ауданының ПБ бастығының кадр саясаты жөніндегі орынбасары

полиция подполковнигі Ж.А.Қарақойшынов.

Жарқайың ауданының полиция бөлімі бос орындарға конкурс жариялайды.Сержанттық лауазымдарға орта білімді, арнайы орта білімді және әскери борышын атқарған, ал офицерлік лауазымдарға жоғарғы заңгерлік білімі бар және әскери билеті бар азаматтар қабылданады. Анықтама алу үшін ПБ-нің кадр саясаты тобына немесе мынандай телефондар бойынша хабарласуларыңызға болады (8747-503-18-73, 102).

Жарқайың ауданының ПБ бастығының кадр саясаты жөніндегі орынбасары

полиция подполковнигі Ж.А.Қарақойшынов.