Қазақстанда цифрлық эфирлік телехабар таратуға кезең-кезеңімен көшу жүріп жатыр және digital ТВ-ға қатысты ақпараттық роликтер мен материалдарда «DVB-T2» аббревиатурасын естуге, көруге болады. «Бұл не, ол нені білдіреді?» деп кейбір телекөрермендер сұрақ қояды.

DVB-T2 – Digital Video Broadcasting - Second Generation Terrestria деп таратылып оқылады және ағылшын тілінен аударғанда «Екінші буынды цифрлық жерүсті бейнехабар тарату» дегенді білдіреді. Қазақстанда ЦЭТВ бірыңғай стандарты ретінде DVB-T2 еуропалық стандарты таңдалды. Ол жиілік белдеуінде бұрынғыдан гөрі көбірек цифрлық арналарды орналастыруға мүмкіндік береді. DVB-T2 бірдей желілік инфрақұрылым мен жиілік ресурстарында DVB-T-мен салыстырғанда телевизия желілерінің сыйымдылығын кем дегенде 30%-ға жақсартады.

DVB-T2 стандартының артықшылығы – таратылатын пакеттегі арналар санын көбейту, «жергілікті» хабар таратуды ұйымдастыру және жоғары сапалы телевизияны дамыту мүмкіндігі, сондай-ақ, эфир жиіліктерін босату.

Абоненттік құрылғыларда DVB-T2 стандартын қолдану цифрлық эфирлік телехабар тарату желілері арқылы қосымша қызметтер мен HDTV енгізуге мүмкіндік береді. Біздің еліміз біртіндеп ЦЭТВ-ға толық көшетіндіктен, қазақстандықтарға өздерінің теледидарлары DVB-T2 стандартын қолдайтынын-қолдамайтынын тексеру керек.

Теледидар DVB-T2 стандартын қолдайтынын қалай білуге болады?

Ол үшін нұсқаулықты ашасыз, техникалық сипаттамалар бөлімінде цифрлық стандартты қолдау тармағын іздейсіз. Онда – DVB-T/T2 MPEG-4 деп жазылып тұруы тиіс.  Немесе сіз Яндекс.Маркет сайтына кіре аласыз. Іздеу өрісіне өзіңіздің теледидар үлгісін енгізесіз. Пайда болған бетте «барлық сипаттамалар» түймесін басасыз. Әрі қарай «сигналды қабылдау» тармағын іздейсіз. Егер сіздің теледидарыңыз цифрлық эфирлік стандартты қолдаса – DVB-T/T2 MPEG4 жазылуы керек.

Көптеген жаңа теледидарлар DVB-T2 стандартын қолдайды. Егер сіздің теледидарыңыз 2013 жылдан ертерек шығарылған болса, DVB-T2 цифрлық қабылдағыш сатып алу керек. Оны ресивер немесе TV-тюнер деп те атайды. Сондай-ақ, дециметрлік антенна қажет. Ресиверді қосу арқылы антеннаны күйге келтіру оңай. Ол үшін:

- тиісті антеннаны таңдаңыз;

- қажетті опциялар жиыны бар TV-тюнер таңдаңыз;

- қосылу схемасына сай коммутация жасаңыз.

Қандай антенна таңдау керек?

Бөлме және дала антенналары болады. Тұрғын үй кешендерінің тұрғындары бірігіп, бір үйге бір антенна қоя алады. Телемұнара үйге тікелей көрініп тұса, қаладағы жеке үйлерде бөлме антеннасын қолдануға болады. Телемұнарадан алыс орналасқан үйлердің тұрғындары үшін дала антеннасы қолайлы.

Цифрлық ТВ үшін қандай ресиверді таңдау керек?

Ресиверлерге таңдау өте үлкен, бірақ цифрлық ТВ қосу үшін бір ғана факт маңызды – DVB-T2 стандарты. Қалған жағынан ресиверлер қосылу тәсілімен (RCA, HDMI,SCART және т.б.), сондай-ақ, қосымша опциялармен ерекшеленеді. Жалғама құралдың (приставка) толық жиынтығына қоректендіру блогы, қашықтан басқару пульті, нұсқаулық кіреді. Қоректендіру блогы сыртқы немесе кіріктірілген болуы мүмкін. Сыртқыны сынған жағдайда ауыстыруға болады, ал кіріктірілген түрінің қолданыс тиімділігі төмендеу.

Антенна мен DVB-T2 цифрлық жалғама құралды қалай іске қосуға болады?

Ең алдымен, ең жақын мұнараның орналасқан жерін анықтау керек. Ол үшін онлайн қызметтерді пайдаланыңыз. Сізге ең жақын ЦЭТВ тарату нүктесін www.tsetv.kz сайтынан табуға болады.

ЦТВ қамту картасын қолдана отырып, сіз өзіңіздің арналар пакетіңіздің берілу жиілігін қарай аласыз, қасында хабар таратуда, күтуде деген мәртебелер көрсетіледі.

Осыдан кейін антеннаның бекітілетін жері мен тәсілін анықтап алыңыз. Тарату сапасын жақсарту үшін дала антенналарын сигнал көзіне бағыттау керек. Антеннаны балконға немесе терезе жақтауына бекітіңіз. Әрі қарай кәбілді үйдің ішімен цифрлық қабылдағышқа дейін тартамыз.

Антеннаны цифрлық ресиверге қалай қосуға болады?

Теледидарды желіден өшіріп, ашаны розеткадан ажырату керек.

Антеннадан шығатын, өзіңіз таңдаған RCA немесе HDMI кәбілдің бір ұшын қабылдағышқа, екіншісін теледидарға қосамыз.

Теледидарды желіге, яғни ашаны розеткаға қосыңыз. Теледидардағы немесе пульттегі ON батырмасын басыңыз. AV, HDMI сигнал көзін таңдаңыз. Ресивердің мәзір терезесі пайда болуы керек. Пультте бұл батырма SOURCE, TV/VIDEO, INPUT деп аталуы мүмкін. Жалғама құралдың пультін алып, MENU батырмасын басыңыз.

«ІЗДЕУ» мәзірі тармақтарынан «қолмен іздеу» батырмасын таңдаңыз. UHF (DMV) диапазонын орнатуды ұмытпаңыз. Содан кейін сіз қуат және сигнал сапасының шкалаларын көресіз.

Антеннаны әртүрлі бағытқа бұрып көріп, ең жақсы жайғасымды таңдап аламыз да, антеннаны бекітеміз.

Тағы да мәзірге өтіңіз. «ІЗДЕУ» — «Авто іздеу» дегенді таңдаңыз. Арналар автоматты түрде қойылады.

Бүгінгі таңда DVB-T2 таратқыштары Маңғыстау, Жамбыл, Түркістан, Алматы, Павлодар, Қостанай, Қарағанды, Солтүстік Қазақстан, Ұлытау, Жетісу облыстарында және Нұр-Сұлтан, Алматы, Шымкент қалаларында жұмыс істейді. Бұл, егер сізде тиісті теледидар немесе жалғама құрал болса, республикалық маңыздағы қалалар мен облыс орталықтарында 30-ға жуық, облыс орталығынан төмен жерлерде 15-ке арнаны жуық еш кедергісіз тамаша сапада қабылдауға және көруге болады деген сөз.

Сіз тұратын елді мекенде цифрлық сигналдың бар-жоқтығы туралы сұрақтармен Сіз сall-орталыққа қалалық телефоннан 193 және ұялы телефоннан 8 8000  800 193 нөмірлері арқылы хабарласа аласыз – қоңырау шалу тегін.

Игілігіңізге тамашалаңыз!

Бүгінгі таңда өмірімізді тұрақты ақпарат көздерінің бірі болып табылатын телевизиясыз елестету қиын. Телехабар тарату уақыт талабымен болатын жаһандық өзгерістер қарсаңында тұр. Бұл телехабар тарату саласының келбетін толығымен өзгертеді. Енді ешқашан бұрынғыдай болмайды.

Мұны әрбір қазақстандық азамат сезінетін болады. Заманауи өркениет жаңалықтарын қабылдап, өміріңізді ыңғайлы әрі «озық» етесіз бе, әлде тым жылдам дамып жатқан технологиялық прогресстен бойыңызды аулақ ұстап, технологияның қазіргі тенденциясын жоққа шығаруға тырысасыз ба?! Барлық жаңа нәрсе адамзатқа нақты пайда әкелмейінше, қашан да қорқыныш пен сенімсіздік тудырады.

Аналогты телехабар таратуды цифрға ауыстыру – бұл әлемдік процесс, оның ішінде Қазақстан да «цифрлық» кеңістікті қарқынды игеруде. 2012 жылдан бастап ел халқының 87%-дан астамы телевизиялық digital-пішімге көшті.

Қазақстандықтар «цифрға» сенім білдіруде, мұны түсіндіруге болады. Бірақ олар туралы айтпас бұрын, аналогты хабар тарату жүйесінің неліктен күні біткенінің себебін анықтау керек.

Аналогты сигнал сыртқы әсерлерге өте осал, кейде ол аяқасты жоғалып кетуі мүмкін, оны антенаның көмегімен немесе провайдердің телевизиялық кәбілін пайдаланып ұстап алуға болады. Мұндай телевизияның кемшілігі – сигналдың кедергіге әлсіздігі кескін мен дыбыс сапасының нашарлауына әкеледі. Нашар ауа-райында – жел, жаңбыр, найзағай кезінде сигнал нашарлап, көрермен суретті кедергілермен, бұрмаланған дыбыспен немесе мүлдем дыбыссыз алады. Хабар тарату сапасына телестанцияның алыстығы да әсер етеді. Сигнал көзі мен баратын жер арасындағы арақашықтық неғұрлым алыс болса, соғұрлым оның сапасы нашарлайды.

Бұрын аналогты телевизия цифрлық телехабар тарату пайда болғанға дейін телевизиялық кескін мен дыбысты таратудың жалғыз әдісі болатын. Цифрлық хабар тарату аналогқа қарағанда әлдеқайда ұзақ қашықтыққа қабылданатын қорғаныс пен сигналдың жоғары деңгейіне ие. Цифрлық сигнал кедергіге төзімді және көрермендерге өзінің бастапқы түрінде, шу мен бұрмаланусыз, тіпті ең қашық елді мекендерге де жете алады.

Цифрлық телевизиялық хабар таратуды дамыту қолжетімді бағдарламалардың санын көбейтеді, интерактивті хабар таратуды енгізеді және халыққа қосымша қызметтер ұсынады. Бұл, сонымен қатар, тұрғындарды көп бағдарламалық ТВ хабар таратумен қамтудағы сәйкессіздіктерді жоюға, елдің барлық тұрғындарына ақпараттық ресурстарға қолжетімділікті қамтамасыз етуге, телебағдарламалардың кескіні мен дыбысының сапасын жақсартуға көмектеседі.

Бұл жаңа дәуірдің тууы және біз осындай таңғажайып өзгерістің куәгері ғана емес, тарихи процестің белсенді қатысушылары да болып отырмыз.

 2022 жылдың 31 тамызынан бастап жеті облыс: Ақмола, Қызылорда, Шығыс Қазақстан, Ақтөбе, Атырау, Батыс Қазақстан және Абай облыстарында ішінара цифрлық эфирлік хабар таратуға кезең-кезеңімен көшуі жоспарлануда. Енді сүйікті бағдарламаларыңызды жақсартылған сапада көру бұрынғыдан да қолжетімді бола түспек.

                Цифрлық хабар тарату – бұл жоғары сигнал тарату жылдамдығы бар жаңа буын телевизиясы. Ол көбірек мүмкіндіктер мен қызметтер: қосымша арналар, сурет пен дыбыстың ең жақсы сапасы, мультимедиялық қосымшалар, радио, түймені бір басумен экранға шығарылатын электронды бағдарламалар, субтитр тілін таңдау және басқа да көптеген жаңа енгізілімдер ұсынады. «Аналогтан» айырмашылығы, цифрлық сигнал кедергіге төзімді және телекөрермендерге шу мен бұрмалаусыз, тіпті ең шалғай елді мекендерде де бастапқы түрінде беріледі. Цифрлық телевизияға көшкеннен кейін көрермендер іркілістер және сурет пен дыбыстың нашар сапасы туралы ұмытады.

                ЦЭТХТ-ға көшу телевизияда ашылған жаңа бағыт. Сондай-ақ, цифрландыру шағын елді мекендерде аналогты форматтағы 2-3 телеарнаның орнына цифрлық форматта 15 телеарнаға дейін көп телеарналар қабылдауға мүмкіндік береді, сонымен қатар, оларды тарату үшін электр энергиясын тұтынуды едәуір азайтады. Облыс орталықтарында көрермендерге 30-ға жуық арна қолжетімді болады.

                Ақмола облысы бойынша аналогты телевизия өшірілетін елді мекендердің толық тізімі:

Ақмола облысында кәсіпкерлік саласын дамытуға баса назар аударылып келеді. Бұл орайда екі қолға бір күрек табуға ұмтылып, кәсіпкерлікке бел буғандарға «Бизнестің жол картасы – 2025» сондай-ақ «Қарапайым заттар экономикасы», «Жұмыспен қамту жол картасы» мемлекеттік бағдарламаларының шарапаты тиген жобалар жүзеге асырылуда.

            Облыстық кәсіпкерлік басқармасының мәліметтері бойынша өңірде «Бизнестің жол картасы – 2025» басталған уақыттан бері ғана жалпы сомасы 236,1 миллиард теңгенің 4138 жоба мақұлданған.  Өткен жылғы деректер бойынша аталған бағдарлама есебінен 1685 жоба қолдау тауып, кәсіпкерлік өкілдіктері пайда болған. Негізінен шағын және орта кәсіпкерлік сала өкілдерін субсидиялау, несиелерді кепілдендіру, мемлекеттік гранттар ұсыну, өндірістік инфрақұрылымдарды жүргізуге мән берілген.

            «Жұмыспен қамту жол картасы» бағдарламасы бойынша кәсіпкерлікті жаңа бастағандарға арналған шағын несиелеу, отбасылық және әлеуметік кәсіпкерлікті дамыту жобалары жүзеге асырылған. Бағдарламаны жүзеге асыруға 1543 миллион теңге бөлініп, аталған сомаға кәсіпкерлік жобаларын бастаушыларға 186 шағын несие  беру және 240 жаңа жұмыс орнын құру жоспарланыпты. Басқарма мәліметінше облыс бойынша шағын кәсібін ашқан 164 адам жалпы сомасы 832 миллион теңге сомасында несие алған.

            Өңірде кәсіпкерлік саласының дамуына тың серпін берген «Қарапайым заттар экономикасы» жобасы болып табылады. Бұл бағдарламаның негізгі мақсаты шетелдік импорт тауарларын ығыстыратын жергілікті әлеуметтік маңызды азық-түлік тауарларымен алмастыруға бағытталған. Бағдарлама жүзеге асырылғаны бері облыста 260 жоба мақұлданып оған жалпы смоасы 44,6 млрд теңге қаржы бөлінген.

            «Мемлекеттік бағдарламалармен негізінен аграрлық саладағы атап айтқанда сүт өнімдерін өңдеу, ет өнімдерін өңдеу және консервілеу, сүтті тұқымды малды өсірумен байланысты жобалар мақұлданды. Сондай-ақ киім-кешек тігу, қонақ үй бизнесі сияқты жобалар да ашылып жатыр. Бағдарлама шеңберінде «Родина» агрофирмасы, «Асыл арман» ЖШС-і, «MILK PROJECT», «Kazyna SR», «Авиценна-Бурабай», «Зерновая индустрия – Астана», «КАИК» сияқты жауапкершілігі шектеулі серіктестіктер өз жобаларын сәтті жүзеге асыруда», - дейді Ақмола облыстық кәсіпкерлік басқармасы басшының орынбасары Александр Загребин.

            Жалпы облыс аумағында бүгінде 50 мыңнан астам шағын және орта кәсіпкерлік нысандары жұмыс істеуде.

Абзал АЛПЫСБАЙҰЛЫ.

Пеш жағу кезеңінде қолдану ережелерін бұзу – жылу кезеңінде өрттің болуының себебі. Аудан халқының көп бөлігі (70% көбісі) қыста пешпен қолданатының есептесек, көптеген азаматтар пешті қолданудың өрт қауіпсіздігінің ережелерін сақтамағандықтан, өздерінің үйлерін және жақындарының өмірлерін анық қатерге ұшыратады. Қарапайым ережелерді сақтау көптеген адамдардың өмірлерін сақтауы мүмкін.

Жылу кезіңінде тұтанудың себебі жылу жүйелерін және қондырғыларын қолдану кезіндегі өрт қауіпсідігінің ережелерін дөрекі бұзылуы болып табылады. Әсіресе пеш жылуы, өйткені көбінесе түтіндіктер жарылған қалпында қолданылады.

Сонымен қатар, пеш үстінде кептіруге қалдырылған үй киімдері және басқа жанғыш материалдар отты апаттарға әкеліп соқтырады. Электр құралдарын, ақаулы электр жабдықтарын, қолдан жасалған электр қондырғыларын қолдану кезіндегі өрт қауіпсіздігі ережелерін бұзғандықтан талай өрттер болуда. Азаматтардың ТЖМ қызметкерлерінің ескертулеріне, ескертпелеріне және ұсыныстарына назар аударуыныңызды қалаймыз. Пеш жабдықтарын қолдану кезіндегі өрт қауіпсіздігінің ең қарапайым ережелерін сақтау Сіздің өміріңізді және өрттің алдын алуы  мүмкін.

ҚОЛДАНУ ЕРЕЖЕЛЕРІ:

• пешті тұтату үшін жанғыш және тез тұтанатын сұйықтықтарды
• қолдануға болмайды;
• пештің сыртына шығатындай ағашты жақпаңыз;
• пештің алдында отынды басқа да заттар мен материалдарды қоймаңыз;
• пештің үстінде киімдерді және дымқыл ағашты кептірмеңіз. жихаз,
• перде және басқа да үй мүліктері пеш жағылып жатқан алаптан алысырақ болуын қадағалаңыз.
• жағылып жатқан пешті қараусыз қалдыру төтенше қауіпті, сонымен
• қатар жас балаларға тапсыруға болмайды;

СОНЫМЕН ҚАТАР, ТҰРМЫСТЫҚ ЭЛЕКТР ҚҰРАЛДАРЫН ЖӘНЕ ҚҰРЫЛҒЫЛАРЫН ҚОЛДАНУДЫҢ КЕЙБІР ЕРЕЖЕЛЕРІН ҰМЫТПАҒАНЫҢЫЗ ЖӨН:

• бүлінген немесе қорғаныш қасетін жоғалтқан оқшауланған сымдармен
• және кабельдермен қолдану қауіпті;
• бүлінген розеткалармен және басқа да электр орнатылған бұйымдармен
• қолдануға;
• электр шамдарын және шарықтарды қағазбен, матамен немесе басқа да жанғым материалдармен орауға;
• стандартсыз электрқыздырғыш құралдармен қолдануға;
• желіге қосылған электрлі тұрмыстық құралдарды қараусыз қалдыруға болмайды.

Жаркайың ауданы ТЖБ бастығының м.а.

азаматтық қорғау подполковнигі С. Сарсембаев.

Тұрғын-үй секторында ескерту және өрттерді қысқарту мақсатында, Державин қаласындағы № 12 өрт сөндіру бөлімінің жеке құрамымен Жарқайың ауданының тұрғын үй секторын пысықтау бойынша алдын алу іс-шаралар жүргізілуде.

Бұл іс-шаралар мыналарды қамтиды:

 - пәтерлерді және аулаларында тексерулер жүргізе отырып, әңгімелер мен жадынамалар таратылды;

 - ақпараттық жадынамаларды тарату, онда қол жетімді баяндалған негізгі тұрмыстағы өрт қауіпсіздік ережелері, тұрмыста газды пайдалану және төтенше жағдайдағы уақытында халықтың іс-әрекеті;

- өз бетімен жүріп-тұруға қабілетті емес және онда тұратын мүгедектер мен қарт адамдары бар пәтерлерді арнайы есепке алу;

- балалардың отпен ойнауын болдырмау бойынша және өрт туындаған кезде азаматтардың  іс-әрекеттеріне  нұсқама өткізу;

Жарқайың ауданының тұрғындары өткізіліп жатырған іс-шараларға түсіністікпен қарайды, өрт қауіпсіздігіне байланысты көбі сұрақ қойып, №12 өрт сөндіру бөлімінің қызметкерлерінен өз құзырының шеңберінде жауап алады.

Державин қ.№ 12-ӨСБ-нің қарауыл бастығы

азаматтық қорғау аға лейтенанты А.Сарыбаев

Темір жол қашаннан аса қауіпті аймақ болып саналады. Себебі, мыңдаған тонна жүк тиеп алып жүйіткіп келе жатқан пойыздың алдында болу ешкімге де жақсылық әкелмейді. Темір жол – ыңғайлы және қолжетімді көліктің бірі болып саналады, оны күнделікті миллиондаған адамдар пайдалануда. Темір жол көлігінің жылдамдығының өсуі жолаушылардың жолда болу уақытын азайтып, жүктің жеткізілуін тездеткенімен, адамдарға көптеген қауіп төндіретін проблемалар тудырды. Ең басты қиындық адамдардың немқұрайлылығында, балаларға деген жауапкершіліктің аздығында. Ата-ананың бақылауын сезінбеген балалар вагондар үстіне мініп, темір жол арасында қаңғып, темір жолды ойынға айналдырады.

Негізінен, темір жолда бөгде адамдармен жарақаттану жағдайларының болуына себеп, олардың темір жолда қауіпсіздік ережелерін білмеуі, сақтамауы, асығыс жүріп, арнайы аспа көпірді пайдаланбауы және де балалардың бұзақылық істерге барып, ойын ойнауы. Жүріп келе жатқан поездың қажет кезінде дереу тоқтауы мүмкін емес, ол поездың салмағына, жолдың саласына байланысты орташа есеппен алғанда 1000 метрдей жүріп барып тоқтайды. Жылдамдығы 100-120 км/сағ жүріп келе жатқан поезд секундына 30 метр жерді жүріп өтетінін ескерсек, жолаушының жолды кесіп өтуіне 5-6 секундтай уақыт кетеді. Жас жігіттер мен бойжеткендердің әуендерді жақсы көргені сонша, темір жолдан кесіп өтіп жатса да құлағынан плеер, құлаққаптарын шешпегендіктен локомотивтің гуілін естімейді, ал көру сезімі рельсты ыңғайлы аттап өтуге ғана бағытталған.

Бір қарағанда тұрған вагондар қауіп төндірмейтін сияқты, бірақ тұрған вагонға 5 метрден кем ара-қашыққа жақындауға, астынан өтуге болмайды. Өйткені станцияда тұрған әрбір вагон жұмыс үстінде тұр деп есептеледі, әр секундта ол қозғалысқа келуі мүмкін. Вагоннан шығыңғы әр-бір зат киімге ілініп қалса адамды дөңгелек астына тартып әкетеді. Әсіресе қарсы бағытталған жылжымалы құрамалардың арасында қалып қою өте қауіпті, өйткені, қарсы бағыттағы құрамалар тудырған ауаның ағыны 16 тоннаны құрайды, мұндай жүктеме адамды поезд астына тартып әкетеді.

Сондықтан, темір жолдан уақытты қысқартып өзіңе ыңғайлы жерден өтуге болмайды. Жарақаттануды болдырмау үшін ең бастысы темір жолды арнайы белгіленген орындардан өту керек. Темір жолдан  аспа көпірлер арқылы ғана қауіпсіз өтуге болады. Аспа көпір жоқ жерлерде азаматтар темір жолды кесіп өтуге арнайы төсемелерді пайдалануға болады. Адам өмірінен қымбат ешнәрсе жоқ. Сондықтан темір жолдың қауіпті аймақ екенін ұмытпайық, өз өмірімізді өзіміз қадірлейік, ағайын!

Державин ст. ЖПб бастығы полиция капитаны Н.С.Қамбаров.

Құсмырынға жаңадан темір жол станциясын салу үшін 1938 жылдың басынан бастап құрылыс материалдары келе бастады. Үйлердің ірге тастары наурыз айында қызу салына бастады. Әр жерден шебер құрылысшылар көп келді. Мен, Сабырхан Уәлиұлы Нүрпеисов Құсмырын станциясында 1938 жылғы 8 мамырда тудым. 3 жасымда Ұлы отан соғысы 1941 жылы басталып әкемді іңісімен бірге военкомат шақырып жедел отанды жаудан қорғау үшін әскерге алды. Шешем болған жоқ, қайтыс болған. Мені кәрі әжем, әкемнің анасы бағып өсірді. Аштық, күнкөріс ауыр болды. Бұрыннан Құсмырын станциясы іргелеес колхоз Шолақтерек миалы болды. Қостанай облысы Әулиекөл ауданы колхоздарында 1941-1945 жылдарда шалдар мен кемпірлер, мүгідектерде жұмыс істеді. Менде өзім сияқты балаларға қосылып аштықтан өлмеу үшін колхоздың картобын жинасып өгіз арбамен қоймаға тасыдым, қой баққан шал-кемпірлерге көмектестім, бірігіп қой бақтым, сол кезде 6,7 жастамын. Бәрі Отан үшін, бәрі жеңіс үшін деп істедік. Осындай тағдыр тауқым етуге біз тұрған үйден Құсмұрын шетіндегі мектеп 5 шақырым, соған 1946 жылдан 1957 жылға дейін жаяу жүріп 10 сынып бітірдім. Құсмұрында 10-ші сыныпты бітірісімен Мұратова Балғалым Төлепберген қызына үйленіп екеуміз бірге Құсмырын станциясы теміржолға путевой жұмыскер болып жұмыс істедік. Ол кезде Құсмұрынның дистанция пути бастығы Пивницкий Николай Иванович деген шал еді. Мені «Сын фронтовика» деп бригадирлік курсқа жіберді. Одан кейін темір жол техникумін бітірдім. Бригадир мастер болып істедім. Әйеліміз екеумізде құрметті сыйлықтар алып тұрдық.

Мені майталман теміржолшығы үйреткендер Құсмұрын дистанция путидің мамандары. Мырзахмет Балғабай ҰОС-на қатысқан, почетный гражданин герой соц.труда, кавалер ордена «Ленина», красной знамени. Құшмұрын дистанция путида жұмыс жасаған. Ол Қазанбасы станциясында 1924 жылы туды. 03.01.2013 жылы қайтыс болды. Айтмухамбетова Ұлболсын апай 01.10.1930 жылы туды. 10 баланың анасы «Мать героиня», «Труженица тыла», «Ветеран труда» 02.01.2022 жылы қайтыс болды. Құсмырын станциясы локомотивное депо. Негунаева София Петровна 1922 жылы туды. Жарты ғасырдан артық Құсмырын станциясында тұрды, паровоз машинисінің көмекшісі, машинист паровоза болып 44 жыл жұмыс істеді. «Тыл ардагері» атақты құрметті теміржолшы. Мемлекеттік наградалар өте көп. Қызы Любовь Ивановна 1960 жылы Құсмұрында тұрады. София Петровна 29.09.2022 жылы Құсмырында қайтты.

Мені Құсмұрын дистанциясыннан жаңа жолға Державин-Есіл-Арқалық бастығы Айтпаев Оразбай Айтпаевич аға шебер, одан кейін инженер бол деп көшіріп әкелді, мен  жұмыс істедім. Жұбайым, Нүрпеисова Балғалым темір жолға қатаң қарады. Әділ жұмыс істеді. Мынадай уақытты жағдай болды Есілден, Арқалыққа шыққан поездың орта кезінде вагонның астына іліккен сүйретілген сым осы теміржол поезі 105 шақырым станция Державин настилдің шпалын сүйретіп ала кетті мұны көрген Нүрпетсова Балғалым тез поезді тоқтатып мастер ж.д. Мұратов Балғабек бригадасы келіп вагонның астынан екі шпалды суырып алып поезді әрі қарай жіберді. Переездің настилі жөнделді.

Барлық коллектив бригада Нүрпеисова Балғалымға рахмет айтты Қай жерде адал еңбек істесенжол өндірістің құрметті аодагері баласын міне мен Нүрпеисов Сабырхан Уәлиұлы зейнетке шыққасында қарап отырмадым. Халық Т.Ж. пенсионерлері мен ст.Державин ашық дауыспен жиналыста ақысыз тегін бастауыш ардагерлер ұйымына төраға болып сайлады. 22 жыл абыройы жұмыс істеймін жасым 85-те коллектив, халық, әкім, бәріде сыйлайды. Мен Құсмырын станциясының құрдасымын, екеумізде 85 жастамыз.

Мені Қазақстан теміржолы атынан Қостанай Т.Ж. мекемесі Құсмырын станциясына орталық Т.Ж. тойына 06.08.2020 жылы шақырды. Мен требунада халықты Т.Ж. тойымен құттықтадым, бата бердім. Маған шапан жапты, бас киім және шағын сыйлық берді. 8 кигіз үй құрыпты қазақтын кен дастарханың тағамдары, жеміс-жидек, қазы-қарта, ән-күй болды.

Сабырхан Уәлиұлы Нүрпеисов.

Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 10 бабына сәйкес, 2022 жылдың 22 тамызында сағат 12:00-де Державин қаласында Жарқайың аудандық мәслихатының 7 шақырылымның кезекті 34 сессиясы өтетіні туралы хабарлаймын.

Сессияда «Аудан әкімінің өзіне жүктелген қызметтер мен міндеттерді орындау туралы есебі» және тағы да басқа, мәселелер қаралатын болады.

Депутаттардың тіркелуі осы жылдың 22 тамызда сағат 10:30-да жүргізіледі.

Депутаттық сағат 11:00 де.

Жарқайың аудандық мәслихаты хатшысы А. Әлжанов

2022 жылдың 1 тамызы  мен 30 қыркүйегі аралығында «Мектепке жол», «Мектепке жол-Шексіз жақсылық!» ұранымен жалпы республикалық қайырымдылық акциясы өткізіледі.

«Ақмола облысы білім басқармасының Жарқайың ауданы бойынша білім бөлімі» ММ барлық азаматтарға, мемлекеттік органдарға, кәсіпкерлерге, ауыл шаруашылығы құрылымдарына, бизнесмендерге, меценаттарға, ауылдық округ әкімдеріне акцияға қосылу және өмірлік қиын жағдайға тап болған отбасылар мен балаларға көмек көрсетуге зор үлес қосуды ұсынады. Акция аз қамтылған және көп балалы отбасылардан шыққан оқушыларға, сондай-ақ балаларға қолдау көрсетуге бағытталған –жетім балаларды жаңа оқу жылының басталуына дайындау. Акция тек қайырымдылық сипатқа ие. Акцияға  қатысуға ниет білдірушілердің барлығы 9-22-84; 9-24-63  телефондары арқылы хабарласа алады.