Халықтың табысын арттырудың 2025 жылға дейінгі бағдарламасы (бұдан әрі – Бағдарлама) шеңберінде Үкімет партиямен бірлесіп "Ауыл АМАНАТЫ" жобасын (бұдан әрі – жоба) іске асыруда.

Жоба Жамбыл облысында 2019 жылдан бастап іске асырылып жатқан "Ауыл халқының табысын арттыру" пилоттық жобасын республика бойынша масштабтауды, сондай-ақ оны жүйелендіру мен біріздендіруді көздейді.

Жамбыл облысының ауыл халқының табысын арттыру жөніндегі оң тәжірибесі осы ауылда кооперативтің мүшелерін төмендетілген құнмен азықпен және басқа да сервистік қызметтермен қамтамасыз ету бойынша бір мезгілде ұйымдастыра отырып, бір ауылдық округ тұрғындарының микронесиелерге деген қажеттілігін барынша қанағаттандыруға негізделген. Өңірге 2019 жылы республикалық бюджеттен 7,2 млрд.теңге несие бөлінді. Скрининг нәтижелері бойынша халықтың микронесиелерге қажеттілігін ескере отырып, бөлінген несие көлеміне 11 пилоттық ауылдық округ айқындалды.

2023-2025 жылдар аралығында Бағдарлама шеңберінде жыл сайын республиканың барлық облыстарына жобаны іске асыруға бюджеттік несиелер бөлу көзделеді.

Өңірге бөлінетін бюджеттік несиенің көлеміне және скрининг нәтижелері бойынша алынған ауылдарды несиелеу қажеттілігіне байланысты облыстардың әкімдіктері кезекті қаржы жылында жобаға қатысатын пилоттық ауылдық округтерді айқындайтын болады.

Жоба бойынша микронесие алуға үміткерлер жұмыссыздар және жұмыспен қамтылған адамдардың жекелеген санаттары болуы мүмкін (ҚР Үкіметінің 11.04.2019 ж. № 178 қаулысы):

1) ісін жаңа бастаған және жұмыс істеп жүрген кәсіпкерлер, келесілерден басқа:

• акцизделетін тауарларды/өнімдерді шығаруды жүзеге асыратын;
• ірі салық төлеушілер тізбесіне енгізілген металлургия өнеркәсібіндегі жобаларды іске асыратын;
• өз қызметін тау-кен өндіру өнеркәсібінде жүзеге асыратын;
• мемлекеттік кәсіпорындар/мекемелер, ұлттық басқарушы холдингтер, ұлттық компаниялар және акцияларының (жарғылық капиталға қатысу үлестерінің) елу және одан да көп пайызы мемлекетке, ұлттық басқарушы холдингке, ұлттық холдингке, ұлттық компанияға (әлеуметтік-кәсіпкерлік холдингті қоспағанда) тікелей немесе жанама түрде тиесілі ұйымдар болып табылатын құрылтайшылар (оның ішінде қатысушылар, акционерлер) сондай-ақ кәсіпкерлер, мемлекеттік-жекешелік әріптестік туралы шарт шеңберінде құрылған), сондай-ақ коммерциялық емес ұйымдар;
• ҚР Үкіметінің 11.04.2019 ж. № 178 қаулысымен бекітілген тұлғалар;

2) зейнет жасына толмай қысқартылған (жұмыстан босатылған) қызметкерлер;

3) дара кәсіпкер ретінде тіркеусіз кіріс алу мақсатында тауарларды өндіру (өткізу), жұмыстарды орындау және қызметтерді көрсету жөніндегі қызметті дербес жүзеге асыратын тұлғалар және (немесе) жұмыс істемейтін дара кәсіпкерлер;

4) отбасылық кәсіпкерлікте ақы төленбейтін қызметті дербес жүзеге асыратын тұлғалар;

5) табысы ең төменгі күнкөріс деңгейінің шамасынан төмен, сату (айырбастау) үшін жеке қосалқы шаруашылықта өнім өндіру жөніндегі қызметті дербес жүзеге асыратын тұлғалар;

6) табыстары ең төменгі күнкөріс деңгейінен төмен өндірістік кооперативтердің мүшелері жатады.

Микронесие беру шарттары Қазақстан Республикасы Еңбек және халықты әлеуметтік қорғау министрінің 14.07.2022 жылғы № 263 бұйрығымен бекітілген кәсіпкерлік бастамаға жәрдемдесу жөніндегі шараларды ұйымдастыру және қаржыландыру қағидаларының (бұдан әрі – қағидалар) 3-тарауының 2-параграфында айқындалған.

Үміткерлерге микронесиелер мерзімділік, ақылылық, қайтарымдылық, қамтамасыз етілу, нысаналы пайдалану қағидаттарын сақтай отырып, мынадай шарттарда беріледі:

1) микронесие мерзімі - 5 жылға дейін, мал шаруашылығы саласындағы жобалар үшін микронесие мерзімі – 7 жылға дейін;

2) микронесиенің ең жоғары сомасы – ауылдық елді мекендерде (олардың әкімшілік бағыныстылығына қарамастан) және шағын қалаларда – 2,5 мың АЕК-ке дейін;

3) номиналды сыйақы мөлшерлемесі – жылдық 2,5 пайыздан аспайды;

4) кепілмен қамтамасыз етудің болуы;

5) негізгі борыш пен сыйақыны өтеу бойынша жеңілдікті кезең микрокредит беру мерзімі ұзақтығының 1/3 аспайды;

6) Қазақстан Республикасының салық заңнамасына сәйкес салық органдарында тіркеудің болуы.

Қағидаларға сәйкес, микронесие алу үшін үміткерлер облыстың ауыл шаруашылығы басқармасы айқындаған сенім білдірілген өкілге (агентке) мынадай құжаттарды ұсынады:

1) сенім білдірілген өкілдің (агенттің) ішкі нормативтік құжаттарына сәйкес микрокредит алуға сауалнама – өтініш [түпнұсқа*/ электрондық құжат**];

2) Жеке басты куәландыратын құжат [көшірмесі***/құжаттың электрондық көшірмесі**/ мемлекеттік дерекқордан алынған электрондық форматтағы мәліметтер];

3) несиелік тарих субъектісінің ол туралы ақпаратты несиелік бюроға беруге, сондай-ақ несиелік есепті алушыға несиелік есепті беруге келісімі [түпнұсқа*/ электрондық құжат];

4) субъектінің Мемлекеттік (оның ішінде құқық қорғау)/мемлекеттік емес органдарға, бұқаралық ақпарат құралдарына берілген микронесие туралы ақпаратты, мәліметтерді және несие беру туралы шарт бойынша міндеттемелердің орындалуы /орындалмауы туралы барлық мәліметтерді ұсынуға және алуға келісімі [түпнұсқа*/ электрондық құжат**];

5) Бизнес-жоспар [үміткердің түпнұсқасы/ электрондық құжат**];

6) қатысушының/үміткердің уәкілетті органының микронесие алу, мүлікті кепілге беру жөніндегі мәмілені мақұлдау туралы шешімі [түпнұсқа (микронесие мақұлданғаннан кейін ұсынылады)];

7) Қазақстан Республикасының заңнамасына және микронесие беру ұйымының/МҚҰ/КС/сенім білдірілген өкілдің (агенттің) ішкі құжаттарына сәйкес ресімделген мүлікті кепілге беру бойынша кепіл берушілердің келісімі [түпнұсқа (микронесие мақұлданғаннан кейін беріледі)];

8) қызмет көрсететін банктен шоттың бар екендігі туралы анықтама [түпнұсқа (микронесие мақұлданғаннан кейін ұсынылады)/электрондық құжат**];

9) несиелік берешектің, оның ішінде қаржы ұйымдарынан мерзімі өткен берешектің болуы туралы анықтама (несиелер болған кезде) [түпнұсқа (берілген күннен бастап күнтізбелік 30 күнге дейінгі мерзімге уәкілетті тұлғаның түпнұсқамен салыстырған көшірмесіне жол беріледі)/несиелік бюролардан электрондық форматтағы мәліметтер];

10) қатысушының/үміткердің жалақысын және (немесе) өзге де кірістерін растайтын құжат (жинақтаушы зейнетақы қорынан үзінді көшірме) [түпнұсқа (ол болған кезде)/мемлекеттік деректер базасынан электрондық форматтағы мәліметтер];

11) бағалау туралы есеп [түпнұсқа/электрондық құжат**];

12) кепіл беруші және кепілмен қамтамасыз ету жөніндегі құжаттар [көшірмесі***/мемлекеттік дерекқордан алынған электрондық мәліметтер].

Ескерту:

* кредитордың қатысуымен толтырылады;

** микронесие беруге өтінімдерді қабылдаудың автоматтандырылған жүйелерін пайдалану кезінде

*** құжаттардың көшірмелері түпнұсқамен салыстырылады.

Сенім білдірілген өкіл (агент) ретінде тиісті саладағы әлеуметтік-кәсіпкерлік корпорацияны айқындау көзделеді.

Жоба 2023-2025 жылдарға арналған республикалық бюджет қаражаты шеңберінде іске асырылатын болады.

Өңірде ағымдағы жылы алғаш рет жұмыспен қамту шаралары бойынша 2 жаңа жоба іске асырылуда.

Бұл "Ұрпақтар келісімшарты" бағдарламасы, оған 2 жыл ішінде оқуды аяқтаған және 29 жастан аспаған оқу орындарының түлектері қатысады. 

"Ұрпақтар келісімшарты" бағдарламасы жарты жылдан кейін зейнетке шығу уақыты келген мамандары бар компанияларда қолданылады. Біз ол жерге жас жігітті жібереміз, ал аға тәлімгер оған өз тәжірибесін беріп, ауысымды дайындайды. Тәлімгер зейнетке шыққаннан кейін оның орнын жас қызметкер алады. Бүгінгі таңда бағдарлама бойынша 11 адам жіберілді", - деді облыстық жұмыспен қамтуды үйлестіру және әлеуметтік бағдарламалар басқармасының басшысы Дина Ахметжанова.

Екінші жоба - "Күміс жас", оның қатысушылары жұмыссыз және зейнеткерлік жасқа дейінгі адамдар болып табылады. Қатысу ұзақтығы 12 айдан аспайды, жалақы жалақы мөлшерінің 50% құрайды. Жоба бойынша 60 адам жұмысқа орналастырылды, тағы осынша адамды жыл соңына дейін жұмысқа орналастыру жоспарлануда.

Бұдан басқа, халықтың табысын арттыру бағдарламасы аясында Көкшетау, Қосшы, Степногорск қалалары мен Атбасар ауданында отбасыларды қолдау және сүйемелдеу бойынша 4 орталық ашу жоспарланған.

Орталықтың басты міндеттері – көп балалы, аз қамтылған немесе мүгедек балаларды тәрбиелеп отырған отбасыларға қоғам өміріне бейімделуге көмектесу: оқытудан өту, өз ісін ашу туралы көбірек білу, заңгерлік, психологиялық, әлеуметтік көмек алу, 9 мың көп балалы отбасы, мүмкіндіктері шектеулі балаларды тәрбиелеп отырған 3 мың отбасы үшін "бір терезе" қағидаты бойынша кешенді консультация беру, 2 мың аз қамтылған және басқа да әлеуметтік осал санаттар. 

Бұдан басқа, жаңа орталықтың қызметі отбасы институтын нығайтуға бағытталатын болады.

Орталықтарды ашуға облыс әкімдігінің қаулысымен облыстық бюджеттен 40 млн. теңге бөлінді.

Жұмыспен қамтуды үйлестіру және әлеуметтік бағдарламалар басқармасының басшысы Дина Ахметжанова жарты жылдың қорытындысы бойынша өңірлік коммуникациялар қызметі алаңында "2025 жылға дейін халықтың табысын арттыру бағдарламасы" кешенді жоспарының қалай іске асырылып жатқанын айтып берді.

Спикердің айтуынша, облыста 46 іс-шарадан тұратын облыстық жоспар әзірленді, оның 10-ы – жұмыспен қамту мәселелері.

Жоспардың басым бағыттарының бірі тиісті шараларды іске асыру арқылы жастардың жұмыспен қамтылуын арттыру үшін жағдай жасау болып табылады.

"Бірінші жартыжылдықта Жұмыспен қамтудың белсенді шараларымен 2564 азамат қамтылды, оның ішінде жоба бойынша 74 адам бірінші жұмыс орнына орналастырылды. Ол жұмыс іздеп жүрген адамдарға және 29 жастан аспаған жастар қатарындағы жұмыссыздарға, оның ішінде NEET санатынан жұмыс тәжірибесі мен білімі жоқ адамдарға арналған. Жалақыны мемлекет субсидиялайды. Сондай - ақ, бірінші жұмыс орнының ұзақтығы 12 айдан 18 айға дейін ұлғайып, төлем мөлшері 20 АЕК-тен 30 АЕК-ке дейін ұлғайғанын хабарлағым келеді", - деп атап өтті облыстық ведомство басшысы.

Әлеуметтік жұмыс орындарымен 384 адам қамтылды. Жастар практикасына 262 жас жіберілді, жыл соңына дейін тағы сонша жастар жіберіледі. Қоғамдық жұмыстарға 1773 адам жіберілді.

Дина Ахметжанова атап өткендей, шараны іске асырудың алғашқы күндерінен бастап жұмыспен қамтудың белсенді нысандары аяқталғаннан кейін тұрақты жұмысқа орналасуға, сондай-ақ жұмыс берушілердің зейнетақы жарналарын аударуына ерекше көңіл бөлінеді.

Бұдан басқа, облыста 487 адамға жаңа бизнес-идеяларды іске асыруға гранттар беру жоспарланған, оның ішінде 260 грант жастарға арналған. Бүгінгі таңда 21 грант берілді, оның ішінде 10-ы жастар.

Айта кетейік, жыл соңына дейін өңірде 18 мыңға жуық жаңа жұмыс орны ашылады. Бүгінде 12 мыңға жуық жаңа жұмыс орны ашылды, оның 6 мыңнан астамы - тұрақты жұмыс орындары.

Басты мақсат – ауыл тұрғындарына табысын, әл-ауқаты мен өмір сүру сапасын арттыруға көмектесу. Биыл сәуірде Мемлекет басшысы Қасым-Жомарт Тоқаевтың тапсырмасына сәйкес «2025 жылға дейін халықтың табысын арттыру бағдарламасы» бекітілді. Ауыл тұрғындарының жылдық мөлшерлемесі 2,5%-ды құрайтын жеңілдетілген несие алуына, кооператив құру және техниканы лизингке ресімдеу кезінде көмек алуына мүмкіндік пайда болады. Осы бағдарлама аясында партия Үкіметпен бірлесіп «Ауыл аманаты» жобасын жүзеге асыруда.

Қаражат республикалық бюджеттен бөлінеді. 7 жылға дейінгі мерзімге берілетін несиенің ең жоғары сомасы – 2 500 АЕК (шамамен 8 млн. теңге). Тұрғындар көбінесе  бұл ақшаға мал сатып алады. Кейбіреулері наубайхана сияқты шағын бизнес нысандарын ашады. Мобильді топтар еліміздің әр өңіріндегі 394 ауылдық елді мекенге баруды көздеп отыр. Сапар 10 қыркүйекке дейін жалғасады. Жарқайың ауданында да үш ауылда насихаттау жұмыстар жүргізді. Жұмыссыздық, баянсыз болашақ пен несие, субсидияға қатысты қиындықтар адамдарды ауылдан көшуге мәжбүрледі. Тұрғындар ауыл шаруашылығымен айналысқысы келгенімен, ешқандай мүмкіндік болмаған соң айнала азып-тоза бастады. Бұл жағдай шекара шебінде орналасқан ауылыздар үшін аса қауіпті. Сондықтан аталған жоба ауылдарды гүлдендіріп, жастар туған жерінде жұмыс табады, қалаға көшіп кетпейді деп үміттенеміз. Егер, сіздерде сұрақтар туындаса, Жарқайың аудандық «AMANAT» партия филиалына келе аласыздар. Қазіргі таңда біз, бүкіл, түсіп жатқан сұрақтарды жинақтап, партия орталық аппаратына жолдап отырмыз. Сондай-ақ, «Ауыл аманаты» жобасының аясында аудандық 17 ауылдық округ әкімі біліктілігін арттырды. Олар маркетингтік талдау жүргізуді, сауатты бизнес-жоспарын әзірлеуді, жобаны қаржыландыру көзін іздеуді және ауыл экономикасын дамытатын болашағы бар бағыттарды анықтауды үйренді.

«AMANAT» партия аудандық филиалы.

Жарқайың ауданының мемлекеттік мекемелерімен көрсетілетін мемлекеттік қызметтер мемлекеттік қызметтерді көрсету жөніндегі қызметтерді іске асыратын мемлекеттік органдардың бірлестірілген жүйесіне енеді.

Тұрғындарға көрсетілетін мемлекттік қызметтің сапасын арттыру бұл азаматтар арасында мемлекеттік органдардың қызметіне деген сенімін арттырады және сыбайлас жемқорлыққа қарсы тұрудың негізгі аспектісі.

                Мемлекеттік қызметтер келесі негізгі принциптердің негізінде көрсетіледі:

- ата-тегінің, әлеуметтік, лауазымдық және мүліктік жағдайының, жынысының, нәсілінің, ұлтының, тілінің, дінге қатынасының, сенімінің, тұратын жерінің немесе басқа да жағдайлардың себебін кемсітпеусіз қызмет алушылардың тең қол жетімділігі;

- мемлекеттік қызметтерді көрсету барысында былық және бюрократизм көріністерін болдырмау;

- мемлекеттік қызмет көрсету саласында есепшілік пен барлығының байқалып, көрінуі;

-   мемлекеттік қызметтің сапасы мен қол жетімділігі;

- Мемлекеттік қызметті көрсету процессін үнемі жетілдіріп отыру;

-   мемлекеттік қызметті көрсетудегі үнемділік пен тиімділік.

Жарқайың ауданы бойынша білім бөлімі Тассуат ауылының негізгі орта мектебі» КММ қызметтің 5 түрін көрсетеді:

«Бастауыш, негізгі орта, жалпы орта білім берудің жалпы білім беретін бағдарламалары бойынша оқыту үшін ведомстволық бағыныстылығына қарамастан білім беру ұйымдарына құжаттарды қабылдау және оқуға қабылдау»;

«Бастауыш, негізгі орта, жалпы орта білім беру ұйымдарына денсаулығына байланысты ұзақ уақыт бойы бара алмайтын балаларды үйде жеке тегін оқытуды ұйымдастыру үшін құжаттарды қабылдау»;

«Жалпы білім беретін оқу орындары арасында балаларды ауыстыру үшін құжаттарды қабылдау»;

«Негізгі орта, жалпы орта білім туралы құжаттардың телнұсқаларын беру»;

«Мектепке дейінгі тәрбие мен оқыту, бастауыш, негізгі орта, жалпы орта, техникалық және кәсіптік, орта білімнен кейінгі білім беру бағдарламаларын іске асыратын білім беру ұйымдарының педагог қызметкерлері мен оларға теңестірілген тұлғаларға біліктілік санаттарын беру (растау) үшін аттестаттаудан өткізуге құжаттар қабылдау».

Ай сайын мониторинг мақсатында мемлекеттік қызметтің сапасын қадағалап отыру үшін аудандық білім бөліміне мемлекеттік қызмет көрсетудің сандық және сапалық есебі беріліп отырылады. Сондай-ақ Жарқайың ауданы бойынша білім бөлімі Тассуат ауылының негізгі орта мектебінде» КММ мемлекеттік қызмет көрсету стандарттары және оларды көрсету реті жарияланған стенді ресімделген. Мектепте өзіне-өзі  қызмет көрсету бұрышы бар.

Қызмет алушы мемлекеттік қызметке  өтініштерін бере алады.

Барлық қызмет көрсету  «электронды үкімет» порталы және мемлекеттік корпорация орталығы арқылы  жүргізіледі. Мемлекеттік қызмет тұтынушыларынан жергілікті атқарушы органдарға шағым түскен жоқ.

Қосымша хабарламаны мына адрес бойынша алуға болады: Жарқайың ауданы, Тассуат ауылы, Ы.Алтынсарин көшесі, 6. Телефон: 87164893280.

«Тассуат ауылының негізгі орта мектебі» КММ

Мектеп директоры м.а: С.Б.Сатыбалдина.

2022 жылдың 15-16 тамызында Жарқайың ауданының әкімі Жанболат Хамитов Пригород, Тассуат, Далабай ауылдарының, Державин қаласының, Гастелло ауылының, Уәлиханов және Жаңадала ауылдық округінің тұрғындарымен кездесу өткізді.

Тұрғындармен кездесу барысында ауыл әкімдерінің бірінші жартыжылдықта атқарылған жұмыстар және екінші жартыжылдыққа арналған міндеттер туралы есептері тыңдалды.

Кездесуге аудандық мәслихат хатшысы, аудандық мәслихат депутаттары, аудандық ұйым басшылары, аурухана мен полиция өкілдері қатысты.

Ауыл тұрғындарымен кездесу барысында жолдарды жөндеу, ауыл шаруашылығы жерлері мен жайылымдар мәселесі және басқа да сұрақтар қойылды.

Тұрғындармен кездесу қорытындысы бойынша аудан әкімі тиісті органдарға бірқатар нақты тапсырмалар берді.

Жарқайың ауданы әкімдігінің баспасөз қызметі.

Мереке қарсаңында түрлі іс-шаралар, футбол, бильярд, қазақша күрес, бәйге, веложарыс, "Державин қаласының аруы" байқауы, сондай-ақ қолданбалы өнер көрмесі ұйымдастырылды.

Бүгін Орталық алаңда аудандық және шақырылған әртістердің қатысуымен қорытынды гала-концерт өтті.

Мерекелік шара барысында Жарқайың ауданы әкімінің орынбасары Бағдат Шонов барлық қатысушыларды қала күнімен құттықтады. Сондай-ақ, қала күнімен қала әкімі Талғат Бейсенов құттықтады.

Салтанатты кештің соңында фейерверк қала тұрғындары мен қонақтарына тамаша көңіл-күй сыйлады.

Жарқайың ауданы әкімдігінің баспасөз қызметі.

Сіздерді Спорт күні мерекесімен шын жүректен құттықтаймын! Спорт мемлекетіміздің әлеуметтік саясатының маңызды бағыты болып табылады.

Саламатты өмір салтын қалыптастыру мен спорттық тамаша дәстүрлерді сақтау жас ұрпақ денсаулығын нығайтып, оның ішкі-сыртқы тәрбиесін дамытуға ықпал етеді.

Бүгінгі күні салауатты өмір қазақстандықтарға аса танымал салтқа айналып келе жатқаны тегін емес. Спортшылар да күннен-күнге өз өнегелері арқылы дене шынықтыру мен спорт денсаулық кепілі екендігін айғақтап, спортқа ден қойған адамдар саны жылдан-жылға артып, спортшылардың жетістіктері мен жеңістері де көбейіп келеді.

Олар республика көлемінде ғана емес, халықаралық деңгейде де мақтанарлық нәтижелерге қол жеткізуде. Толағай табыстарда жаттықтырушылардың маңдай терлері мен табанды еңбегінің қолтаңбасы жатқандығын айта кеткен артық болмас.

Келешекте біздің спортшылар жаңа белестерді бағындырып, бұқаралық спорт жерлестеріміздің күнделікті өмір салтына айналарына сенімім мол.

Барлық спортшыларды мерекемен құттықтай отырып, өмірлеріңіз жақсы өзгерістерге, қуанышты кездесулерге, жеңісті сәттерге толы болып, ел үмітін ақтайтын спортшыларымыздың қатары көп болуына шынайы тілектеспін!

Жарқайың ауданының әкімі Жанболат Хамитов.

«Әділдік жолы» Республикалық қоғамдық бірлестігі ҚР Сыбайлас жемқорлыққа қарсы агенттігімен бірлесіп 2022 жылғы 15 тамызда республика бойынша «Әділдікті талап ет!» атты ауқымды науқанын бастайды. Оған Қазақстан Республикасының кез-келген азаматы қатыса алады. 

Науқанның басты мақсаты – қоғам арасында жемқорлыққа төзімсіздік ортасын қалыптастырып, бұл үрдіске ел азаматтарын барынша жұмылдыру. Аталмыш іс-шара жемқорлықтың болуы немесе орын алуы мүмкін деген, қоғамды алаңдататын мәселелердің кең ауқымын кезең-кезеңімен қамтитын болады.

Бірінші кезеңде автожол саласындағы мәселелерге тоқталып, жолдарды салу, жөндеу және күтіп ұстау барысындағы жемқорлық тәуекелдерін анықтауға назар аударылады.

2022 жылғы 14 шілдеде Үкіметтің кеңейтілген отырысында Мемлекет басшысы Қ-Ж.К.Тоқаев жол салу саласында сыбайлас жемқорлыққа бейімділік көрсеткішінің жоғары екенін атап өтіп, елімізде жол салу барысында 10 жыл ішінде болған бұзушылықтарды мұқият тексеруді тапсырған. «Еліміздің жолдары нашар екені және жол құрылысы саласын жемқорлық жайлағаны ешкімге жасырын емес. Жалпы, бұл салада қордаланған мәселе көп... Жолдың нашар сапасына қатысы бар барлық кінәлілерді Заңға сәйкес жауапкершілікке тарту қажет», - деді мемлекет басшысы.

Қазақстанда бұл сала сыннан көз ашпай жатқаны анық. Сапасыз жолдар – жол-көлік апаттарында талай адамдардың қайтыс болып, жарақат алуларының себебі болып табылады. 2021 жылы автожол саласына 500 млрд.тг. шамасында қаржы бөлінген. Сонымен қатар, осы жылы 14 000 жол-көлік апаты тіркеліп, онда 2000-нан аса адам қаза болып, 18 000 адам  жарақаттанған. Бұл дегеніміз – 20 000 бұзылған тағдырлар! Жол сапасының бұл жағдайға қатысы бар екенін анық.     

Сапасыз жолдар – адамдардың өміріне қауіп төндіретін жол апаттарының, тасымалмен айналысатын бизнес-қауымдастығының өзекті проблемасы болып отыр. Жалпы, транспорт жүйесі – ұлттық экономика үшін маңызды деп саналатын еліміздің инфрақұрылымы. БӘФ Ғаламдық бәсекеге қабілеттілік индексінің көрсеткішіне сәйкес жол сапасы жөнінен біздің ел 138 орынның 108-ші орнында орналасқан.

Биыл 11 мыңнан астам шақырым жолға әртүрлі жөндеу жұмыстары жүргізіледі. Бұған 600 миллиард теңгеден астам қаржы бөлінді. Ал, жол жөндеуге бөлінген қаражаттың 44 пайызына мемлекеттік сатып алу қорытындысы жасалған жоқ. Автожолдарды салу жобаларының барлық кезеңдері жемқорлық тәуекелдеріне бейім. Тек мемлекет пен азаматтардың бірлескен күшімен ғана, қоғамды барынша жемқорлыққа қарсы күресте жұмылдыра отыра, бұл зұлымдыққа төтеп бере аламыз.

Азаматтар науқанға Adildik.kz веб-сайты арқылы қосылып, 1463 Call center бойынша Қазақстан автожолдарын салу, жөндеу және күтіп ұстау саласындағы жемқорлық туралы ақпаратты 15 тамыздан бастап хабарлай алады.  

Келіп түскен барлық ақпарат қалың жұртшылықты жұмылдыра отыра,  жергілікті және республикалық «Әділдік кеңесі» атты Кеңестерінде талқыланады. Сонымен қатар, салалық нормативті-құқықтық актілерді жетілдіру мақсатында және уәкілетті органдарға сындарлы ұсыныстар ұсынылатын болады. 

Науқанның қорытындысы, сонымен қатар Бірлестік қызметінің нәтижесі биылғы жылдың аяғында өтетін Жемқорлыққа қарсы форумда жарияланып, науқанға белсенді қатысқан азаматтар «Әділдік жауынгері» мәртебесіне ие болады.

Бей-жай қарамайтын барлық азаматтарды аталмыш науқанға қосылып, елімізді толыққанды дамытуға жол бермей жатқан, жемқорлардың «арқасында» жемқорлықты қабылдау индексіне сәйкес 180 дүниежүзі елдері арасындағы 102 орынды ұстатып отырған жемқорларға қарсы күресте белсенділік танытуға шақырамыз.

Жемқорлықты бірге жеңейік!

Әділдіктің жауы – бейқамдық!

Бейқам болма, әділдікті талап ет!

 Анықтама.  Жоғарыда көрсетілген шараның ұйымдастырушысы –

ҚР  Президенті Қ-Ж.К. Тоқаевтың сайлауалды бағдарламасының «Әділдік» атты екінші бағытын қолдау мақсатында 2020 жылғы 18 қарашада құрылған «Әділдік жолы» Республикалық қоғамдық бірлестігі.  Аз уақыт ішінде ұйым сыбайлас жемқорлыққа және оның барлық көріністеріне қарсы күресте жақсы нәтиже көрсете алды.

Осылайша, Бірлестік жыл басынан бері 22 мыңнан астам азаматқа заңгерлік кеңес беріп, мемлекеттік сатып алулар мониторингі аясында 1000-ға жуық бағаны көтеру фактілері мен 20 млрд теңге соманы құрайтын заң бұзушылықтарды анықтады. Осы және өзге де фактілер бойынша 300-ден астам мемлекеттік орган басшылары мен басқа да тұлғаларға жалпы сомасы 67 миллион теңге айыппұл салынып, 21 қылмыстық іс қозғалды.

Олардың тең жартысы мемлекеттік қызметкерлер немесе оларға теңестірілген тұлғалардың кәсіпкерлік қызметпен айналысқан.

Мысалы, Ақтөбе қаласындағы бір спорт мектеп директорының орынбасары өз қызметімен қатар жеке кәсіпкер ретінде мемлекеттік сатып алулармен айналысып, басқа спорт мектептері мен білім беру ұйымдарына да қызмет көрсетіп отырған. Оған 428 820 теңге көлемінде айыппұл салынып, сондай-ақ, мемлекет пайдасына деп оның заңсыз 15 901 780 теңге кірісі тәркіленді.

Бірлестік «ArtSport.kz» жобасы аясында жемқорлық фактілерін бірінші болып анықтады. Мәселен, жан басына белгіленген мемлекеттік шығармашылық тапсырыс 28 млрд. теңге құраса, тек Шымкент қаласының өзінде 1704 ваучер иегерлерінің арасынан 547 бұзушылықтар анықталды, яғни әр 3-ші бала үйірмеге қатыспаған.