Сіздерді Мұрағатшылар күні" кәсіби мерекелеріңізбен шын жүректен құттықтаймын!

Халықтың тарихи жадын сақтаушы бола отырып, Сіздер уақыт пен ұрпақтың берік байланысын қамтамасыз ете отырып, ауданның дамуының құжаттық дәлелдерін сақтайсыздар, онсыз болашақты құру мүмкін емес. Сіздердің еңбектеріңіз өз мамандығына деген құштарлықты ғана емес, сонымен қатар көп қырлы білім мен болашақ ұрпақ алдындағы жауапкершілік сезімін талап етеді.

Кәсіби мереке күні Сіздерге шын жүректен жұмыста табыс, жаңа жетістіктер, мықты денсаулық, отбасыларыңызда бейбітшілік пен амандық тілеймін!

Жарқайың ауданының әкімі Ж.Хамитов.

10 желтоқсанда «Балалар жылына» арналған 2014-2015 ж.т. жасөспірімдер арасында футзалдан облыстық турнир өтті. Аудандық мәслихаттың хатшысы А.Әлжанов, Жарқайың БЖСМ директоры А.Әлжанова балаларға зор денсаулық тілеп, болашақта спорттан кетпеуін, алаңда бір-біріне құрметпен қарауды және спорттағы жеңістерді тіледі.

Осы жарыстардың қорытындысы бойынша Арқалық БЖСМ командасы 1 орынды, Жарқайың БЖСМ 2 орынды, Ржаксин БЖСМ 3 орынды иеленді.

«Үздік қақпашы» номинациясында: Петров Михаил (Жарқайың БЖСМ), «Үздік қорғаушы» - Русланұлы Аян (Арқалық БЖСМ), «Үздік ойыншы» - Серік Ерасыл (Арқалық БЖСМ), «Үздік шабуылшы» - Хусаинов Богдан (Жақсы БЖСМ), «Ең әдепті ойыншы» - Қайролла Димаш (Жарқайың БЖСМ) танылды.

Жарқайың ауданының БЖСМ.

Жарқайың ауданы әкімінің орынбасары Мария Жекебатырова барлық қатысушыларды мектептің мерейтойымен құттықтап, алтын ұя мектебінің өсіп өркендеуіне зор үлес қосқан ел азаматтарына, барлық ұстаздар ұжымына, мәдени және білімі жағынан зерек жиырма бірінші ғасырдың жаңа ұрпағын тәрбиелеу жолында, шығармашылық табыстар тіледі.

Сондай-ақ, Жаңадала ауылдық округінің әкімі, мектеп түлегі Көкетай Хамзин, мектеп директоры Елена Стрымбовская, Зерноград мектебінің педагогтары мен түлектері құттықтау сөз сөйледі.

Мектеп оқушылары мерейтой қонақтарына шығармашылықтарын сыйлай отырып, әндерімен және билерімен құттықтады.

Жарқайың ауданы әкімдігінің баспасөз қызметі

2022 жылғы 9 желтоқсанда Жарқайың ауданы әкімдігінің ғимаратында аудан әкімінің орынбасары М.Жекебатырованың төрағалығымен консультативтік-кеңесші органның отырысы өткізілді. Оның барысында пробация қызметінде есепте тұрған сотталғандарды жұмысқа орналастыру, сотталғандардың жәбірленушілердің өтемақы қорына мәжбүрлеп төлем төлеуі мәселелері қаралды, сондай-ақ Консультативтік-кеңесші органның 2023 жылға арналған жұмыс жоспары бекітілді.

Пробация қызметінің баспасөз қызметі.

3-желтоқсан Халықаралық мүгедектігі бар тұлғалар күні. Халықаралық мүгедектер күні елімізде 1992 жылдан бастап атап өтілуде. Ерекше жандарға, оның ішінде жастарға еш кедергісіз жағдай жасау, оларды жұмысқа орналастыруға көмектесу және белсенді өмір сүруіне ықпал жасау, жан жақты қолдау көрсету – бұл біздің қоғам алдындағы парызымыз. Қаншама жанның жүрегіне жылу ұялап, өмірге деген құштарлығы оянып, сөнген үміттері қайта жанып жатса, мақсатымыздың орындалғаны деп білеміз.

Осылайша, 2022 жылдың 9 желтоқсан күні ауданымыздың кітапхана қабырғаларында Жарқайың ауданының әкімі Ж. Хамитовтың мүгедектігі бар адамдармен кездесуі өтті. Кездесуге аудан әкімі, аудан әкімінің орынбасары, мүгедектігі бар тұлғалар, мемлекеттік емес ұйымдардың өкілдері және мемлекеттік мекемелердің басшылары қатысқан еді.

Аудан әкімі қатысушыларды Халықаралық мүгедектігі бар адамадардың күнімен құттықтап мирімді, шынайы, ашық азамат болып қала беруді, керемет көңіл күй, әр күн сәтті және қызықты өтуді тіледі. Сондай-ақ, аудан әкімі ауданда мүгедектігі бар азаматтардың құқықтарын қамтамасыз ету және өмір сүру сапасын жақсарту, инклюзивті білім беруді енгізу, кедергісіз орта құру жөніндегі Ұлттық жоспарды іске асыру барысы туралы айтып өтті.

Сонымен қатар, Ж. Хамитов бірқатар алғыс хаттарды табыс етті. Олар, осы салада белсенділігімен және сүбелі жетістіктерімен көзге түскен азаматтар: Қабдусалам Қылышбайұлы Базарбаев – Жарқайың ауданының параолимпиядалық командасының құрметті капитаны, 20 жыл көлемінде мүгедектігі бар тұлғаларды интеграциялауда қоғамдық белсенділік танытуда; Абденбек Бегалиев – спорт ардагері, аудандық және облыстық жарыстардың жүлдегері, жастарға үлгі боларлықтай азамат; Ләззат Оразқызы Жанайдарова – Жарқайың ауданы бойынша қазақ зағиптар қоғамының төрайымы; Талғат Тұрсынұлы Омашов – Ақпан Үкібай атындағы орта мектебінің мұғалімі, Ақмола облысының тоғызқұмалақтан үшдүркін чемпионы.

Сондай-ақ, кездесу барысында «Ішкі саясат, мәдениет, тілдерді дамыту және спорт бөлімі» ММ-ң басшысы Азамат Беріктасұлы Баймулдинов, Мүгедектігі бар адамдар мәселелері жөніндегі әкімнің кеңесшісі Әділет Ғабдоллаұлы Нұрбеков, №7 түзету кабинетінің басшысы Сәуле Әлімханқызы Саденова, Жарқайың ауданы бойынша қазақ зағиптар қоғамының төрайымы Ләззат Оразқызы Жанайдарова, «Доброе сердце» қорының басшысы Вера Калиевна Сидорина сөз сөйледі. Кездесу шағын концертпен аяқталды.

«Жарқайың тынысы» газетінің редакторы Б.Айтпаева.

Көкшетау қаласында Ауыл шаруашылығы, тамақ және қайта өңдеу өнеркәсібі қызметкерлерінің күніне арналған салтанатты іс-шара өтті.

Ақмола облысының әкімі Ермек Маржықпаев Жарқайың ауданының әкімі Жанболат Хамитовке ауданның ауыл шаруашылығы саласындағы жоғары жетістігі үшін алғыс хат табыс етті.

Ауыл шаруашылығының жалпы өнімінің көлемі 85 781,5 млн. теңгені құрады. Ауыл шаруашылығының нақты көлем индексі 206,9% құрады.

Сондай-ақ, облыс әкімі "Республикалық әдістемелік фитосанитариялық диагностика және болжамдар орталығы" РММ Жарқайың аудандық филиалының басшысы Октябрь Баегизовке ауыл шаруашылығы Министрінен Құрмет грамотасын табыс етті.

Жарқайың ауданы әкімдігінің баспасөз қызметі.

Сіздерді кәсіби мерекелеріңізбен шын жүректен құттықтаймын! Желтоқсанның үшінші жексенбісінде қалыптасқан дәстүр бойынша біз Энергетиктер күнін атап өтеміз. Бұл өздерінің жасампаз еңбегі мен өмірлік маңызы бар игілік жасап жүрген адамдардың кәсіби мерекесі.

Өндірістік сала мен барлық мемлекеттік және әлеуметтік мекемелердің үзіліссіз жұмыстары, үйдің жылулығы мен жайлылығы, халық тұрмысының сапалылығы – осының бәрі өздеріңіздің еңбектеріңізге байланысты.

Энергетика шын мәнінде экономиканың негізгі саласы болып табылады. Әрине, Тәуелсіздік жылдары Қазақстанның қол жеткізген жетістіктерінің ішінде осы кәсіп иелерінің үлесі де бар.

Жарқайыңдық энергетиктерің көздеген жоспарларын ойдағыдай жүзеге асырып, ауданның ары қарай тұрақты дамуына қолайлы жағдай туғызатынына кәміл сенеміз.

Құрметті жерлестер! Осынау мереке күні баршаңызға мықты денсаулық, ырыс-береке және жауапты жұмыстарыңыз әрдайым қиындықсыз жағдайда атқарылып, еңбектеріңіздің жемісін көре беруді тілеймін!

Жарқайың аудандық мәслихаттың хатшысы А. Әлжанов.

Баршаңызды – кәсіби мерекелеріңіз, Энергетиктер күнімен айрықша ықыласпен құттықтаймын!

Бұл сала біздің еліміздің экономикасының флагманы екені ақиқат. Сондықтан әрқашан энергетика саласындағы әріптестері арасында жоғары құрметке және жоғары қоғамдық мәртебеге ие білікті мамандар жұмыс атқарады.

Билік энергетиканың дамуына аса көңіл бөледі, себебі экономиканың барлық басқа салаларының өмірге икемділігі, үйдегі жайлылық, жылулық және жарық энергетикаға байланысты.

Сіздердің кәсіби еңбектеріңіз еліміздің энергетикалық әлеуетін арттыру, бәсекелестікке қабілеттілікті қолдау, қауіпсіздікті күшейту сияқты Қазақстанның алдында тұрған маңызды мәселелерді шешуге мүмкіндік туғызады. Сіздердің алтын қолдарыңыз бен білімдеріңіз – қоғамның мызғымас күші.

Сіздерге бақыт, зор денсаулық, амандық, сарқылмас өмір қуатын, кәсіби өсу және алға қойған мақсаттарыңызға жетуде жетістік тілеймін!

Жарқайың ауданының әкімі Ж. Хамитов.

Сіздерді Қазақстан Республикасының Тәуелсіздік күнімен шын жүректен құттықтаймын!

Аз ғана уақыттың ішінде Қазақстанның әлеуметтік – экономикалық әл-ауқаты, мәдени, рухани келбеті бұрын болып көрмеген биік деңгейге көтерілді.

Тәуелсіздіктің туын қолда берік ұстау – әрбір қазақстандықтардың, Қазақстанды өз Отаным деп санайтын әр адамның ең басты борышы, ең биік мақсаты.

Тәуелсіздіктің өткен осы жылдар белесінде мемлекетіміз талай қиындықтарды еңсеріп, биік асуларды бағындырды, Қазақстан деген мемлекетті, қазақ деген елді бүкіл дүние жүзі таныды. Еліміздің осындай биіктерді бағындыруына, әлеуметтік – экономикалық дамуына аудан тұрғындары да сүбелі үлесін қосып келеді.

Халқымызда «Егемен елдің еңсесі биік» деген сөз бар. Біз бүгінде Тәуелсіздіктің арқасында — тарихы мен тағдыры ортақ халыққа айналдық. Бәсекеге қабілетті ел ғана – мықты болмақ. Арманы асқақ елдің – мұраты биік.

Әр шаңыраққа шаттық пен бақыт, дендеріңізге саулық, бастарыңызға амандық, еңбектеріңізге жеміс тілеймін! Күллі әлем көз тіккен Ұлы Дала Елінің азаттығы – Қазақ елінің Тәуелсіздігі ғұмырлы, Туымыз тұғырлы болсын! Мереке құтты болсын!

Жарқайың ауданының әкімі Ж.Хамитов.

2022 жылғы 24-25 қараша аралығында Ақмола облысында "Қыс 2022" республикалық командалық-штабтық оқу-жаттығуы жаттығуы аясында тактикалық арнайы оқу-жаттығулар басталды, деп хабарлайды ішкі саясат басқармасы.

Оқу-жаттығу азаматтық қорғаудың мемлекеттік жүйесінің және халықтың қысқы кезең жағдайында төтенше жағдайларды жоюға әзірлігі мен қабілетінің деңгейін арттыру, азаматтық қорғау қызметтері мен құралымдарының қысқы кезеңдегі ТЖ-ға ден қоюға әзірлігін тексеру мақсатында жүргізіледі.

Облыстық Төтенше жағдайлар департаментінің ақпараты бойынша мұндай оқу-жаттығулар жыл сайын республиканың барлық облыстарында өтеді. Оқу-жаттығу жұмыстарын пысықтау мақсатында облыстың барлық қалалары мен аудандарында жедел штабтар құрылды.

Жаттығуға азаматтық қорғаудың мемлекеттік жүйесінің басқару органдары, облыстық, қалалық және аудандық шұғыл ден қою жасақтары, авариялық-құтқару қызметтерінің құрамалары, ҚР ҰҰ 5510 әскери бөлімі және халықтың тіршілігін қамтамасыз етудің барлық объектілері тартылды.

Республиканские командно-штабные учения» Қыс 2022 " проходят в Акмолинской области

В период с 24 по 25 ноября 2020 года в Акмолинской области в рамках Республиканского командно-штабного учения «Қыс 2022» начались тактические специальные учения, передает управление внутренней политики.

Учения проводится в целях повышения уровня готовности и способности Государственной системы гражданской защиты и населения к ликвидации чрезвычайных ситуаций в условиях зимнего периода, проверки готовности служб и формирований гражданской защиты к реагированию на ЧС зимнего периода.

По информации областного Департамента по чрезвычайным ситуациям подобные учения ежегодно проходят во всех областях республики. В целях отработки учебных вводных во всех городах и районах области созданы оперативные штабы.

На тренировку привлечены органы управления государственной системы гражданской защиты, областные, городские и районные отряды экстренного реагирования, формирования аварийно-спасательных служб, воинская часть 5510 НГ РК и все объекты жизнеобеспечения населения.