Қазақстанның  ұлттық валютасы 1993 ж. 15 қарашада пайдалануға еңгізілді. Ақша белгілілері - теңге мен тиынды Қазақстанның озық суретшілерінің қатысуымен Ұлттық банк әзірледі. Теңге Қазақстанның алғашқы ақшасы емес. Ақша Қазақстанда көптеген ғасырлар бұрын пайда болған.  Қазақ ақшасының тарихы біздің заманымызға дейінгі үшінші  ғасырдан бастау алады. 6-7 ғасырларда алғашқы ру рәмізі бейнеленген теңгелер шығарылған. 8 ғасырдың аяғында Отырарда сауда айналымын қамтамасыз ету үшін мыс теңгелер шығарылды. 9- 12  ғасырда Қазақстанның ірі қалаларында Тараз, Отырарда мыс, күмістен құйылған ақшалар шығарыла бастады. Жиырмасыншы ғасырда Қазақстан рубль аймағына енді. Рубльдер 1993  ж. 15 қарашада теңгемен ауыстырылды. Бұл күн  Ұлттық валютаның туған күні болып саналады. Ең алғашқы банкноталар 1993 жылы шыққанан еліміздің терең таныта білген теңгенің қосбеттеріне еліміздің мәдени, саяси өмірінде өшпес із қалдырған тарихи тұлғалардың бейнесі басылса, сыртына байтақ даламыздың табиғаты мен тарихи маңызды нысандары еңгізілген.  Қилы-қилы тарихы бар тәуелсіз мемлекетіміздің экономикасының темір қазығы төл теңгеміздің тарихы осындай.

Жарқайың аудандық мұражайы.

25 қарашада Жарқайың ауданы әкімінің жүлдесіне аудандық ұйымдар, кәсіпорындар, мекемелер арасында аудандық спартакиада бағдарламасында бильярд бойынша жарыс өтті.

Ойын қорытындысы бойынша бірінші орынды Тұрғын үй-коммуналдық шаруашылығы, тұрғын үй инспекциясы, жолаушылар көлігі және автомобиль жолдары бөлімінің, Құрылыс, сәулет және қала құрылысы бөлімінің, Экономика және қаржы бөлімінің, Державин қаласы әкімдігінің құрама командасы иеленді. Екінші орында Ауыл шаруашылығы, жер қатынастары және кәсіпкерлік бөлімінің, Мәдениет, тілдерді дамыту, дене шынықтыру және спорт бөлімінің, Ішкі саясат бөлімінің құрама командасы. Үшінші орынды, "Жарқайың ауданының Мансап орталығы" филиалы, "AMANAT" партиясының, Жастар ресурстық орталығының, "ТО Бірлік" қоғамдық қорының құрама командасы иеленді.

"Жарқайың тынысы" газетінің редакторы О.Зейнолла.

Тәуелсіз Қазақстанда басты қадағалаушы орган прокуратураның алатын орны ерекше. Оның беделі мен әлеуметтік маңыздылығы еселеп өсіп келе жатқандығы жүріп өткен жолымызда айқын көрініс тапты.

Осы орайда Қазақстан Республикасының прокуратурасының құрылған күні, яғни 6 желтоқсан еліміздің тарихындағы биік белестердің бірі десек жаңылмаймыз.

Төл мерекеміздің 16 желтоқсан - Тәуелсіздік күні қарсаңында тойлануының да өзіндік айшықты маңызы бар.

Егемен мемлекетіміздің әлеуметтік - экономикалық дамуы мен тұрақтап нығая түсуі үшін Ата Заңымызбен бекітіліп, өмірлік қағида - ережелерге айналған заң талаптарының қатаң сақталуы бірінші кезектегі қажеттілік болып табылары сөзсіз. Шынайы тұрғыдағы құқықтық мемелекеттің құрылуы мен заң үстемдігінің өріс алуы - өркендеп өсуіміздің түбегейлі алғы шарттары болып табылатынына өмірдің өзі көз жеткізіп отыр.

Осыдан тура бір жыл бұрын, яғни 2022 жылдың 5 қарашасында «Прокуратура туралы» Қазақстан Республикасының жаңа Конституциялық заңы қабылданды. Жаңа Заңның қабылдануының да өзіндік тарихи маңызы бар. Елімізде алғаш рет прокуратура туралы заңға конституциялық мәртебе берілді. Бұл жаңа Конституциялық заң ең алдымен прокуратура органдары қызметінің құзыреттілігін, ұйымдастырылуын және тәртібін нақты белгіледі. Бүгінгі таңдағы жаңа кезеңнің талаптарына сәйкес прокуратура қызметіндегі тәсілдер өзгергенімен, прокурордың ең бастапқы міндеті ғана емес, парызы болып табылатын мемлекет мүддесін қорғау, азаматтардың құқығы мен бостандығына қорған болу қағидалары өзгерген жоқ.

Қазақстан Республикасының мемлекеттік егемендігі туралы Декларациясына сәйкес Қазақ КСР-ның Жоғары Кеңесінің 6 желтоқсан 1991 жылы қаулысымен еліміздің тәуелсіз прокуратура органдары құрылған болатын. Осыған байланысты Қазақстан Республикасының Бас Прокурорының 25 ақпан 2004 жылғы бұйрығымен 6 желтоқсан Қазақстан Республикасы прокуратура органдарының құрылған күні ретінде жарияланып, жыл сайын атап өту белгіленген.

Өтініштерді қарау мен азаматтарды жеке қабылдау Қазақстан прокуратурасының құқық қорғау қызметінің ажырамас бөлігі ретінде қадағалау органы қызметкерінің жұмысында маңызды орын алады. Бүгінгі күні ақпараттық технологиялардың тұрақты дамуы мен құқық саласының өркендеуі кезінде Бас прокуратура республика азаматтарының өтініштерін қарау мәселесін жеңілдетуге байланысты шаралар қабылдады.

"Жарқайың тынысы" газетінің редакторы О.Зейнолла.

Ағымдағы жылдың 21 қарашасында құрамында ауданның қоғамдық кеңесінің мүшелері, мәслихат депутаттары, ауданның Құрметті азаматы О.П. Решетнев, мүгедектігі бар адамдар мәселелері жөніндегі кеңесші А. Г. Нұрбеков бар жұмыс тобы Г.В. Смағұлованың төрағалығымен объектілерге мониторинг жүргізілді.
Мониторинг жүргізу барысында халықтың мобильділігі төмен топтары үшін «Білім бөлімі» ММ бейімделу сапасы бойынша кейбір бұзушылықтар анықталды. Ғимаратта қозғалыс жолдарының бедерлі тактильді белгілері, Мнемотехника және нашар көретіндерге арналған көрсеткіштер жоқ екені анықталды. Сондай-ақ, ғимараттың фоесінде жарық жеткіліксіз екендігі анықталды.

«Экономика және қаржы бөлімі» ММ ғимаратына қатысты бұл объектінің бейімделу бөлігінде бұзушылықтар жоқ. Барлық нормалар толық сақталды және қолжетімділік порталында әлеуметтік маңызы бар объектілердің тізіліміне енгізілді.

Аудандық ауруханаға бару барысында анықталған кемшіліктер: пациенттердің тіркеушінің жұмыс істемейтіні, халықтың мобильділігі төмен топтары үшін байланыс телефондары, лифтке шағымдары, тар бейінді мамандардың жетіспеушілігі, мамандардың жұмыс кестесі және қабылдау сағаттары туралы толық ақпараттың болмауы туралы . Сондай - ақ, қоғам белсенділері ұйымның мүмкіндігі шектеулі азаматтар топтары үшін қолжетімділігін бағалады: шақыру түймесі жұмыс істемейді, бірінші қабатта пациенттерге арналған санитарлық-гигиеналық бөлмелер жұмыс істемейді.

Жарқайың аудандық қоғамдық кеңесі.

Аталмыш оқу-жаттығудың мақсаты азаматтық қорғау мемлекеттік жүйесінің басқару органдары мен күштерін қыс мезгілінде ТЖ қаупі төнген және туындаған кезде қойылған міндеттерді орындауға жоғары әзірлікке келтіру, азаматтық қорғау мемлекеттік жүйесінің және халықтың әзірлігі мен мүмкіндіктерінің деңгейін арттыру, жедел кезекшілікті ұйымдастыру, азаматтық қорғау мемлекеттік жүйесі байланысының дайындығы, материалдық-техникалық қордың құрылуын тексеру, азық-түлік және медициналық резервтерді тексеру, азаматтық қорғау қызметтері мен құралымдарының қысқы кезеңдегі ТЖ-ға ден қоюға дайындығын тексеру болып табылады.

Ауданның шұғыл ден қою жасағының күштері мен құралдарына саптық байқау өткізілді. Байқау барысында Жарқайың ауданының әкімі Жанболат Хамитов шұғыл әрекет ету жасағының қолда бар техникасымен танысты. Сондай-ақ келесі оқу-жаттығу жұмыстары өткізілді:

1-жаттығу. Қаланың қазандықтарының бірінде апат болып, төтенше жағдайды жою үшін оқиға орнына ауданның шұғыл әрекет ету жасағы күштері барып, өрт сөндіру есебінің жұмысы үшін электр беру желілерін токтан ажыратып, өрт сөндіру есебі өртті сөндірді, бұдан әрі зардап шеккен адамдарды шығарып, медицина қызметкерлеріне тапсырды.

2-жаттығу. Республикалық маңызы бар автожолда (Гастелло-Державин аралығы) ауа-райының нашарлауына байланысты жол-көлік апаты орын алды, нәтижесінде жүргізушілер зардап шекті. Қалыптасқан жағдайды жою үшін оқиға орнына шұғыл әрекет ету жасағы күштері мен құралдары шықты. Зардап шеккен адамдарға медициналық көмек көрсетілді.

Қыс-2023» республикалық командалық-штабтық оқу-жаттығу барысында 26 бірлік техника мен жеке құрамның 45 адамы жұмылдырылды. Оқу-жаттығу аяқталғаннан кейін Жарқайың ауданының әкімі барлық қызметтердің жұмысына оң баға берді.

"Жарқайың тынысы" газетінің редакторы О.Зейнолла.

Жарқайың ауданының әкімі Жанболат Хамитовтың төралығымен, аудан әкімдігінің мәжіліс залында, Қазақстан Республикасы Бас прокуратурасының Құқықтық статистика және арнайы есепке алу комитеті Ақмола облысы бойынша департаментінің бастығы Ақыл Қарпықбаев мемлекеттік және құқық қорғау органдарымен кездесу өткізді.

Осы жиында Ақыл Қарпықбаев Қазақстан Республикасы Бас прокуратурасының Құқықтық статистика және арнайы есепке алу комитетінің ақпараттық жүйелерін таныстырды.

Кездесу барысында ол аудан аумағындағы қылмыстың жай-күйі, әкімшілік айыппұлдарды өндіріп алу және апаттық жағдайлар туралы, сондай-ақ мемлекеттік органдардың ағымдағы жылдың 10 айында жеке және заңды тұлғалардың жолданымдарын қарау туралы ақпарат берді.

Бақылау-қадағалау жұмыстары нәтижелері туралы мемлекеттік бақылау органдарының өкілдері де мәлімдеме жасады.

Жарқайың ауданы әкімінің баспасөз қызметі.

Жарқайың аудандық мәдениет үйінде Ауыл шаруашылығы, тамақ және қайта өңдеу өнеркәсібі қызметкерлерінің күніне орай салтанатты іс-шара өтті.

Салтанатты бөлім алдында, Мәдениет үйінің фойесінде ауыл шарушылығы саласына арналған көрме ұйымдастырылды.

Салтанатты іс-шара барысында Жарқайың ауданының әкімі Жанболат Хамитов ауданның барлық диқандарын кәсіби мерекемен құттықтап, жаңа еңбек жетістіктері мен денсаулық тілеп, ауданның ауыл шаруашылығын дамытуға қосқан үлесі үшін, шаруа қожалықтарының, ауыл шаруашылығы тауар өндірушілерінің басшыларына алғыс хаттар табыс етіп, ауыл шаруашылығы ардагерлерін, комбайнерлерін, механизаторларын және басқа да үздік мамандарын атап өтті.

Нақтылай кетсек:

- Қазақстан Республикасы Ауыл шаруашылығы министрлігінің Құрмет грамотасымен "Ауыл шаруашылығы, жер қатынастары және кәсіпкерлік бөлімі" мемлекеттік мекемесінің бас маманы В.П.Белых;

- "Еңбек адамы" номинациясы бойынша Ақмола облысы әкімінің Алғыс хатымен: "Державинская Агромпромтехника" жауапкершілігі шектеулі серіктестігінің жүргізушісі В.Н. Паламарчук, "Сельхозхимия"  жауапкершілігі шектеулі серіктестігінің механизаторы В.И. Мироненко;

- Ақмола облысы әкімінің алғыс хатымен: "Темірлан" жауапкершілігі шектеулі серіктестігінің директоры Е.К. Алин, «АБС Жаркөл» жауапкершілігі шектеулі серіктестігінің механизаторы М.О. Тұрсынбаев, «Ростовское Агро» жауапкершілігі шектеулі серіктестігінің үздік механизаторының  бірі  С.М. Ахметов, "Жер-1" жауапкершілігі шектеулі серіктестігінің бас агрономы С.Ю.Орехова марапатталды.

Сонымен қатар, ауыл шаруашылығы саласының үздіктеріне Жарқайың ауданы әкімінің атынан алғыс хаттар табыс етілді. Шара концерттік бағдарламамен аяқталды.  

"Жарқайың тынысы" газетінің редакторы О.Зейнолла.

Аудан әкімдігінің мәжіліс залында Қазақстан Республикасы Еңбек және халықты әлеуметтік қорғау министрлігінің 2023 жылғы 28 қыркүйектегі №409 бұйрығымен, Жарқайың ауданының әкімі Жанболат Хамитов «Целинная знамя» қоғамдық-саяси газетінің директоры Вольф Раиса Кәкімқызына «Еңбек ардагері» медалін табыс етті.

Раиса Кәкімқызы 1960 жылы 12 қыркүйекте Ақмола облысы, Қима ауданы, Ишимка ауылында дүниеге келген.

Еңбек жолын 1976 жылы бастаған. «Целинная знамя» қоғамдық-саяси газетінде еңбек жолын 1989 жылы бастаған. Жалпы жұмыс өтілі 47 жыл.

Қазіргі уақытта «Держава-Пресс» ЖШС директоры.

Раиса Вольф күнделікті жұмыс арқылы өзінің білімі мен дағдыларын жас ұрпаққа беруге тырысады.

Осы орайда әріптесімізді «Жарқайың тынысы» газетінің атынан құттықтағымыз келеді. Зор денсаулық, шығармашылық табыс тілейміз.

«Жарқайың тынысы» газетінің редакторы О.Зейнолла.

Бір кезеңдерде халықтың жадынан жоғалып кеткен жәдігер қобыз тәуелсіздікпен бірге қазақ өнеріне қайта оралды. Төл шығармалары сақталмағандықтан шанақты аспаптың репертуары бай емес. Қобыз-өте сазды, өте мұңды аспап. Қобыздың пайда болуын, тарихын Қорқытпен байланыстырамыз, "күй атасы Қорқыт" деп атайтынымыз да сондықтан. 

Қыл қобыздың үні дала даусындай. Қуыс шанақ қара жердей күңіреніп, қара желдей ысқырады. Боз үнген боп боздап, боз даладай құлпырады. Барлық ыспалы аспаптардың атасы болып саналатын қобызды ежелгі түркі-монғол  ұлыстары "хор, хуур" деп те атаған. Осыған қарап ғалымдар арасында "хор құт", яғни, арғы мәні "қобыз құт" деген біріккен сөзден шыққан да шығар деген ой бар. Ежелден қобыз аспабын кие дарыған адамдар ғана ойнай алған. Екінің бірі ойнап кете алмайтын сыр мен қыры мол аспапты жыраулар мен абыздар, ұзандар мен бақсылар ғана қолданған. Халқымызда қобыз аспабын музыкалық инструмент  емес, көбінесе бақсы-шамандардың құралы деген пікір қалыптасқан. Алайда, бүгінгі күні бұл киелі аспап елміздегі эстрадалық сахыналарда көрініп жүр. Тіпті, ауданымызда да Қобызды меңгеріп, жасұрпаққа насихаттап жүрген ару тұрады. Ол, Сейдеғалымова Аяулым Кенжебекқызы. Біз Аяулым Кенжебекқызынан сұхбат алуды жөн көрдік

- Сәлеметсіз бе! Өзіңіз жайлы айта кетсеңіз  қай жақтың  тумасысыз? Қайда білім алдыңыз?

- Қайырлы күн! Мен, Қостанай облысы Арқалық қаласының тумасымын. 2019 жылы Торғай Гуманитарлық колледжіне аспапта орындау және өнер эстрадасы мамандығына оқуға түстім. Содан бітіріп, бүгінде  Костычево ауылында Мәдениет үйінде балаларға сабақ беремін.

- Өнерге деген талпыныс, сүйіспеншілік қай уақыттан басталды?

- Мен өнер мектебінде 8 жасымнан бастап оқыдым. Қазір  бұл салада жүргеніме 12 жыл болды. Алғаш рет үйде бәріміз теледидар қарап отырғанбы. Сол сәтте анашым домбырада ойнай алатын. Арқалық хабары арнасында "өнер мектебіне балаларды қабылдаймыз" - деген хабарландыру шықты. Содан анам келесі күні сол өнер мектебіне мені жетектеп апарып, аспата ойнауға жіберді. Сол уақыттан бері анамның қалауымен Арқалық қаласындағы Б.Байқадамов атындағы өнер мектебінде оқып шықтым.

- Қобыз аспабынан қандай сезім аласыз? Осы аспабты таңдауға не себеп болды? Кімдерді үлгі тұтасыз?

- Қобыз аспабы ерекше ғой. Ешкім оны ойнай бермейді деп қызығушлық танытып ойнап кеттім. Басында әрине қиын болды. Содан соң әртүрлі шет елден эстрада музыкаларың слухқа салып, кавер түсіріп, одан әрімен қобызға деген махаббатым оянып кетті. Қобыз аспабында- "Асыл" тобын үлгі тұтамын.

- Сізге күйшілердің ішінде кімнің шығармасы ұнайды?

- Көбіне Абай атамыздың шығармаларын ойнаған ұнайды.

- Еңбек жолыңыз қалай, қашан, қайда басталды? Костычево ауылына барудағы себеп неде, ауылдың артықшылығы қандай?

- Костычево ауылына бару себебім: жалпы менің ойымша адам еңбек жолын шағын жерден бастаса өмірде өз орнын табады деп ойлаймын және ауыл шәкірттерінеде өнерге деген қызығушылықтарын көрсеткім келді.

- Баулып жүрген шәкірттеріңіз  барма?

- Иә, қазір шәкірттерім бар. Аллаға шүкір, ауылдағы балалардың қызығушылықтары өте жоғары. Мен қобыз және фортепиано аспаптарынан сабақ беремін.

- Өнер жолын таңдау үшін адамда қандай қабілет болғаны дұрыс және қыз баласына бұл жол қиын емес пе?

- Өнер жолына керісінше қыз балалардың барғаны дұрыс деп ойлаймын. Ал, өнер бірден пайда болмайды. Ол үшін көп жұмыс жасау керек (мысалы музыкада слух деген бар, сол слухпен жұмыс жасаған дұрыс).

- Болашақтағы арманыңыз не?

- Арманым өте көп. Қазіргі таңдағы арманымның бірі ол, балалардың қазақ аспаптарына деген қызығушылықтары артса ғой деген ой. Сол үшінде тыңбай жұмыс жасап жатырмыз. Нәтиже де бар.

- Халыққа айтар лебізіңіз!

- Халыққа тек жақсылық тілеймін және жастарға айтарым өз еңбек жолдарынызды ауылдан бастаңыздар, ауыл балаларыда жақсы білім алғаны дұрыс!

- Сұхбатыңызға рахмет! Армандарыңыз орындалып, мақсатыңызға жетіңіз!

- Сіздерге де көп рахмет айтамын.

Сұхбаттасқан "Жарқайың тынысы" газетінің редакторы О.Зейнолла.

Дархан даласындай көңілі кең қазақ елі көптеген өзге ұлт өкілдерін бауырына басып келеді. Бір шаңырақ астында бірлік пен татулықты ту еткен ұлттар мен ұлыстардың ынтымағы өзге елдерге үлгі боларлық. Оның үстіне, соңғы жылдары өзге ұлт өкілдері арасында мемлекеттік тілді  үйренуге деген қызығушылық  артып келеді. Олар тілді меңгеру арқылы халқымыздың ауыз әдебиеті, салт-дәстүрі, әдет-ғұрпымен жақынырақ танысып келеді. Сол сияқты олардың күнделікті өмірі мен қызметіне қазақ тілінің  көп көмегі тиіп жүр екен.  

Қазақ тілін туған тіліндей меңгерген  өзге ұлт өкілдерінің бірі – Марина Шевчук. Марина Николаевна Шевчук 1971 жылдың 2 мамырында Ресей Федерациясының Новосибирская облысы Черепановский ауданы Безменова бекетінде туған. Елімізге 1975 жылы  көшіп, балалық шағын  Жезқазған қаласында өткізген. Маринаның ұлты-орыс, бірақ қазақ тілін меңгеруі ешбір қазақтан кем емес. Мемлекеттік тілді мектеп табалдырығынан үйренген болатын. Маринаның ата-анасы қазақ тілінде сөйлемесе де, баланы қазақ мектепке беріп, оқытқан. Марина өз сөзінде «Тілді меңгеру маған қиын болды, себебі үйдегілер тілді білмегендіктен,  маған ешқандай көмек бере алмады.  Бұл жолда көрші-қолаңға, сыныптастар мен достарыма алғысым шексіз. Қазақтың салт-дәстүрін бойыма сіңіріп, қазақ тілінде таза сөйлеуіме мұрындық болған достарыма көп рахмет!» дейді.

Бүгінгі күні Марина қазақ отбасының келіні, 7 бала тәрбиелеп отыр, күміс және алтын алқаларының иегері. «Ата-енеме сәлем салған кезде «маған қосағыңмен қоса ағар» деп тілек білдірді. Кейін осы тілектің мәнін ұғынып, қазақи ортаға сіңе бастадым. Осындай аппақ жүректерден шығатын ақ тілектерді естімей жүргендер қаншама?! Сәлем салу – өзін төмен көрсететіндердің ісі деп есептейтін келіндер бар. Соларға айтарым: үлкен кісілердің батасын алуға асығайық!»- дейді Марина өз сұхбатында.

Марина Николаевна- Гастелло ауылының мәдениет үйінің қызметкері болып жұмыс істейді. Жұмыста, үйінде толық мемлекеттік тілде сөйлеуге тырысады.

«Жұмысымда ауылдастар, әсіресе ақсақалдар бар орысшасын жиып, күшеніп, жөн сұрайды кейде. Сонда қазақ тілінде жауап бергенімде «балам қазақ екенсің ғой» деп, құшақтап алып жатады. Осындай сәттер маған қатты әсер етеді, сондықтан мен жерлестерімді мемлекеттік тілді үйренуге шақырмын, Ұлы даланың ұлтаралық тілінің мәртебесінің өсуіне өз үлестеріңізді қосуға шақырамын. Сондықтан, сіздер жұмыс жүргізіп жатқан «Жүрегімен қазақ» жобасын қолдап, осы адал жұмысыңызға сәттілік тілеймін».

Н.Шпанова, Тілдер дамыту бөлімі.