Бұл туралы Қазақстан Президенттігіне кандидаттардың сәйкестігін белгілеу туралы Орталық сайлау комиссиясының отырысында айтылды, деп хабарлайды BAQ.KZ тілшісі.

Себебі кандидат Қазақстанның кезектен тыс Президент сайлауына кандидатқа заң бойынша қойылатын талаптарға сәйкес емес.

Айта кету керек, Орталық сайлау комиссиясы сайлау науқанына қатысты осымен он төртінші кездесу өткізді.

АСТАНА. ҚазАқпарат – 20 қарашада өтетін президент сайлауына үмкіткер ұсынуға берілген уақыт 11 қазан күні сағат 18.00-де аяқталды. ҚазАқпарат сайлаудың күнтізбелік жоспарына сүйене отырып, саяси науқанның әрі қарай қалай өрбитінін баяндайды.

Үміткер ұсынуға 19 күн берілді

2022 жылғы 20 қарашаға тағайындалған Қазақстан Республикасы Президентінің сайлауын әзірлеу мен өткізу жөніндегі негізгі іс-шаралардың күнтізбелік жоспары қолданыстағы сайлау туралы заңнама бойынша әзірленген.

Мәселен, Қазақстан Республикасы Президенттігіне кандидаттарды ұсыну 23 қыркүйекте басталып, 11 қазан сағат 18.00-де аяқталды. Осы кезеңде 5 үміткердің талаптарға сәйкестігі анықталған. Кеше ОСК тағы екі үміткердің ҚР Президенттігіне үміткерге қойылатын талаптарға сәйкес екендігі туралы қаулы қабылдады. Олар – «Қазақ аналары – дәстүрге жол» республикалық қоғамдық бірлестігі үміт артып отырған Салтанат Пархатқызы Тұрсынбекова мен «Халық демографиясы» қоғамдық бірлестігі ұсынған Жұматай Әлиев.

Ал, Нұржан Әлтаевтың үміткер ретінде тапсырған құжаттарының төңірегіндегі дау ушығып барады. Президенттікке ұсынды делінген «Мұқалмас» бірлестігі Нұржан Әлтаевтың сайлауға түсуіне қарсылық білдіріп, сотқа жүгінген. Соны алға тартып, Орталық сайлау комиссиясы Нұржан Әлтаевты президент сайлауына кандидат ретінде тіркеуді тоқтату жөнінде шешім қабылдады.

«Біз кандидат тапсырған құжаттарды құзырлы органдарға жіберіп, сәйкестігін анықтадық. Кеше Астана қалалық соты бізге Н. Әлтаевты кандидат ретінде қабылдау туралы хаттаманы уақытша тоқтату туралы ұйғарымын ұсынды. Сол себептен, Орталық сайлау комиссиясы Нұржан Әлтаевты кандидат ретінде тіркеуді уақытша тоқтата тұрады», - деді Орталық сайлау комиссиясының мүшесі Шавкат Өтемісов.

Қалған 4 үміткердің де Конституция мен «Қазақстан Республикасындағы сайлау туралы» ҚР Конституциялық заңында қойылатын талаптарға сәйкестігі қаралып жатыр.

Ол талаптар мынандай:

- тумысынан Республика азаматы болуға тиіс;

- ҚР аумағында соңғы он бес жыл бойы тұруға тиіс;

- жоғары білім;

- қырық жасқа толған;

- белсендi сайлау құқығына ие болуға тиiс;

- мемлекеттік қызметте немесе сайланбалы мемлекеттік лауазымдарда кемінде 5 жылды құрайтын жұмыс тәжірибесі болуға тиіс;

- мемлекеттік тілді еркін меңгеруi тиіс.

Үміткерлерді тіркеуге 29 күн беріледі

Сондай-ақ, кеше ОСК кезектен тыс президент сайлауының үгіт-насихат кезеңіне өткен алғашқы кандидатты тіркеді. Ол – халықтық коалиция атынан ұсынылған Қасым-Жомарт Тоқаев.

Жалпы, үміткер ұсынуға ұзын саны 19 күн берілсе, олардың заңнама талаптарына сәйкестігін анықтауға 29 күн көзделген, яғни бұл шара 21 қазанға дейін жалғасады.

Осы аралықта сайлау заңнамасына сай толық іріктелген кандидаттар облыстардың, республикалық маңызы бар қалалардың және астананың кем дегенде үштен екісінің атынан теңдей өкілдік ететін сайлаушылар санының кем дегенде 1% қолын жинау қажет. 1 шілдедегі жағдай бойынша Орталық сайлау комиссиясы Қазақстан Республикасы сайлаушыларының тізіліміне дауыс беру құқығы бар 11 827 277 азаматты енгізген. Осылайша, әр кандидатты қолдау үшін сайлаушылардың 118 273 сенім қолы жиналуы керек.

Ол жиналған қолдардың дұрыстығы да 21 қазанға дейін тексеріліп бітуі керек.

«Қазақстан Республикасындағы сайлау туралы» Конституциялық заңның 59-бабының 5-тармағы бойынша, ҚР Президенттігіне кандидаттарды тіркеу мына құжаттар болған жағдайда жүргізіледі:

1) қоғамдық бірлестіктің жоғары органының Президенттікке кандидат ұсыну жөніндегі мәжілісінің осы қоғамдық бірлестікті Республиканың Әділет министрлігінде тіркеу туралы құжаттың көшірмесі қоса тіркелген хаттаманың үзіндісі;

2) Президенттікке кандидат болып дауысқа түсуге келісім беру жөніндегі өтініш;

3) азаматтардың кандидатты қолдап жиналған қолдарын тексерудің нәтижесі туралы аумақтық сайлау комиссияларының хаттамалары;

4) кандидаттың өмірбаяндық деректері;

4.2) кандидат пен оның зайыбының (жұбайының) активтері мен міндеттемелері туралы декларацияларды тапсырғаны жөнінде мемлекеттік кіріс органының анықтамасы;

5) кандидаттың сайлау жарнасын енгізгенін куәландыратын құжат;

6) денсаулығының жай-күйі туралы медициналық қорытынды.

Үгіт-насихат қашан басталады?

Сайлау алдындағы үгіт тіркеу кезеңі аяқталғаннан кейін басталып, 2022 жылғы 22 қазаннан 19 қараша сағат 00-00-ге дейін жалғасады. Бұл процеске берілген 28 күн түгесілген шақта «тыныштық күні» жарияланады – 19 қараша сағат 00.00-ден 20 қараша сағат 00.00-ге дейін.

Дауыс беру 2022 жылғы 20 қарашада жергілікті уақыт бойынша 07-00-ден 20-00-ге дейін өтеді. Әкімшілік-аумақтық бірліктер бойынша дауыстарды санау нәтижелері аумақтық комиссиялардың отырыстарында белгіленеді және ОСК-ға екі күндік мерзімде (22 қарашадан кешіктірмей) жеткізіледі. Демек, сайлаудың алдын ала қорытындылары 21-22 қараша аралығында жариялануы шарт.

Заңнамада сайлау қорытындыларын белгілеуге және жариялауға, сайланған Президентті тіркеу сайлаудан кейін 10 күннен аспайтын мерзімде көзделген. Бұл жолы сайлау қорытындыларын анықтап, сайланған Президентті тіркеуге 7 күн беріліп отыр – 21.11.2022 ж. – 27.11.2022 ж.

Қорытып айтсақ, кезектен тыс президент сайлауы дауыс беру күнін қоса есептесек, Жарлық жарияланған күннен бастап 60 күннің ішінде өтуі керек. Үміткер ұсыну кезеңі 19 күнге, қолдардың сәйкестігін анықтау, беру, жинау және тексеру 29 күнге, сайлау алдындағы үгіт-насихат 28 күнге, дауыс беру алдындағы «тыныштық күні» 1 күнге, дауыс беру процесі 1 күнге, қорытындыларды белгілеп, сайланған Президентті тіркеу 7 күнге созылады. Ал, бұқаралық ақпарат құралдарында сайлау қорытындылары туралы ақпараттық хабар сайлау өткізілген күннен бастап 10 күннен қалмай, яғни 30 қарашадан кешіктірмей жариялануы керек.

Байқаушылар мен БАҚ өкілдерін аккредиттеу

Шет мемлекеттер мен халықаралық ұйымдардың байқаушыларын Орталық сайлау комиссиясы Сыртқы істер министрлігінің ұсынысы бойынша аккредиттейді. Аккредиттеуді өткізу дауыс беру күніне бес күн қалғанда, яғни 2022 жылғы 14 қарашада елорда уақыты бойынша 18.00-де аяқталады.

Сондай-ақ, 1 қарашаға дейін аумақтық сайлау комиссияларының құрамдарын оқытуды аяқтау,

18 қарашаға дейін учаскелік сайлау комиссияларының барлық мүшелерін оқыту жоспарланған.

Пеш жағу кезеңінде қолдану ережелерін бұзу – жылу кезеңінде өрттің болуының себебі. Аудан халқының көп бөлігі         (70% көбісі) қыста пешпен қолданатының есептесек, көптеген азаматтар пешті қолданудың өрт қауіпсіздігінің ережелерін сақтамағандықтан, өздерінің үйлерін және жақындарының өмірлерін анық қатерге ұшыратады. Қарапайым ережелерді сақтау көптеген адамдардың өмірлерін сақтауы мүмкін.

Жылу кезіңінде тұтанудың себебі жылу жүйелерін және қондырғыларын қолдану кезіндегі өрт қауіпсідігінің ережелерін дөрекі бұзылуы болып табылады. Әсіресе пеш жылуы, өйткені көбінесе түтіндіктер жарылған қалпында қолданылады.

Сонымен қатар пеш үстінде кептіруге қалдырылған үй киімдері және басқа жанғыш материалдар отты апаттарға әкеліп соқтырады. Электр құралдарын, ақаулы электр жабдықтарын, қолдан жасалған электр қондырғыларын қолдану кезіндегі өрт қауіпсіздігі ережелерін бұзғандықтан талай өрттер болуда. Азаматтардың   ТЖМ   қызметкерлерінің ескертулеріне, ескертпелеріне және ұсыныстарына назар аударуыныңызды қалаймыз.  Пеш жабдықтарын қолдану кезіндегі өрт қауіпсіздігінің ең қарапайым ережелерін сақтау Сіздің өміріңізді және өрттің алдын алуы  мүмкін.

Қолдану ережелері:

• пешті тұтату үшін жанғыш және тез тұтанатын сұйықтықтарды
• қолдануға болмайды;
• пештің сыртына шығатындай ағашты жақпаңыз;
• пештің алдында отынды басқа да заттар мен материалдарды қоймаңыз;
• пештің үстінде киімдерді және дымқыл ағашты кептірмеңіз. жихаз,
• перде және басқа да үй мүліктері пеш жағылып жатқан алаптан алысырақ болуын қадағалаңыз.
• жағылып жатқан пешті қараусыз қалдыру төтенше қауіпті, сонымен
• қатар жас балаларға тапсыруға болмайды;

Сонымен қатар тұрмыстық электр құралдарын және құрылғыларын қолданудың кейбір ережелерін ұмытпағаныңыз жөн:

• бүлінген немесе қорғаныш қасетін жоғалтқан оқшауланған сымдармен
• және кабельдермен қолдану қауіпті;
• бүлінген розеткалармен және басқа да электр орнатылған бұйымдармен
• қолдануға;
• электр шамдарын және шарықтарды қағазбен, матамен немесе басқа да жанғым материалдармен орауға;
• стандартсыз электрқыздырғыш құралдармен қолдануға;
• желіге қосылған электрлі тұрмыстық құралдарды қараусыз қалдыруға болмайды.

Жаркайың ауданы ТЖБ.

Жарқайың ауданының полиция бөлімінде "кәмелетке толмағандар арасындағы құқық бұзушылықтың алдын алу" тақырыбында дәріс өткізілді.

Іс-шараға полиция бөлімі мен прокуратура өкілдері қатысты.

Қызметкерлер оқушыларға құқық бұзушылықтардың түрлерін, кәмелетке толмағандардың қылмыс жасауына ықпал ететін себептер мен жағдайларды және құқық бұзушылықтардың салдарын түсіндірді.

Әрбір азаматта құқық бұзушылықтарға "нөлдік төзімділік" қағидаты болуы керек. Әркім басқа азаматтың құқық бұзушылық жасауына жол бермеуі керек, ең бастысы оларды өзі жасамауы керек.

Жарқайың ауданының ПБ.

Қайта атау идеясы 1917 жылғы төңкерістен кейін пайда болды. Жер атаулары безендіру ретінде, жаңа идеялардың символы ретінде немесе кейбір революционерді еске алу құралы ретінде қабылдана бастады. Революциядан кейін көшелер жүздеген деп өзгертіліп, бүкіл ел бойынша адамдардың көлігіне, поштасына және тұрақты қозғалысына қолайсыздықтар туғызды.

Адамның ойлауы соншалықты реттелген, әр дәуірде біз тек шектеулі атаулар жасай аламыз. Географиялық атаулардың әртүрлілігі олардың әртүрлі дәуірлерде, әртүрлі тілдерде жасалғандығымен түсіндіріледі. Сондықтан атауды өзгерту процесі мүмкін емес.

Әр елдің өзінің бай тарихы, жетістіктері, кейіпкерлері бар. Әлем бір орында тұрмайды, даму тез қарқынмен жүріп жатыр, экономикалық өсумен бірге халықтың идеологиялық түсініктері де өсуде. Еліміздің көшелерімен, саябақтармен серуендеу немесе жалпы республика бойынша саяхаттау арқылы "Кеңес Одағының" сезімдері бізді қалдырмайды. Жолда әлі күнге дейін нан, монша, астық қоймалары көшелерінің атаулары бар белгілер бар, олар өзектілігін жоғалтты, онда монша жоқ, айталық, қоймалар, нан өңдеуге байланысты кәсіпорындар жоқ...

Еліміз Тәуелсіздігінің 30 жылдығын ескере отырып, Қазақстанның бірқатар тарихи оқиғалары, өз батырлары, мемлекеттік тілі бар. Тәуелсіз елдің тұрғындары "өз жас елінің" тарихи атауларын мәңгілікке қалдыруға құқылы, сондықтан атауды өзгерту процесі өзекті және оны дұрыс орындаған кезде Сіз өзіңізді Тәуелсіз Қазақстанның аумағында жүргендей сезінесіз.

Тәуелсіздік жолында біздің еліміз көптеген сынақтардан өтті, мемлекеттен де, халықтан да көп күш жұмсалды, құрылтайшылардың арасында оның отыз жылдығын мерекелеуге дейін өмір сүрмеген көптеген күш-жігер жұмсаған адамдар бар. Сондықтан бұл факторларды ескермеу, олардың "ұрпақтарының" жекелеген аумақтық бірліктерін есімдерімен мәңгі қалдырмау мүмкін емес.

Біздің ауданда Жарқайыңның тарихын білдіретін есімдер де бар. Ұлы батырлардың есімдері - Қабыл батыр, Жеке батыр, ақын Қопабайұлы Қарсақ, Шомен баба бақсы, ауданның дамуына үлес қосқан үздік жетекшілер – Х.Нұрмұхаммедов, А.Укубаев, М.Б.Қайыров, К.Сейітов және т.б. олардың есімдері біздің тарихымызда үнемі айтылып келеді және біздің көшелеріміздің атауларында мәңгі қалуға лайық.

Жарқайың ауданының ішкі саясат, мәдениет, тілдерді дамыту және спорт бөлімінің бас маманы. Н. ШПАНОВА.

Адам – табиғаттың ажырамас бөлігі. Табиғат – адам игілігі үшін жаралған жаратылыстың сыйы. Адам табиғаттың патшасы деген ұғым бар. Сондықтан табиғат адам үшін — асыл ана. Табиғаттың адам үшін ерекше сыйының бірі - ол күз, алтын күз. Осы мезгілде барлық балабақшада дерлік «алтын күз» мерекелік іс-шарасы жыл сайын міндетті түрде өткізізіледі. «Табиғат сыйы» тақырыбында бүлдіршіндеріміз ата-аналарымен бірге тамаша өнерлерін көрсетті, түрлі дәнді-дақылдар мен жеміс-жидектерден керемет туынды жасап шығарды. Жоғары топтардың тәрбиеленушілері әртүрлі жемістерден керемет нәрселер жасады. Балаларымыздың қолөнерлері тегіс жиналып, балабақшаның акті залында осы тақырыпта ұйымдастырылған шағын көрмеге қойылды. Балалалар бір-бірінің жсаған заттарын көтеріңкі көңіл күймен тамашалады. Осы іс-шараға бір кісідей ат салысып қатысқан ата-аналарымызға шексіз алғыс білдіріп, үлкен рахмет айтқымыз келеді.

«Балдырған» бөбекжай бақшасының тәрбиешісі Г. Бекмағанбетова.

Қазақтың рухани көсемі атанған Алаш ардақтысы, Ұлт ұстазы Ахмет Байтұрсынұлының туғанына 150 жыл толды. Мемлекет және қоғам қайраткері, көрнекті ғалым, қазақ тіл білімінің негізін қалаушы, әдебиет зерттеуші, түркітанушы, ақын, публицист, педагог, аудармашы А.Байтұрсынұлының еңбектері ешқашан тарихи маңызын жоймайды. Бүгінгі таңда ғалымның ХХ ғасырдың басында жазған еңбектерінің қазақ тіл біліміндегі жаңа бағыттармен, инновациялық парадигмалармен сабақтастығы анықталып отыр. А.Байтұрсынұлының ғылыми мұрасы ұлттық санамызды кемелдендіру жолындағы рухани азық болары сөзсіз.

5 қазан күні Надежда крупская атындағы орта мектептің Акт залында Ахмет БАйтұрсынұлының 150 жылдық мерей тойына арналған аудан оқушылары арасында Айтыстан жарыс өтті. Оған мектеп шәкірттері белсене қатысып, Ақаң жайлы жыр толғауларын ортаға салды.

«Ахмет туған ғасыр - алтын ғасыр» атты аудандық оқушылар арасында өткізілген ақындар айтысына 7 айтыскер - оқушы қатысты. Олардың барлығы суырып салмалығымен және Ахмет аталарының өмірін зерттеп, оны әр кезде ұлықтап жүретіндерімен көзге түсті. Оларды Аудандық ардагерлер кеңеснің төрағасы Ұболсын Ахметова, Аудандық білім бөлімінің басшысы Гүлшат Нұрпейсова, Аудандық тілдерді оқыту орталығының директоры Нұргүл Ысқақова, Ішкі саясат, тілдерді дамыту, мәдениет және спорт бөлімінің бас маманы Назира Шпанова және Жастар ресурстық орталығының басшысы Шынболата Қарин бағалады. Айтыскерлер қоғамдағы өзекті мәселелерді қозғай отыра, қарсыластарын қалжын сөзбен қағытып, қазақтың қара сөзін майын тамыза айтты.

Шараға ауданымыздың құрметті ақсақалы, ақын Тұрғынбай Жанбаев атамыз бен Аудан мешітінң бас имамы Алмас Оспан арнайы келіп қатысушыларды құттықтады.

Әділ бағалау нәтижесінде Далабай ауылынан келген Самат Ысқақ 1-ші орынды иеленді, одан ұпай санымен, сәл қалыс қалған Кең негізгі мектебінің оқушысы Сардарбек Эргашев екінші орынды қанжығалады. Ал Тасты-Талдылық Даяна Назымбек пен Тассуат негізгі меткебінен келген Сабина Ахат үшінші орынды өзара бөлісті. Айта кетерлігі жүлде қоры 40 мың теңгені құрады. Қайырымды жандар есімін атамауды жөн көрді. Сонымен қатар, Жастар Ресурстық орталығы барынша қатысушыларға жүлдегерлерге дипломдар мен алғыс хаттар және бағалы сыйлықтарын табыстады. Айтыс додасының ұйымдастырлуына Аудандық Қазақ тілі Қоғамы қоғамдық бірлестігі мұрындық болды. Ұлттық өнеріміз алдағы уақытта да жалғасын таппақ.

Қазақ тілі Қоғамдық бірлестігінің төрағасы Оразхан Зейнолла.

Ауылым алтын бесік, қара орманым,

Куәсі бал дәуреннің , ақ арманның.

Ауылым- иран бағым, жер жәннәтім,

Перзенттік парызым деп ән арнадым, -деп ақын жырлағандай, әрбір қазақ баласының жүрегінде жатталған қасиетті бойтұмардай ұғым бар. Ол – ауыл.

Ауыл десе, қазақ деген сөз қатар ойға оралатыны әркімге аян. Ия, ауыл әрбір қазаққа етене жақын. Мейлі ол қалалық болсын, тағдыр жазуымен басқа өлкеде жүрсін, әйтеуір ауылға деген бір ыстық сезім қазақ баласының бойынан табылары анық.

6 қазан күні мектебімізде даярлық сыныбының мұғалімі Нағызқанова Қымбат Мұратқызы мектебіміздің кішкентай бүлдіршіндеріне арнап, «Ауылым-алтын бесігім» тақырыбында кітап көрмесін ұйымдастырды. Мақсаты-жас ұрпақты кіндік қаны тамған туған жерінің тарихы туралы тереңірек білуге, ауылымыздың танымал тұлғаларын зерттеп, зерделеуге шақыру. Көрмеде Далабай ауылының өткен тарихы, ауылымыздағы тарихи жерлер, мәдени ескерткіштер туралы мәліметтер берілді. Сондай-ақ, ақын Қарсақ Қопабайұлының өмір жолымен, өлеңдерімен, артында қалған мол мұраларымен таныс болды.  Сонымен қатар, ауылдың құрметті ақсақалы Саматанов Баянды атамыздың «Жарқайыңмен таныс бол» атты кітабы көрмеге қойылып, оқушылар туған өлкеміздің тарихынан мол мағлұмат алды.

Біз үшін туған ауылымыздың тарихын білу қымбат қазына. Өзінің туған жерін шын жүрегімен сүйіп, сырын ұғып өскен ұрпақ ұлттық болмысын сақтай алатын ұлтжанды азамат болып өсері хақ.

Далабай ауылының негізгі орта мектебінің даярлық тобының мұғалімі, Қымбат Муратовна Нагызканова.

Диалог алаңында AMANAT Партиясының Жарқайың аумақтық филиалының ақпараттық – түсіндіру тобы ҚР Президентінің жолдауын түсіндіру бойынша ауыл шаруашылығы саласының өкілдері - "Жарқайың" ЖШС қызметкерлерімен кездесу өткізді, онда ауыл шаруашылығын дамыту, ауылды дамыту, пайдаланылмаған жерлерді қайтару және тағы басқа тақырыптар қозғалды. Осы Жолдауда Мемлекет басшысы кәсіпкерлерге жер учаскелерін жедел және ашық бөлу үшін, иесіз немесе мақсатына сай пайдаланылмайтын жерлердің болуын бағалауды жүргізу қажеттілігі туралы пәрменді тәсілдерді әзірлеуді тапсырды. Иесіз немесе мақсаты бойынша пайдаланылмайтын жерлердің болуына мониторинг қорытындысы бойынша ауданда жер учаскелерін нысаналы пайдалануға 27 материал КИОС-қа берілді, 1000 гектар мемлекеттік қорға өз еркімен қайтарылды, жерді мақсатсыз пайдалануды бағалау, жайылымдық жерлерді қайтару бақылауда қалып отыр, соңғы екі жыл ішінде жер учаскелерін трансформациялау процесі тоқтатылды.

Негізгі мәселелердің бірі Ауыл шаруашылығын дамыту болып қала береді, деп атап өтті Мемлекет басшысы және бюджет қаражаты тиімді қайтарым беруі үшін саланы субсидиялауға жаңа ұзақ мерзімді тәсілдерді дайындауды тапсырды. Сондай-ақ, ел Президенті субсидиялардың бөлінуіне және игерілуіне бақылауды күшейту қажеттігін атап өтті. Аудан аграрлары өз кезегінде Мемлекет басшысының, атап айтқанда, аграрлық саланы дамыту үшін үлкен перспективалар ашатын ауылдық кооперацияны дамыту шешімдерін толық қолдайды. Ел Президентінің келесі жылдан бастап ауыл тұрғындарының мұқтаждықтарына, атап айтқанда 650 ауылда ауылдық медициналық мекемелерді салу мен жарақтандыруға бағытталған ұлттық жобаны іске асыруды бастау туралы, қабылданған шешімі ауыл тұрғындарының алғашқы медициналық-санитарлық көмегіне қол жеткізуді қамтамасыз етуге мүмкіндік береді.

«Бүгінгі таңда біздің жұмысымызда басымдықтар қоғамдық диалог, ашықтық, адамдардың қажеттіліктеріне жедел ден қою болуы керек. Осының арқасында біз ойлағанның бәрін жүзеге асыра аламыз», - деп атап өтті қатысушылар.

 AMANAT Партиясының Жарқайың аумақтық филиалы.

Жарқайың ауданы әкімі Жанболат Хамитовтың ағымдағы жылғы 10 қазандағы № 86 өкімімен, Жарқайың ауданы әкімінің орынбасары болып Мария Жүсіпқызы Жекебатырова тағайындалды.

Мария Жекебатырова Қостанай облысы Әулиекөл ауданының тумасы. Білімі Жоғары, Қостанай мемлекеттік университетін педагогика және бастауыш оқыту әдістемесі мамандығы бойынша бітірген. Осы лауазымға тағайындалғанға дейін Жақсы ауданының ішкі саясат, мәдениет, тілдерді дамыту және спорт бөлімі басшысы лауазымында жұмыс атқарды.

Жарқайың ауданы әкімдігінің баспасөз қызметі.