Жарқайың ауданы әкімінің орынбасары Мария Жекебатырова барлық қатысушыларды мектептің мерейтойымен құттықтап, алтын ұя мектебінің өсіп өркендеуіне зор үлес қосқан ел азаматтарына, барлық ұстаздар ұжымына, мәдени және білімі жағынан зерек жиырма бірінші ғасырдың жаңа ұрпағын тәрбиелеу жолында, шығармашылық табыстар тіледі.

Сондай-ақ, Жаңадала ауылдық округінің әкімі, мектеп түлегі Көкетай Хамзин, мектеп директоры Елена Стрымбовская, Зерноград мектебінің педагогтары мен түлектері құттықтау сөз сөйледі.

Мектеп оқушылары мерейтой қонақтарына шығармашылықтарын сыйлай отырып, әндерімен және билерімен құттықтады.

Жарқайың ауданы әкімдігінің баспасөз қызметі

2022 жылғы 9 желтоқсанда Жарқайың ауданы әкімдігінің ғимаратында аудан әкімінің орынбасары М.Жекебатырованың төрағалығымен консультативтік-кеңесші органның отырысы өткізілді. Оның барысында пробация қызметінде есепте тұрған сотталғандарды жұмысқа орналастыру, сотталғандардың жәбірленушілердің өтемақы қорына мәжбүрлеп төлем төлеуі мәселелері қаралды, сондай-ақ Консультативтік-кеңесші органның 2023 жылға арналған жұмыс жоспары бекітілді.

Пробация қызметінің баспасөз қызметі.

Жауаптылар осылай деп сендіріп отыр.

Қазір қоймаларда қара отын жеткілікті, жағдай тұрақты. Баға да өткен жылмен салыстырғанда айтарлықтай қымбаттамаған. Мәселен, елордадағы Майкөбе көмірінің тоннасы 13 200 теңге болса, Шұбаркөл – 13 900, ал Қаражыра 14 600 теңгеден сатылуда. Әрине бұл құн тұтынушыға жетем дегенше, біршама қымбаттайды. Алайда бұл тек ортадағы алыпсатарлардың әсерінен туындайды дейді сала мамандары.

Тағы бір мәселе көмір сапасына келіп тіреледі. Өкінішке орай, Шұбаркөл көмірі тұрғындардың бәріне бірдей жетпейді. Кей адамдар осының кесірінен сапасыз отын алып жатырмыз деп шағымданып жүргені де белгілі.

Тұрар Жолмағанбет, ҚР ИИДМ Индустриалдық даму комитеті төрағасының орынбасары:

- Қазақстан республикасында тұтынатын көмір көлемі 10 млн. Шұбаркөлдің сататын көлемі 3,5 млн. Біз не істейміз? Бізде мақсат жоқ, халықты Шұбаркөлмен қамтамасыз ету, біздің мақсат елді көмірмен қамтамасыз ету. Жалпы біздің мақсат көмір жағу, жылу алу. Мынау көмір тұр, Қаражар да дәл сондай көмір бере алады, Майкөбе де сондай жылу бере алады.

Ақпарат дереккөзі: https://24.kz/kz/zha-aly-tar/o-am/item/573474-biyl-k-mir-tapshy-bolmajdy

АСТАНА. ҚазАқпарат – ҚР Сауда және интеграция министрі Серік Жұманғарин азық-түлік бағасын тұрақтандыру туралы тілшілер сұрағына жауап берді, деп хабарлайды ҚазАқпарат тілшісі.

«Арамызда өтірік болмасын. Мен баға тұрақты болады деп айтқан емеспін. Біздің мақсатымыз – бағаның өсу серпінін тоқтату. Баға тұрақты болу үшін өзімізді азық-түлікпен қамтамасыз етіп, азық-түлік қауіпсіздігін жоғарылату керек. Қазір азық-түліктің 40%-ы Ресейден жеткізіледі. Бұрын 1 рубль 4 теңге болса, қазір ол 8 теңге болды. Ресейдегі азық-түлік инфляциясы – 15%. Баға қалай тұрақтайды», - деді Сауда министрі Үкімет кулуарында.

Сонымен бірге, С. Жұманғарин жаңа жыл қарсаңында баға аспандап кетпей ме деген сұраққа жауап берді.

«Аспандап кетпейді. Бірақ сізге (баға – ред.) тұрақты болады деп уәде бере алмаймын», - деді ол.

Ақпарат дереккөзі: https://www.inform.kz/kz/azyk-tuliktin-kymbattauyna-ne-ykpal-etti-ministr-zhauaby_a4004718

АСТАНА. ҚазАқпарат – Ауыл тұрғындарының денсаулық жағдайын жақсартуға арналған «Ауылдық денсаулық сақтауды жаңғырту» жобасы әзірленді. Бұл туралы ҚР Денсаулық сақтау министрі А. Ғиният айтып берді, деп хабарлайды ҚазАқпарат тілшісі.

Министрдің айтуынша, жоба үш міндетті қамтиды: бірінші - жетіспейтін медициналық-санитариялық алғашқы көмек ұйымдарын салу арқылы барлық ауылды медициналық инфрақұрылыммен қамтамасыз ету. Екінші – заманауи медициналық жабдықтары бар көпбейінді ауданаралық орталық ауруханалар желісін ұйымдастыру. Үшінші – ауылдық денсаулық сақтау объектілерін медицина кадрларымен қамту.

«Өңір әкімдіктерімен бірлесіп 655 медициналық-санитариялық алғашқы көмек объектісінің, оның ішінде 253 – медициналық пункттің, 160 - дәрігерлік амбулатория мен 242 – фельдшерлік-акушерлік пункттің құрылысы бойынша дайындық жұмыстары басталды. 32 көпбейінді аудандық орталық ауруханамен қамту – жұмыс істеп тұрған 12 аурухананы жаңғырту және 20 жаңа аурухананы салуды көздейді», - деді А. Ғиният Үкіметтің бүгінгі отырысында.

Сонымен бірге, инсульт және кардиологиялық, реанимация және қарқынды терапия, аз инвазивті хирургия, травматология және оңалту бөлімшелерін ашу жоспарлануда. Оған қоса, аудандық орталық аурухананы заманауи медициналық жабдықтармен, оның ішінде КТ, МРТ, ангиограф, сараптамалық кластағы ультрадыбыстық зерттеу, эндоскопиялық, реанимациялық, медициналық оңалтуға арналған жабдықтармен жарақтандыру және күрделі жөндеу жұмыстарын жүргізу көзделген.

«Ұлттық жобаны қаржыландыру биылғы 15 қарашада Республикалық бюджет комиссиясының отырысында мақұлданды. Жоба республикалық бюджеттен 217,7 млрд теңге көлемінде қаржыландыруды талап етеді», - деді Денсаулық сақтау министрі.

Ақпарат дереккөзі: https://www.inform.kz/kz/auyldagy-densaulyk-saktaudy-zhangyrtu-turaly-ulttyk-zhoba-azirlendi_a4004730