2022 жылдың 6 қарашасында Жарқайың ауданының спорттық-сауықтыру кешенінде жастар арасында гір спорты бойынша Ақмола облысының чемпионаты өтті.

Гір спорты бойынша Чемпионатқа Жарқайың, Атбасар, Сандықтау, Аршалы, Астрахан және Целиноград аудандарының келесі жас санаттары бойынша спортшылары қатысты:

2000-2004 ж.т., ұлдар 2005-2006 ж.т., ұлдар 2007 ж.т. және одан кіші (жұлқа көтеру, серпе көтеру), және қыздар (серпе көтеру жаттығуы).

Чемпионаттың ашылуына Ақмола облысының гір спорты бойынша аға жаттықтырушысы Сергей Прохоров, аудандық мәслихат депутаты Владимир Камышанский, Жарқайың ауданының ішкі саясат, тілдерді дамыту, мәдениет және спорт бөлімінің басшысы Азамат Баймулдинов, Жарқайың БЖСМ директоры Айгүл Әлжанова, чемпионаттың бас төрешісі Салтанат Халибек қатысты.

Сондай-ақ, чемпионаттың ашылуында биылғы жылы әлемдік аренада жоғары нәтижелерге қол жеткізген спортшылар, Денис Долгашов, Әбуәлі Аманқұл, Абылай Халибек, Ернұр Дарменов, Қуаныш Нұрғожин алғыс хаттармен және сыйлықтармен марапатталды.

Жарқайың ауданы әкімдігінің баспасөз қызметі.

2022 жылы 4 қарашада Жарқайың ауданында Ақмола облысы прокуратурасының басқармасының бастығы А.М.Аяғановтың төрағалығымен және құқық қорғау органдары өкілдерінің қатысуымен мемлекеттік «Заң керуені» акциясы өтті.

Акцияға ауданның 40-тан астам тұрғыны қатысты, оның шеңберінде қолданыстағы заңнаманың нормалары түсіндірілді, қаржы пирамидалары мен интернет алаяқтықтардың көмегімен тұрғындардан қаражат ұрлаудың алдын алу бойынша ақпарат жеткізілді.

Құқық қорғау органдарының өкілдері тұрғындарға терроризм актілері туралы жалған хабарлардың, басқа ұлт өкілдері туралы жағымсыз сөздердің жол берілмейтіндігі туралы, сондай-ақ, қоғамдық жерлерде тәртіп сақтау, соның ішінде заңсыз шерулерге (митингілерге) жол бермеу бойынша хабарлады.

Акцияның барлық қатысушыларына қысқаша материалдары бар ақпараттық брошюралар таратылды.

Сонымен қатар, халықпен кездесу қорытындысы бойынша азаматтарды қабылдау жүзеге асырылды.

Жарқайың ауданының прокуратурасы.

Жарқайың ауданының әкімі Жанболат Хамитов, Құмсуат, Львов, Тасөткел, Нахым және Отрадный ауылдық округтерінің тұрғындарымен кездесуін өткізді.

Кездесуге аудандық ұйым басшылары, аудандық прокуратура, полиция және денсаулық сақтау бөлімінің өкілдері қатысты.

Аудан әкімі ауыл тұрғындарын ағымдағы жылдың 9 айындағы ауданның әлеуметтік-экономикалық даму қорытындылары туралы хабардар етті.

Халықпен кездесу барысында ауыл, ауылдық округ әкімдерінің есептері тыңдалды.

Сондай-ақ, ағымдағы жылдың 9 айында атқарылған жұмыстар туралы полиция бөлімінің бастығы Алмас Оразалин баяндама жасады.

– Ағымдағы жылдың 9 айында 49 (2021ж.-74) қылмыс пен қылмыстық құқық бұзушылық тіркелді. 2022 жылдың 9 айында барлығы 3 423 әкімшілік құқық бұзушылық анықталды (2021 ж. – 3 526), 27 978 976 теңге сомасына айыппұл салынды. Қоғамдық орындарда мас күйінде пайда, немесе спирттік ішімдіктер ішкені үшін 153 (2021ж.-144) құқық бұзушы ұсталды, жалпы пайдалану орындарын ластағаны үшін 64 (2021ж. -55), тыныштықты бұзғаны үшін 26, абаттандыру ережелерін бұзғаны үшін ауданның 144 тұрғыны тартылды, - деді Алмас Оразалин.

Халықпен, ауыл тұрғындарымен кездесу барысында жолдардың жай-күйі, денсаулық сақтау, абаттандыру және басқа да мәселелер көтерілді.

Халықпен кездесу қорытындысы бойынша аудан әкімі жетекшілік ететін бөлімдерге бірқатар нақты тапсырмалар берді.

Сондай-ақ, сапар барысында аудан әкімі алдағы сайлау науқанына дайындық барысымен танысты.

Халықпен кездесу соңында ауылдың дамуына қосқан үлесі және ауылдың өміріне белсенді қатысқаны үшін Жарқайың ауданының әкімі ауыл тұрғындарына бірқатар алғыс хаттар табыс етті.

Жарқайың ауданы әкімдігінің баспасөз қызметі.

Ақмола облысының әкімі Ермек Маржықпаев Жарқайың ауданына алдын ала келіп ауданның өмірімен танысқан болатын. Аудан тұрғындарымен есеп беру кездесуін өткізу барысында облыс әкімі жолдардың жай-күйі, денсаулық сақтау, білім беру, ауыл шаруашылығы, өнеркәсіп және басқа да мәселелер қарастырылды.

Ақмола облысы дамудың барлық негізгі индикаторлары бойынша республикада көшбасшы екендігін атап айтқымыз келеді. Бұған әр ауданның қомақты үлесі бары анық. Осылайша Жарқайың ауданы Облыстың ең ірі аудандардың бірі, алайда тәуелсіздіктің 30 жылында ауданымызда тұрғындар саны үш есе азайды. Алайда, барлық мәселелерге қарамастан Ермек Маржықпаев ауданымыздың ауыл шаруашылық деңгейіне жоғары баға берді.

Ауданымыздағы өзекті мәлелердің бірі жолдар сапасы, ұзындығы шамамен 200 шақырым болатын Жақсы-Державин республикалық маңызы бар тас жолдың жөндеу жұмыстары әлі де басталған жоқ, әкім ердігер компанияны жауапқа тартуды және жөндеуді бастау үшін облыстық бюджеттен ақша бөлуді тапсырды.

– Бизнес нашар дамып келеді. Жақсы логистикаға қарамастан, ауданда әлі де ірі кәсіпорындар мен ірі инвестициялық жобалар жоқ. Бастамашылық қажет, ал біз мемлекеттік қолдауды қамтамасыз етеміз. Тұрақтылықтың негізі – жұмыспен қамту және әр отбасының табысын арттыру. Егер ауыл шаруашылығында жалақы 180-200 мың теңге болса, өнеркәсіпте табыс мүлдем басқа. Адамдар әрқашан жұмыс бар жерге барады. Ол үшін ауылда тауарлы – сүт фермалары мен бордақылау алаңдары қажет. Ауданда жайылымдарға қатысты ауыр жағдай қалыптасты. Айналымға 8 мың гектар игерілмеген жер тартылды, бірақ бұл жеткіліксіз, – деді өңір басшысы Ермек Боранбайұлы.

Күрделі жөндеу жұмыстары Уәлиханов және Отрадное ауылдарының мектептерінде, ағымдағы жөндеу жұмыстары Үшқарасу, Тассуат, Құмсуат мектептерінде және Тасөткел ауылындағы балабақшада аяқталды.

– Білім сапасы – облыс бойынша ең төмен көрсеткішке ие. 54 пайыз дегеніңіз, өте сапасыз жұмыстың салдары. Жарқайың ауданының оқушылары олимпиадалар мен конкурстардан орын алғаны туралы жақсы жаңалықтар да көптен бері естілмеді. Ауданның демографиялық әлеуеті зор, сол себепті балаларға лайықты білім беру керек, – деп атап өтті облыс әкімі Е.Маржықпаев.

Жарқайың ауданында ағымдағы жылы жалпы құны 3,2 миллиард теңгені құрайтын 14 инвестициялық жоба іске асырылуда. Оның ішінде 8 жоба пайдалануға берілді, 6 жоба аяқталу сатысында. Құрылған жұмыс орындарының саны – 106.

– Соңғы жылдары ауыл халқы қалаға қарай ағылуда. Бірақ, ауыл тұрғындары үшін мемлекет тарапынан зор қолдау барын ұмытпауымыз керек. Осы орайда, инфрақұрылымды сақтау және жақсарту үшін көптеген тың жобалар жүзеге асырылуда. Бұған бизнес өкілдерінің де көмегі тиіп жатыр, – деді облыс әкімі өз сөзінде.

Ақпарат дереккөзі: https://arka-azhary.kz/2022/11/07/irlerdi-leueti-artyp-keledi/

Биімдеген: Б.Айтпаева.

2022 жылғы 19 қазанда Жарқайың ауданының Мәдениет үйінде Төтенше жағдайлар қызметінің құтқарушылары күніне арналған мерекелік іс-шара өтті. Құтқарушылар қауіпті жағдайларға тәулік бойы жедел әрекет етеді. Олардың кәсіби мерекесі Қазақстандағы алғашқы құтқару қызметінің құрылған күні - 19 қазан болды. 2008 жылдан бастап ол кәсіби мерекелердің тізіміне кіреді және жыл сайын осы күні атап өтіледі. Төтенше жағдайлар қызметкерлерін Жарқайың ауданының әкімі Жанболат Хамитов құттықтады. Сонымен қатар, аудан әкімі Жанболат Камериданұлы Қазақстан Республикасы төтенше жағдайлар министірінің бұйрығымен басшылық құрамының арнайы шені – азаматтық қорғаныс лейтенанты – 12 өрт сондіру бөлімі қарауыл басшысы Алмас Маратұлы Айжановқа табыс етті. Сондай-ақ, Ақмола облысы ТЖД бастығының алғыс хатымен "Алтын Дән КZ" ЖШС, «Державинский элеватор» ЖШС, «Агропромтехника» ЖШС, «Мириад» ЖШС, Жанадала өрт сөндіру бекеті, Нұрберген Нұрғалиұлы Өтесінов - аудан әкімінің Төтенше жағдайлар жөніндегі кеңесшісі, Көкетай Ілиясұлы Хамзин - Жаңадала ауылдық округінің әкімі, Марат Бүркітұлы Омаров - Уәлиханов ауылдық округі әкімі, «Целинное знамя» газетінің редакциясы және «Жарқайың тынысы» газетінің редакциясы марапатталды. Аудан әкімінің алғыс хатымен азаматтық қорғау төтенше жағдай қызметінің бірқатар қызметкерлері марапатталады. Құтқарушылар күніне орай Жарқайың ауданында өткен шағын футзалдан өткізілген турнирде жүлделі 3-ші орынды – Жарқайың ауданының полиция бөлімі, 2-ші орынды – Жарқайың ауданының төтенше жағдайлар бөлімі және жүлделі 1 орынды «Жамағат Жарқайың» командасы иеленіп марапатталды. Өткізілген турнирінде келесі үздік атанған ойыншылар марапатталады «Үздік қорғаушы» - Бауыржан Бейсембайұлы Қашқымбаев, «Үздік қақпашы» –Асылхан Нұртай, «Үздік ойыншы» –Марат Айжанұлы Махамбетов, «Үздік бомбардир» –Нұрхан Тойшыбекұлы Шоқтыбаев.

«Жарқайың тынысы» газетінің редакторы Б.Айтпаева.