Ауылымызда ең бір көктемнің шуақты мерекесі 8-Наурыз халықаралық аналар және қыз келіншектер күніне орай, мәдени демалыс орталығында «Аналар мәңгі жасасын» атты мерекелік концерттік бағдарлама өткізілді. Мерекелік іс-шара басында ауыл әкімі С.Т.Саухимова барша нәзік жандыларды құттықтап, көп балалы, алтын құрсақты аналарға силықтар табыстады. Ал, ауылдың Ардагерлер кеңесінің төрайымы Асылзат Сыздықова барша мереке иелерін шын жүректен құттықтады. Сонымен қатар, ән, би, жырмен ғана шектелмей, көп балалы аналарға деген құрметпен фотокөрме ұйымдастырылды.

«Күннің шуағы – жылы, Ананың құшағы – жылы», – дегендей, дүниеде ананың балаға және барша адамзатқа деген мейірімі мен махаббатынан асқан құдірет жоқ. Ананың аялы алақаны мен жылы құшағын сезініп өскен сәбидің арманы жоқ шығар бұл жалғанда?

Әлемде нәрестеге өмір сыйлап, оны алғашқы қадам басуға үйрететін қасиеттеріңізге ешкімде тең келмейді. Сіздердің төзімділіктеріңіз бен махаббаттарыңызға алғысым шексіз!

Тасөткел демалыс орталығының басшысы С.К.Қырқанов.

13 наурыза Н.Крупская атындағы ОМ акт залында 9-11 сыныптар арасында республикалық олимпиаданың облыстық кезеңінің жеңімпаздары марапатталды.

Ярослав Чегодаев - Крупская атындағы ОМ 10 сынып оқушысы орыс тілі мен әдебиеті пәні бойынша 2 жүлделі орынға ие болды. II дәрежелі дипломмен, медальмен және естелік сыйлықпен марапатталған.

София Попова - Крупская атындағы ОМ 9 сынып оқушысы химия пәні бойынша 3 жүлделі орынға ие болды. III дәрежелі дипломмен, медальмен және естелік сыйлықпен марапатталған.

Ярослав Чегодаевке 1-10 сәуірден бастап Шымкент қаласында өтетін 9-11 сыныптар арасындағы олимпиаданың республикалық кезеңінде сәттілік тілейміз.

Ақпарат көзі: instagram.com/obrazovaniiao.

9 наурызда Көкшетау қаласының «Мәлік Ғабдуллин атындағы № 3 мамандандырылған гимназиясы» КММ орта мектебінің базасында математика мұғалімдеріне арналған «Математикалық регата» республикалық олимпиадасының облыстық кезеңі өткізілді.

Олимпиаданың мақсаты: математика мұғалімдерінің кәсіби шеберлігін арттыру және жетілдіру.
Облыстық кезеңге барлығы 19 педагог қатысты. Олимпиада 4 турдан өткізілді, әр тур үш тапсырманың жазбаша шешімін ұсынды.

Олимпиада қорытындысы бойынша «Державин қаласының А. Үкібаев атындағы жалпы орта білім беретін мектебі» КММ математика пәнінің мұғалімі - Дамер Болатбек 1 орын алды.

Біздің мұғалім 2023 жылдың 28-29 наурызында Ақтөбе қаласының «Шығармашылық академиясы» базасында өтетін республикалық кезеңге қатысу үшін Ақмола облысының мұғалімдер командасына кірді.

Ақпарат көзі: instagram.com/obrazovaniiao.

14 наурызда «Адал-көмек» жобасы аясында Жарқайың ауданының тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімінің бас маманы Марина Рустамқызы Мұқашевамен азаматтарды қабылдау, есепке қою және кезекке қою, сондай-ақ жергілікті атқарушы органдардың азаматтарға тұрғын үй беру, мемлекеттік тұрғын үй қорынан тұрғын үйге немесе жеке тұрғын үй қорынан жергілікті атқарушы орган жалдаған тұрғын үйге мұқтажазаматтарға тұрғын үй ұсыну туралы азаматтарды қабылдау жүргізілді. Аудан тұрғындарына өздерін қызықтырған барлық сұрақтарға тиісті түсініктемелер берілді.

Жарқайың ауданы әкімінің баспасөз хатшысы А.Бейсен.

13 наурызда аудан әкімдігінің мәжіліс залында Жарқайың ауданының әкімі Жанболат Хамитов ұйым басшыларымен, аудан қызметтерімен, ауыл және ауылдық о круг әкімдерімен аппараттық кеңес өткізді.

Аппараттық кеңестің күн тәртібінде келесі сұрақтар қаралды: Қазақстан Республикасы Парламенті Мәжілісі мен мәслихаттары депутаттарының алдағы сайлауға дайындығы туралы аумақтық сайлау комиссиясының төрағасы Жанар Рамазанова ақпараттандырды. Сайлау өткізу кезеңінде ауданның коммуналдық қызметтерінің үздіксіз жұмысы және аудандағы қоғамдық-саяси жағдай туралы Жарқайың ауданы әкімі аппаратының басшысы Ермек Дарменов баяндады.

Сондай – ақ, ағымдағы мәселелер бойынша аппараттық кеңес барысында экономика және қаржы бөлімінің басшысы Бақыт Ахметова бюджетті атқару, әлеуметтік-экономикалық көрсеткіштердің орындалуы, Жарқайың ауданы бойынша санитарлық-эпидемиологиялық бақылау басқармасының бас санитарлық дәрігері Жанна Ахметова және аудандағы ағымдағы жағдай бойынша КВИ бойынша, аудандық аурухананың бас дәрігерінің орынбасары Инна Руселик вакцинация жүргізу бойынша баяндама жасады.

Аппараттық кеңестің соңында аудан әкімі ауданның барлық қызмет басшыларына орындау үшін қажетті бірқатар нақты тапсырмалар берді.

Жарқайың ауданы әкімінің баспасөз хатшысы А.Бейсен.