"Математикалық регата" олимпиадасы

ҚР Білім Министрлігінің "Дарын" республикалық ғылыми-практикалық орталығы 2023 жылға арналған іс-шаралар жоспарына сәйкес Ақтөбе облысының білім басқармасымен бірлесіп 28-29 наурызда математика мұғалімдеріне арналған "Математикалық регата" олимпиадасын өткізді, оған біздің "Державин қаласының А. Үкібаев атындағы жалпы білім беретін мектеп" КММ математика мұғалімі Дамер Болатбек қатысты.
Олимпиадаға Қазақстан Республикасының 93 мұғалім қатысты, онда 4 адамнан тұратын Ақмола облысының математика мұғалімдерінің командасы 11-орынға ие болды. Дамер Болатбек Қазақстанның математика пәнінің топ - 10 мұғалімі ішінде 7-орынға жеке нәтижесімен кіріп, олимпиадаға қатысқаны және көрсеткен шеберлігі үшін мақтау қағазын алды.

Жарқайың ауданы әкімінің баспасөз қызметі.