Астанада Қазақстанның саяси дамуындағы маңызды тарихи оқиғалардың бірі – Президент Қасым-Жомарт Тоқаевтың қатысуымен Сенат пен Мәжілістің соңғы бірлескен отырысы өтті. Бұл жиын Тәуелсіз Қазақстанның қос палаталы Парламентінің қызметін қорытындылап, мемлекеттік басқарудың жаңа конституциялық үлгісіне өтудің бастауы ретінде тарихқа енді.

Президент өз сөзінде бұл отырыстың ел үшін айрықша тарихи мәнге ие екенін атап өтті. Оның айтуынша, Парламенттің кезекті сессиясының аяқталуы ғана емес, Қазақстанның заң шығарушы жүйесінің жаңа кезеңге өтуі жүзеге асуда. Мемлекет басшысы 1 шілдеден бастап жаңа Конституция заңды күшіне еніп, мемлекеттік билік жүйесі түбегейлі жаңаратынын мәлімдеді.

Қасым-Жомарт Тоқаев жаңа Конституцияның қабылдануы мемлекеттік басқару жүйесіндегі кезекті әкімшілік өзгеріс емес, еліміздің дамуындағы жаңа тарихи кезеңнің бастауы екенін айтты. Оның пікірінше, бұл реформалардың басты мақсаты – мемлекеттің басқару тетіктерін жетілдіру, қоғамдық институттардың тиімділігін арттыру және азаматтардың мемлекеттік шешімдер қабылдау үдерісіне қатысу мүмкіндігін кеңейту.

Жаңа конституциялық модельге сәйкес, Қазақстандағы екі палаталы Парламенттің орнына Құрылтай жұмыс істейтін болады. Президенттің айтуынша, Құрылтай қоғам мен мемлекет арасындағы ашық диалогтың тиімді алаңына айналып, халықтың ұсыныстары мен сұраныстарына жедел ден қоюға мүмкіндік береді. Сонымен қатар заң жобаларын әзірлеу кезінде цифрлық технологиялар кеңінен қолданылып, заң шығару үдерісінің ашықтығы мен қолжетімділігі артады.

Мемлекет басшысы мемлекеттік басқару жүйесін жаңғырту ел тәуелсіздігін нығайтуға және ұлттық мүддені қорғауға бағытталғанын ерекше атап өтті. Оның айтуынша, Қазақстанның егемендігі мен қауіпсіздігін қамтамасыз ету әрдайым басты басымдық болып қала береді. Осыған байланысты қоғамның барлық өкілдері – мемлекеттік қызметкерлер, ғалымдар, сарапшылар, үкіметтік емес ұйымдар мен халықаралық институттар бірлесіп жұмыс істеуі қажет.

Президент сондай-ақ өткен жылғы Жолдауында Қазақстанды үш жыл ішінде дамыған цифрлық мемлекетке айналдыру жөнінде міндет қойғанын еске салды. Бұл мақсатқа жету мемлекеттік басқарудың тиімділігіне, заманауи технологияларды енгізуге және азаматтарға көрсетілетін қызметтердің сапасын арттыруға тікелей байланысты екені айтылды.

Жиында жаңа конституциялық орган – Халық кеңесін құру туралы да жарияланды. Оның құрамына мәслихат депутаттары, қоғамдық кеңестердің мүшелері, сарапшылар қауымдастығы мен азаматтық қоғам институттарының өкілдері енеді. Бұл орган заң шығару бастамасы құқығына ие болып, қоғамдық пікірді қалыптастыру мен маңызды мемлекеттік шешімдерді талқылауда ерекше рөл атқарады.

Мемлекет басшысы өз сөзінде Қазақстан Парламентінің тәуелсіздік жылдарындағы қызметіне де тоқталды. Оның айтуынша, соңғы отыз жылдан астам уақытта елімізде үш жарым мыңға жуық заң қабылданған. Олардың әрбір оныншысы депутаттардың бастамасымен әзірленіп, мемлекеттік басқару жүйесін, экономиканы және әлеуметтік саланы дамытуға бағытталды.

Президент Парламенттің барлық шақырылымдары елдің құқықтық негізін қалыптастыруға, нарықтық экономиканы дамытуға және демократиялық институттарды нығайтуға елеулі үлес қосқанын атап өтті. Сондай-ақ заң шығарушы органда қызмет еткен мемлекет және қоғам қайраткерлерінің еңбегі Қазақстан тарихында ерекше орын алатынын айтты.

Қасым-Жомарт Тоқаевтың пікірінше, Қазақстан жаңа конституциялық кезеңге нық қадам басып отыр. Алдағы реформалардың негізгі мақсаты – мемлекеттік басқарудың тиімділігін арттыру, азаматтардың әл-ауқатын жақсарту, қоғамдық тұрақтылықты сақтау және елдің тәуелсіздігі мен егемендігін одан әрі нығайту. Осылайша, жаңа Конституция елдің саяси жүйесін жаңғыртуға және Қазақстанның ұзақ мерзімді дамуына негіз болатын маңызды құжат ретінде бағалануда.

«Жарқайың тынысы» газетінің редакторы.

Қазіргі таңда балалардың жан-жақты дамуына бағытталған үйірмелер мен қосымша білім беру ұйымдарының маңызы зор. Үйірмелер баланың қабілетін ашып қана қоймай, оның тұлғалық қалыптасуына, қарым-қатынас мәдениетінің дамуына және өзін-өзі танытуына мүмкіндік береді. Осы үдерісте психологиялық жұмыстың рөлі ерекше.

Психологтың негізгі міндеті – баланың эмоционалдық жағдайын бақылап, оның қызығушылықтары мен қажеттіліктерін анықтау. Үйірмеге қатысатын балалар арасында өзіне сенімсіздік, ұялшақтық немесе құрдастарымен қарым-қатынас жасауда қиындықтар кездесуі мүмкін. Сондықтан психологиялық тренингтер, ойындар және топтық жұмыстар арқылы олардың коммуникативтік дағдылары дамытылады.

Сонымен қатар, психологиялық қолдау балалардың шығармашылық белсенділігін арттыруға, күйзеліс пен мазасыздықтың алдын алуға көмектеседі. Әр баланың жеке ерекшелігін ескере отырып жүргізілген жұмыс оның өз қабілетіне деген сенімін нығайтады.

Ата-аналармен және педагогтермен бірлескен жұмыс та маңызды бағыттардың бірі болып табылады. Өзара ынтымақтастық нәтижесінде балаға қолайлы психологиялық орта қалыптасып, оның үйлесімді дамуына жағдай жасалады.

Балалардың бос уақытын тиімді ұйымдастырумен қатар, олардың психологиялық саулығын сақтау – болашақта табысты, белсенді және бақытты тұлға тәрбиелеудің маңызды кепілі.

Психолог Айтпаева Б.Е.

Поддержка стратегического курса и высокая консолидация общества сегодня имеют особое значение для устойчивого развития страны и успешной реализации намеченных реформ.
Как председатель Совета отцов, считаю, что именно институт семьи, воспитание подрастающего поколения и преемственность ценностей играют важную роль в формировании сплочённого и ответственного общества. Поддержка стратегического курса начинается с осознания каждым гражданином своей роли и ответственности за будущее страны.
Консолидация общества проявляется в единстве взглядов на ключевые вопросы развития, уважении к закону, традициям и друг к другу. В этом процессе отцы и старшее поколение выступают носителями жизненного опыта, передавая молодёжи принципы трудолюбия, патриотизма и гражданской ответственности.
Уверен, что только при сохранении общественного единства, укреплении института семьи и активном участии граждан возможно достижение стратегических целей и построение сильного, справедливого и процветающего государства.

Исраил Манафов, Председатель Совета отцов

Начало очередного заседания Комиссии по конституционной реформе — это не просто этап законодательной работы. Это момент, когда общество и государство еще раз сверяют ориентиры и договариваются о будущем развитии страны. Конституция в этом процессе выступает не формальным документом, а живым отражением запросов граждан.
Важно, что обсуждение ключевых положений проходит открыто, с учетом экспертных заключений и общественных инициатив. Такой подход формирует доверие к реформе и усиливает ощущение сопричастности граждан к происходящим изменениям. Конституция должна быть понятной и принятой обществом, а не восприниматься как абстрактный юридический текст.
Предлагаемые изменения направлены на укрепление прав и свобод человека, повышение ответственности государства и формирование более сбалансированной системы управления. Это отвечает современным вызовам и логике развития страны, которая стремится к устойчивости и социальной справедливости.
Особую значимость имеет сохранение базовых принципов Конституции при ее адаптации к новым условиям. Речь идет не о ломке устоев, а об их обновлении с учетом времени, технологий и общественных ожиданий.
Для регионов новая редакция Конституции имеет прикладное значение. Она задает правовые рамки для решения вопросов экологии, социальной защиты, инфраструктуры и устойчивого развития территорий.
В конечном итоге конституционная реформа — это инвестиция в долгосрочную стабильность, где человек, его безопасность и возможности становятся центральной ценностью государственной политики.

Исраил Манафов, Председатель совета отцов Жаркаинского района

Бүгінгі таңда қоршаған ортаны қорғау – еліміздің дамуы мен ұлт денсаулығы үшін аса маңызды мәселелердің бірі. Экологиялық мәдениетті қалыптастыру, табиғатты аялауға баулу – әр азаматтың міндеті. Осы бағытта республика көлемінде ұйымдастырылып жатқан «Таза Қазақстан» экологиялық акциясы – қоршаған ортаға деген жауапкершілікті арттырып, табиғатқа деген қамқорлықты нақты іспен дәлелдеудің жарқын үлгісі.

Осы бастаманың аясында 11 қазан күні Жарқайың ауданында кең ауқымды сенбілік өтті. Ауқымды шараға аудан тұрғындары, мекеме қызметкерлері, бөлім басшылары, жаттықтырушылар, спортшылар мен жасөспірімдер белсене қатысты. Олар Есіл өзенінің жағалауын күл-қоқыстан тазартып, аудан орталығындағы саябақтар мен қоғамдық орындарды абаттандыруға өз үлестерін қосты. Ағаш көшеттері отырғызылып, тазалық жұмыстары жүргізілді.

Акцияға белсене қатысқан ұйымдардың қатарында Н.Крупская атындағы мектептің ұжымы ерекше көзге түсті. Аталған білім ордасының оқушылары, оның ішінде медиасынып мүшелері мен мектеп парламентінің өкілдері де бұл экологиялық шарадан шет қалмай, туған жердің табиғатына деген сүйіспеншіліктерін нақты іспен көрсетті.

Мектеп оқушылары өз қолдарымен мектеп ауласын, оған іргелес аумақтарды тазалап, қоқысты жинап, жасыл желек егу жұмыстарына қатысып, тазалыққа деген жанашырлықтарын паш етті. Бұл шара – олар үшін тек сенбілік қана емес, қоршаған ортаны аялау мәдениетін бойға сіңіретін тәлімді тәрбие сабағы болды.

«Таза Қазақстан» акциясының басты мақсаты – азаматтардың экологиялық мәдениетін қалыптастыру, табиғатқа деген жанашырлық пен қамқорлықты арттыру. Сонымен қатар, қоршаған ортаға ұқыппен қарауға дағдыландырып, ел болашағы – жас ұрпақтың бойына табиғатты аялау жауапкершілігін сіңіру.

Аталған акция – ұрпаққа үлгі болатын маңызды бастама. Қарапайым тазалықтан басталған іс – үлкен мақсаттарға жол ашады. Қоршаған ортаны қорғауға бағытталған мұндай іс-шаралар тек тазалықпен шектелмейді. Олар – адам мен табиғат арасындағы үйлесімді байланысты қалыптастырудың бірден-бір жолы.

Сенбілікке қатысқан әр азаматтың көңіл күйінен табиғатқа деген сүйіспеншілік пен ұлт болашағына алаңдаушылық анық байқалды. Жасөсіпірмдерден бастап, сала мамандарына дейін бір кісідей жұмылып, туған өлкені таза ұстау үшін күш біріктірді. Мұндай шаралар аудан тұрғындарын біріктіріп, ортақ іске жұмылдырудың жарқын үлгісі саналады.

Қатысушылар өздерінің тек сөзбен емес, нақты әрекетпен ел болашағы үшін еңбек етіп жатқанын мақтанышпен жеткізді. Әсіресе, мектеп оқушыларының белсенділігі мен жауапкершілігі көңіл қуантады. Олар тазалық жұмыстарына үлкен ынтамен кірісіп, қоршаған ортаға жанашырлық танытты.

Табиғат – бізге аманат. Оны сақтау – болашақ ұрпаққа қалдырар ең үлкен мұрамыз. Таза ауа, мөлдір су, көк шалғын – адамның денсаулығы мен өмір сапасының кепілі. Егер біз бүгін табиғатқа бейжай қарасақ, ертең оның кері әсері қоғамға қатты тиюі мүмкін.

Сондықтан мұндай сенбіліктер тек бір күндік шара емес, ел азаматтарының экологиялық сана-сезімін арттыратын, табиғатпен үндестікте өмір сүруге тәрбиелейтін тұрақты үрдіске айналуы тиіс. Табиғатқа жанашырлық – өзімізден, үйімізден, мектебімізден, ауламыздан басталады.

Экологиялық мәдениетті қалыптастыруда жастардың рөлі ерекше. Олар – елдің ертеңі, табиғаттың келешек қорғаушылары. Сол себепті мектеп қабырғасынан бастап оқушыларды табиғатты сүюге, оны қорғауға, айналасына бейжай қарамауға тәрбиелеу – ұстаздар мен ата-аналардың басты міндеті.

Н.Крупская атындағы мектеп оқушыларының бүгінгі бастамасы – басқа білім ордаларына үлгі боларлық іс. Мұндай тәрбиелік мәні зор шаралар мектеп өмірінің маңызды құрамдас бөлігіне айналуы керек. Өйткені, табиғатпен үндескен ұрпақ – болашағы жарқын елдің кепілі.

​«Таза Қазақстан» акциясы аясында өткізілген сенбілік – ел игілігі үшін атқарылған игі істердің бірі. Ол тек тазалық шарасы емес, ұрпақты табиғатты сүюге, туған өлкеге құрметпен қарауға баулитын маңызды тәрбие мектебі. Қатысушылар өз еңбегімен туған жердің көркеюіне үлес қосты. 

Тазалық – тек физикалық ұғым емес. Ол – рухани құндылықтың, ішкі мәдениеттің, азаматтық жауапкершіліктің көрінісі. Ал табиғатқа жанашырлық – әр адамның жүрек түкпірінен басталатын сезім.

Мұндай шаралар жиі өткізіліп тұрса, экологиялық мәдениеттің деңгейі жоғарылап, келешек ұрпаққа таза, жасыл, көрікті Қазақстанды аманаттай алатынымызға сенім мол.

«Жарқайың тынысы» газетінің редакторы