Державин қаласы мен Уәлиханов ауылдық округінің сайлау учаскелерінде бірінші дауыс берушілерге, сондай-ақ туған күн иелеріне естелік сыйлықтар табыс етілді.
Учаскелерде сайлаушылар, тәуелсіз бақылаушылар үшін барлық қажетті жағдайлар, мүгедектігі бар адамдар үшін қолайлы орта жасалған. Денсаулық жағдайы бойынша учаскеге өздері келе алмайтын аудан тұрғындары үшін арнайы тасымалданатын жәшіктер арқылы дауыс беру көзделген.

«Мен "АМАНАТ" партиясынан бақылаушымын. Сайлау учаскесі қажетті құрал-жабдықтармен толық қамтылған. Келушілерге де талаптарға сәйкес қызмет көрсетілуде. Таңнан бері қарап отырмын, ешқандай заң бұзылып жатқан. Сондықтан сайлау әділ жане заңды өтуде деп санаймын» - деді бақылаушы Қуаныш Мендібеков.

«Бүгін біздің ауылда сайлау өтіп жатыр! Қала мен ауыл әкімдерін тікелей сайлау – азаматтардың конституциялық құқықтарын толыққанды іске асырудағы белсенділігін арттыруға, халықтың билікке деген сенімін және әкімнің халық алдында есеп беруін күшейтуге мүмкіндік береді деп санаймыз.

Тұрғындар Уәлиханов ауылдық округінің әкімін өздері таңдайды!

Халық сайлаған жаңа әкімнің келуімен ауылдық округтегі өмір жақсы жаққа өзгереді және барлық басталған істер аман-есен жалғасады деп үміттенеміз. Барлық тұрғындарды сайлаумен құттықтаймыз! Сіздің дауысыңыз маңызды!!!» - деді, Колесник А. және Ким Л. отбасысы.

Бүгін ағымдағы жылдың 24 қыркүйегінде таңғы сағат 7.00-ден бастап Державин қаласы мен Уәлиханов ауылдық округінің сайлау учаскелері Державин қаласы мен Уәлиханов ауылдық округі әкімдерінің сайлауын өткізу үшін өз жұмысын бастады.
Жарқайың ауданының әкімі Жанболат Хамитов өзінің 484 сайлау учаскесінде алғашқылардың бірі болып дауыс беруге қатысты.
Дауыс беру сайлау учаскесінің аумағында тұрғылықты жерін тіркеу бойынша әкімдіктер қалыптастырған сайлауға қатысуға құқығы бар азаматтардың тізімдері бойынша өткізіледі. Оған белсенді сайлау құқығы бар Державин қаласы мен Уәлиханов ауылдық округінің азаматтары кіреді.
Естеріңізге сала кетейік, Державин қаласы мен Уәлиханов ауылдық округі әкімдерінің сайлауы ағымдағы жылдың 24 қыркүйегі сағат 20.00-ге дейін жалғасады.

- Сәлеметсіз бе, Ғабдулла Көкенұлы! Бүгінгі таңда ақбөкендердің шапқыншылығы өте үлкен мәселе. Ол соңғы уақытта облысымыздың ауыл шаруашылығы тауарын өндірушілер үшін негізгі проблемаға айналды. Сонымен қатар, бұл проблема біздің ауданымыздың және жалпы облыстың шаруашылықтарына өте үлкен зиян келтіреді. Бүгінгі күні біздің ауданда ақбөкендердің шабуылынан қанша шаруа қожалықтары зардап шекті? Қандай зиян келтірді? Ақбөкендер популяциясын сақтай отырып, кәсіпорындарға зиян келтірмейтіндей зиянды өтеу үшін қандай нұсқаулар қарастырылады? Экономикалық және экологиялық тепе-теңдікке қалай қол жеткізуге болады?

- Сәлеметсіз бе. Сіз қойған сұрақ қазір өзекті. Ақбөкендердің шабуылынан Құмсуат, Баранкөл, Нахимова, Бірсуат, Шойындыкөл ауылдарындағы ауданның ауыл шаруашылығы құрылымдары үлкен шығынға ұшырады. Бұл ауылдардың аумақтарына ақбөкендердің популяциясы жаппай кірді. Ауыл шаруашылығы тауарын өндірушілердің мәліметтері бойынша, ақбөкендердің саны 100-ден 150 мың басқа дейін жетті. "РостовскоеАгро" ЖШС, "АБС Жаркөл" ЖШС, "ТеМерлан Т" ЖШС және осы округтерде орналасқан 12 шаруа қожалығы зардап шекті.

Егістік алқаптарының жалпы ауданы 10 мың гектардан асты. Фермерлер егінді Қызыл кітапқа енген жануарлардың шабуылынан сақтандыра алмайды, бүгінде мұндай сақтандыру санаты жоқ.

- ЖШС және ШҚ иелерінің өздері қандай шаралар қабылдады?

- Ауыл шаруашылығы тауарын өндірушілердің күшімен өз алаңдарында кезекшілік ұйымдастырылды, техникамен қоршалды, ақбөкендерді тарату үшін айналма Жолшылар жалданды.  Кімде қандай мүмкіндіктер болды, соны жүзеге асырды.

- Айтыңызшы, Ғабдулла Көкенұлы, қазір бұл мәселені шешудің қандай жолдары қарастырылуда?

- Қазір Үкімет деңгейінде ақбөкендердің санын азайту мәселесі шешілуде.

- Демек, енді тек оң нәтижелерді күту ғана қалады! Ғабдулла Көкенұлы, бізге уақыт бөліп, бәрін егжей-тегжейлі түсіндіргеніңіз үшін рахмет! Сізге жұмыста сәттілік тілейміз!

- Сіздерге шақырғаныңыз үшін рахмет!

Жарқайың ауданының "Ауыл шаруашылығы, жер қатынастары және кәсіпкерлік бөлімі" ММ басшысы Ғабдулла Көкенұлы Жұмағұлов.

Әңгімелесуді "Целинное знамя" газетінің редакторы С. П. Шорбан және "Жарқайдың тынысы" газетінің редакторы Б. Е. Айтпаева жүргізді.