Ақмола облысында «Үздік ауыл әкімі» республикалық байқауының аумақтық кезеңі аяқталды. Бұл байқаудың мақсаты – жұмысында жоғары нәтижелерге қол жеткізген, ауылдық елді-мекендердің дамуына зор үлес қосқан үздік ауыл әкімдерін анықтау және көтермелеу болып табылады.
Бүгін ҚР Мемлекеттік қызмет істері агенттігінің Ақмола облысы бойынша департаментінде байқаудың өңірлік кезеңінің қатысушылары ауылдық елді-мекендерде өмір сүру жағдайын жақсартуға бағытталған жобаларын қорғап, экономикалық және әлеуметтік жағынан тиімді боларлықтай ауылды тұрақты дамыту ұсыныстарын енгізді.

Үкіметтік емес ұйымдардың, қоғамның және бұқаралық ақпарат құралдарының өкілдерінен құралған аумақтық комиссия мүшелерінің пікірінше, ұсынылған жобалардың барлығы ауыл халқының қажеттіліктерін қанағаттандыруға бағытталғандықтан тиімді және жүзеге асыруға тұрарлық.

Департамент басшысы Думан Әбілев ауыл әкімінің халықпен тікелей байланыста болатын адам екенін, ал оның жұмысының басты бағыты – халықтың әл-ауқатын жақсарту, өзекті мәселелер бойынша уақытылы әрі сапалы шешім қабылдау болып табылатындығын атап өтті.

Конкурстық комиссияның шешімімен жобаларды қарау қорытындысы бойынша Жарқайың ауданы Тасөткел ауылының әкімі Саухимова Сәуле Төлегенқызы жеңімпаз атанып, республикалық кезеңге ұсынылды.

Сәуле Саухимованың жобасы мемлекеттік қызметшілер, жеке кәсіпкерлер, ауыл тұрғындары және басқа да еріктілер қатарынан «Заманауи ауыл» еріктілер қозғалысын құруға бағытталған. Бұл қозғалыстың мақсаты ауылда қолайлы өмір ортасын құру, ауылды көркейту, патриоттық сана-сезімді тәрбиелеу болып табылады.
Байқаудың республикалық кезеңінің жеңімпазы 2022 жылғы 20 қазанға дейін анықталатын болады.

Қазақстан Республикасы Мемлекеттік қызмет істері агенттігінің Ақмола облысы бойынша департаментінің баспасөз қызметі.

2022 жылғы 30 тамызда Жарқайың ауданының ПБ акт залында Қазақстан Республикасының Конституциясы күніне арналған салтанатты іс-шара өтті. Жарқайың ауданының ПБ бастығы полиция подполковнигі А.Т. Уразалин жеке құрамды мерекемен құттықтап, қызметтік міндеттерін адал атқарғаны, жұмыста қол жеткізген нәтижелері және ішкі істер органдарындағы мінсіз қызметі үшін, ПБ УҰИ бастығы полиция капитаны А.Н.Сұрағановқа ПД грамотасын және ПБ КБ инспектор-кезекшісі полиция аға лейтенанты А.Қ.Бейсембековке  ПД Алғыс хатын табыс етті.  Сондай-ақ, Қазақстан полициясына 30 жыл төсбелгісімен ПБ ТБ аға тергеушісі полиция майоры О.К.Алмухановты және ПБ кадр саясаты тобының инспекторы полиция аға лейтенанты С.Ж.Айтпаевты марапаттады.

Жарқайың ауданының ПБ.

Ағымдағы жылдың 26  тамыз күні аудандық мәдениет үйінде Қазақстан Республикасының Конституциясы күніне арналған салтанатты іс-шара өтті.

Жарқайың ауданының әкімі Жанболат Хамитов іс-шараны аша отырып, қатысушыларды мемлекеттік мерекемен құттықтап, негізгі Заңның мемлекеттің, қоғамның және әрбір адамның өміріндегі рөлін атап өтіп, аудан әкімі барша жарқайыңдықтарға отбасылық амандық, зор денсаулық, молшылық және бақыт тіледі.

Салтанатты іс-шара барысында ауданның әлеуметтік-экономикалық дамуына және қазақстандық патриотизмді нығайтуға қосқан елеулі үлесі үшін аудан әкімі бірқатар алғыс хаттарды табыс етті.

Қазақстан Республикасының Конституция күніне арналған салтанатты іс-шара мерекелік концертпен аяқталды.

Жарқайың ауданы әкімдігінің баспасөз қызметі.

2022 жылғы 5-21 тамыз аралығында Абу-Дабиде 14-15 және 16-17 жас санаттары арасында ММА аралас жауынгерлік жекпе-жектен әлем чемпионаты өтті.

Чемпионатқа 42 елден 479 спортшы қатысты. Қазақстан намысын 20 спортшы қорғады.

Қостанайлық балуан Шыңғыс Жүсіпов барлық жекпе-жекте жеңіске жетіп, әлем чемпионы атанды.

«Мен үшін бұл ММА-дан бірінші халықаралық жарыс болды. Байрағымызды көкке желбіретіп, ел намысын қолдан бермеуге тырыстым. Енді алтын жеңіп алғаныма өте қуаныштымын. Өкінішке орай, құраманың оқу-жаттығу жиыны болмай қалды. Сондықтан жаттықтырушым Марат Әліппаев екеуміз туған қаламда Қостанайда дайындықты өткіздік. Жеңіске жеткеніме әлі де сенбей жүрмін», - турнирден алған әсерімен бөлісті Шыңғыс.

Сонымен қатар, тағы 7 спортшы жүлдегер атанды. Аяжан Ергентай (Түркістан облысы), Самат Төлегенов (Нұр-Сұлтан), Павел Карабанов (Қарағанды ​​облысы), Дмитрий Жижин (Қарағанды ​​облысы) күміс жүлдеге ие болды.

Жәния Төлеубаева (Қарағанды ​​облысы), Шыңғысхан Тұрсынханов (Нұр-Сұлтан), Аяулым Әубәкір (Түркістан облысы) қола медаль жүлдегерлері атанды.

Айта кетейік, ММА бойынша әлем чемпионатының қорытындысы бойынша Қазақстан 8-ші орында болды.

Қазақстандық ММА Біріккен

Федерациясының баспасөз-қызметі, Мадина Уразмбетова.

Аудан әкімдігінің мәжіліс залында Қазақстан Республикасының Шекара әскерлері күніне арналған салтанатты іс-шара өтті.

Жарқайың ауданының әкімі Жанболат Хамитов барлық қатысушыларды мерекемен құттықтап, Қостанай облысы бойынша Ұлттық қауіпсіздік комитеті Шекара қызметі департаментінің техникалық және кәсіби мамандарды даярлау бөлімінің бастығы, полковник, Шухрат Курбановқа алғыс хат табыс етті.

Салтанатты шара шағын концертпен аяқталды.

Жарқайың ауданы әкімінің баспасөз қызметі.