Ағымдағы жылдың 2 наурызында аудан əкімдігінің залында Жарқайың ауданы əкімінің орынбасары Бағдат Шоновтың басшылығымен Жарқайың ауданының аудандық ардагерлер кеңесінің кезектен тыс Пленумының отырысы өтті, оған алғашқы ардагерлер ұйымдарының төрағалары жəне бұқаралық ақпарат құралдары қатысты. Күн тəртібінде Жарқайың ауданының ардагерлер кеңесінің төрағасын қайта сайлау мəселесі қаралды. Қарауға Ұлболсын Ахметова ұсынылды. "2022 жылдың 24 ақпанында Озипа Шунғұлова денсаулық жағдайына байланысты аудандық ардагерлер кеңесі төрағасының өкілеттігін тапсырды. Біз Озипа Маржановнаға ауданымыздың игілігі жолындағы қажырлы еңбегі үшін алғысымызды білдіреміз",- деді Б.Шонов. Бірауыздан ардагерлер кеңесінің төрағасы Ұлболсын Ахметованы тағайындау туралы шешім қабылданды.
«Жарқайың тынысы» газетінің тілшісі.

Сəрсенбі күні аудан əкімдігінің мəжіліс залында, Жарқайың ауданының əкімі Жанболат Хамитовтың мемлектік органдардың атқарған жұмыстары туралы есептерді жариялау жəне олардың қызметін бұқаралық ақпарат құралдарында жариялау тақырыбында диалог форматында ауданның дербес бөлімдерінің басшыларымен жəне бұқаралық ақпарат құралдарының өкілдерімен кездесуі өтті. Аудан əкімі мемлекеттік органдардың БАҚ-пен өзара іс-қимылын күшейту жөнінде бірқатар тапсырмалар берді.
Жарқайың ауданының əкімдігінің сайты

Ракия Насибуллина 1952 жылы 17 ақпанда Башқұртсанда дүниеге келді. Үйінде күнде сүт болатын. Бұл елде «мүйізді асыраушы» атты наным- сенім болатын. Содан болу керек Рақия апаның бүкіл өмір жолы сүтпен байланысты. 1981 жылы Жарқайың ауданы Донско е ауылына көшіп келгеннен кейін 30 жыл өмірін мал шаруашылығымен байланыстырды. Айтуға жеңіл болғанмен бұл істің астында үлкен қажырлы күш жатыр. Күн демей түн демей, ай сайын, жыл сайын төрт түлікті бағу оңай шаруа емес. Əрі бітпейтін жұмыс. Қораздың оятуымен таң атпай тұрып, малдың соңынан тек түн батқанда үйге кіреді. Балаларына да көңіл бөлуге уақыт таппайтын кездері болды. Əрі үй шаруашылығы, келіндік міндеттері бар. Тек бала кезінен физикалық құмыстарға қабілетті жандар ғана мұндай жұмыстарға шыдас бере алады. Рақия Насибуллина балаларын кішкентай жасынан бастап, еңбекке үйрететін отбасында туып өсті. Жеке шаруашылығында сиыр ғана емес, өзге де үй жануарларын ұстады. Жаз айларында демалмастан мал азығын дайындап, бау-бақша егіп, картоп жинап еңбек етті. Рақия апаның өмірі түрлі оқиғаларға толы болмасада, осы жылдары ішінде өзінің сүйікті кəсібін тапты. Сыртқа шыққанның өзінде үйдегі бұзауларын сағынатын. Қазір зейнетке шықс ада үйдегі сиырларын с ауып, ауыл тұрғындарын ыстық сүтпен, бал қаймағымен қамтамасыз етіп отыр. Оның қанша тонна сүт сауып, күш-жігерін есептеу мүмкін емес. Оның күйеуі Фильгат Мунирұлы бұқа өсірумен айналысқан. Бүгінде шаруа қожалығында механизатор болып жұмыс істейді. Рақия Насибуллинамен сөйлесе отырып, оның осындай қиын кезеңдеі бастан кешірседе, əліде тың екенін байқауға болады. Себебі, еңбектін наны тəтті дегендей, бар күшімен еңбек етіп, адал напақасын тауып, отбасына, ауылына аянбай қызмет етті. Бүгінде бұл кісі жас ұрпаққа үлгі .
«Жарқайың ауданы Костычев ауылдық округінің əкімінің аппарты» ММ бас маманы Гүлсім Қалиева.

1 наурызда қаланың ең кішкентай тұрғындары –балабақша бүлдіршіндері орталық алаңға шықты. Олар Державинск қаласының Төтенше жағдайлар бөлімі мен 12 өрт сөндіру бөлімінің қызметкерлері ұйымдастырған ерекше көрмені көруге келді, онда олар үшін ерекше заттар – өрт сөндіру жабдықтары, құтқару жұмыстарын жүргізуге арналған арнайы костюмдер ұсынылды. Бүлдіршіндер зуылдап келіп тоқтаған қызыл аранйы көліктен көз үзбеді, одан өрт сөндірушілер түсіп, құрал-жабдықтарды шығарып, балаларға қызметтік машықтарын көрсетті. Жауынгерлер əр экспонаттың мақсаты туралы айтты. Көлікке шынайы қуанышпен қараған бала: "мен өрт сөндіруші боламын!»- деген оймен болашаққа көз жүгіртті.
“Жарқайың тынысы” газетінің тілшісі

Қардың қатты еруіне немесе жауын-шашынның көп жауына байланысты біздің аймаққа тән көктемгі су тасқыны мерзімі басталуда.
Су тасқындар нәтижесінде өзендердегі, көлдердегі, жасанды суаттардағы судың деңгейі қатты көтеріліп, төменде орналасқан елді мекендердің, шаруашылық жүргізу объектілердің, жер үсті және жер асты коммуналдық-энергетикалық желілердің апатты су басуына, гидротехникалық құрылыстардың (бөгет, көтерме, қорғау үйме) бұзылуына және жарылуына әкеп соғуы мүмкін. Су басуына ғимараттардың және құрылыстардың төменгі қабаттары, жеке үйлер және даладағы құрылыстар, электр байланыс тіректері және құбырлары түсуі мүмкін, бұл олардың бұзулуына және құлауына әсерін тигізуі мүмкін. Жол участкелері мен көпірлердің су басуы және бұзылуы халықты және шаруашылық жүргізу объектілердің тіршілік жасау және жұмыс істеу үшін барлық қажеттілігімен қамтамасыз етуде іркіліске әкелуі мүмкін. Су тасқынның апаттардың басқа түрлерінен айырмашылығы болжамды болуында.
Қауіп қатерлі кезеңде БАҚ арқылы жіберілетін гидрометеоқызметінің хабарларын және ТЖ тиісті органдарының ақпараттарын мұқият тыңдау қажет.
Зардаптарды алдын ала ескерту және төмендету бойынша қажетті шаралар:
- көшелерді, аулаларды, ғимараттардың төбелерін, өтулерді, кіру және шығу жерлерін, су құбырларын, су жүретін жерлерді қардан алдын ала тазарту;
- аймақтарды қоқыстан тазарту, жауын қабылдайтын құдықтарға және су тазартатын коллекторларға ерекше назар аудару;
- орнықты емес конструкцияларды және құрылыстарды бекіту;
- су сорғыш көлікті, механизмдерді, құралдарды дайындау;
- тамақ және судың қажетті қорын жасау;
- шұғыл көшіруді дайындау (қажетті заттар, құжаттар, ақша, дәрігерлік қорапша, үш тәулікке жететін тамақ және су қоры), қауіпсіз орындарды және оларға ең қысқа қозғалыс маршруттарын белгілеу;
Ауылды аймақтарда өздерінің қосалқы шаруашылығын сақтауды қамтамасыз ету бойынша жұмыстарын жасау, азық-түлік дайындау және ауылшаруашылық малдарды асыру үшін қауіпсіз орындарды белгілеу.
- үйлеріңізді, пәтерлеріңізді қорғау үшін қажетті жұмыстар жүргізу: есіктер мен әйнектерді бекіту, жоғары қабаттарға (шатыр, төбе) үй нәрселерін және бағалы заттарды апарып қою, ауладан шаруашылық құралдарды жинау, мал азығын қауіпсіз орынға жеткізу.
- электр құралдарын және электр желілерін, газ және коммуналдық шаруашылық аспаптарын судан сақтау бойынша шаралар қолдану.
Егер сіз су басу ауданында болсаңыз:
- суға түскен азық-түліктерді жемеңіз, қайнатылған су ғана ішіңіз;
- дымқыл және су болған бөлмелерде электр желілерін және электр аспаптарын қолмен ұстамаңыз;
- аймақтан және бөлмелерден суды басқа жерге жіберу бойынша ең белсенді шараларын қолдаңыз;
- электр және газ құралдарын тек қана оларды тексеріп және жақсы құрғатқаннан кейін қолданыңыз.
Әр жағдайда өзіңді ұстау білу қажет, тез және нық әрекет жасаңыз!
Есіңізде болсын, жерде жатқан өткізгіштер жанында 8 метрден жақын тұру өмірге қауіпті.
Су ағып кеткеннен соң ғимаратқа сақ кіріңіз. Тек қана бөлмелерді құрғатып, құралдарды тексеріп, содан соң ғана электр қуатымен және газбен пайдалануыңыз мүмкін.
Көктемгі наурыз айы келді – көктемгі су тасқыны және мұз жүру уақыты. Өзеңдерде және көлдерде мұз босайды, күннің көзі қардың жоғары жағын ерітіп, төменгі жағы сумен толады. Мұз үстінде жүру өте қауіпті: әр жағдайда аяқ астындағы мұз бұзылып, мұз астына түсіп кетуің мүмкін. Осы уақытта шұңқырлар қауіпті, оларда ор-тор,құдықтар болып шығу мүмкін. Көктемгі су тасқыны балаларға үлкен қауіп төндіреді.
Балалар! Көктемгі су тасқында мұзға шықпаңдар.
Мұзда ойнамаңдар.
Құлайтын және су келетін жағада тұрмаңдар – олар опырылып түсу мүмкін.
Ата-аналар және оқытушылар! Есіңізде болсын, көктемгі су тасқында суаттарда қайғылы оқиғалар балалармен жиі болады. Балаларды суаттарға жібермеңіз, мұз жүру уақытта ерекше: оларды мұзда болғанын, суаттарды ашқанда қауіпті туралы алдын ала ескертіңіз.
Балық аулаушылар! Сақ болыңыз, көктемгі жұқа мұзға шықпаңыз, өз өміріңізді сақтаңыз.
Бейсембаев Ринат, Жарқайың ауданының Төтенше жағдайлар бөлімінің бастығы, азаматтық қорғау подполковнигі

Хабарландыру
ҚҰРМЕТТІ АҚМОЛА ОБЛЫСЫ ТҰРҒЫНДАРЫ МЕН ҚОНАҚТАРЫ,
БАҚ ӨКІЛДЕРІ!
2022 жылғы 3-4 наурыз аралығында «2022 жылғы су тасқыны кезеңі жағдайларындағы төтенше жағдайларды жою кезіндегі іс-қимылдарға азаматтық қорғаудың мемлекеттік жүйесініңбасқару органдарын, күштері мен құралдарын дайындау»тақырыбына Ақмола облысында «Көктем-2022» республикалық командалық - штабтық оқу-жаттығуы өткізіледі.
Оқу-жаттығу азаматтық қорғау мемлекеттік жүйесінің және халықтың көктемгі кезеңдегі төтенше жағдайларды жоюға дайындығы мен қабілетін арттыру, азаматтық қорғау қызметтері мен құралымдарының көктемгі кезеңдегі төтенше жағдайларға ден қоюға дайындығын тексеру мақсатында өткізіледі.
Оқу-жаттығуды басқару штабы Ақмола облысы Аршалы ауданының Аршалы кентінде орналасқан, мекенжайы: Аршалы кенті, Тәшенов көшесі, 47
Байланыс телефоны: 8 (716 44) 2 02 42.
Ақмола облысының ТЖД

24 ақпан күні «М.Мақатаев оқулары» республикалық байқауының аудандық кезеңі өтті. Байқау оқушылардың поэзияға деген қызығушылығын арттыруға, өз ойларын ғылыми жеткізе білуін дамытуға, оқушылар арасында М.Мақатаевтың шығармаларын насихаттауға ықпал етеді.
Байқауға барлығы қазақ тілінде оқытатын ауданның 6 мектебінен 10 оқушы қатысты. Мақатаев оқулары 3 номинация бойынша өткізілді.
«Айтып өткен ақында арман бар ма?» оқушылар М.Мақатаевтың өлеңдерін жатқа оқыды, ал «Көкірегімде жыр сәулесі маздайды» номинациясында қатысушылар өз шығармашылықтарының жинағын ұсынды және өз шығармаларын жатқа оқыды.
Байқау қорытындысы бойынша жеңімпаздар анықталды. Олар 1 орын – А.Үкібаев ат.ОМ оқушысы Арай Найзабекова және А.Үкібаев ат.ОМ оқушысы Абай Шарипов, 2 орын – Кен НМ оқушысы Зарина Советова, Тассуат НМ оқушысы Сырым Жұмағали, Гастелло ОМ оқушысы Жансая Қайрат, Н. Крупская ат.ОМ оқушысы Маликова А. - 6 оқушы, 3 орын – Н. Крупская ат.ОМ оқушысы Маликова А., Тасты-Талды ОМ оқушысы Ақбота Зилқара, Гастелло ОМ оқушысы Гүлсім Нұрғожа.
Жеңімпаздар Жарқайың ауданы бойынша білім бөлімінің дипломдарымен марапатталды.

Жарқайың ауданының Қоғамдық кеңесін қалыптастыру жөніндегі жұмыс тобының 2-ші отырысы
1 наурыз күні аудан маслихатында Жарқайың ауданының Қоғамдық кеңесін қалыптастыру жөніндегі жұмыс тобының 2-ші отырысы өткізілді. Оны Руслан Абжанов жүргізді. Жиынға жұмыс тобының мүшелері, бақылаушы, БАҚ өкілдері және қоғамдық кеңес құрамына үміткерлер қатысты. "Қоғамдық кеңестер туралы" Қазақстан Республикасының Заңына және "қоғамдық Кеңес туралы" Үлгілік ережеге сәйкес қоғамдық кеңестерді мемлекеттік органдардың өкілдері және конкурстық негізде – коммерциялық емес ұйымдардың өкілдері, азаматтар қатарынан алынған жұмыс топтары қалыптастырады. Алдын ала берілген хабарландыру бойынша қоғамдық кеңестің құрамына өтуге ауданымыздың азаматтары өз өтініштерін қалдырған. Жиын барысында оларға сұрақтар қойылып, талапқа сәйкес бағаланды. Нәтижесінде 15 азамат таңдалды. Олар: А.Әлжанов, Ж.Әбсалиев, А.Әбітаева, Ш.Көбенов, Б.Қабжанов, И.Пугачев, Г.Смағұлова, С.Сұлтанов, Д. Шәкіров, И.Яременюк, А.Бекешев, Қ.Белгібаеа, Ш.Карин, С.Халібек, Н.Өтесінов

1 наурыз «Халықаралық Азаматтық қорғаныс күні»
Халықаралық Азаматтық Қорғаныс Ұйымының ІХ Бас Ассамблеясы қарарларына сәйкес жыл сайын 1 наурызда Бүкіләлемдік Азаматтық қорғаныс күні атап өтіледі.
2019 жылы Бүкіләлемдік Азаматтық Қорғаныс күні «Біздің міндетіміз – балалардың қауіпсіздігін қамтамасыз ету» тақырыбында өтеді.
Азаматтық қорғаныс-мемлекеттің азаматтар мен елдің қауіпсіздігін қамтамасыз ету бойынша маңызды функцияларының бірі, сондықтан бүгін Қазақстан Республикасы ІІМ ТЖ Комитеті мақсатты түрде Азаматтық қорғаныстың дайындығын арттырудың жаңа форматын енгізіп, азаматтардың белсенді қатысуына мүдделі.
Бұл мереке 1972 жылғы 1 наурызда Халықаралық Азаматтық қорғаныс ұйымының құрылуына орайластырылған, ұйым өз қызметін үш негізгі бағыт бойынша жүзеге асырады: азаматтық қорғаудың ұлттық қызметтерін нығайту; азаматтық қорғаныс туралы білімді насихаттау және тарату, тәжірибе алмасу, халықты даярлау; азаматтық қорғаныс саласындағы халықаралық ынтымақтастықты дамыту.
Ал біздің елге келетін болсақ, Қазақстан Республикасы 1996 жылдан бастап осы ұйымның толыққанды мүшесі болып табылады және оның қызметінің негізгі бағыттарын іске асыруға белсенді қатысады.
Ақмола облысы Төтенше жағдайлар департаментінің басшылығымен 2019 жылғы 21 қаңтарда Дүниежүзілік Азаматтық қорғаныс күнін дайындау және өткізу жөніндегі іс-шаралар жоспары бекітілді, оның шеңберінде Ақмола облысында ағымдағы жылғы 15 ақпаннан 25 наурызға дейін Азаматтық қорғаныс айлығы жарияланды және азаматтық қорғаныс туралы білімді насихаттауға және қазіргі қоғамның назарын Азаматтық қорғау және қорғаныс қызметтері орындайтын маңызды міндеттерге тартуға бағытталған іс-шаралар кешені жоспарланған.Өскелең ұрпаққа үлкен көңіл бөлінеді. Оқу орындарында ашық және интерактивті сабақтар, «БАРШАНЫҢ НАЗАРЫНА!» сигналы бойынша объектілік жаттығулар болады, Ақмола облысы Төтенше жағдайлар департаментінің Жедел-құтқару жасағы мен өртке қарсы қызмет бөлімшелері базасында ашық есік күндері ұйымдастырылады және өткізіледі.
Қазіргі уақытта күн сайын әртүрлі табиғи және техногендік оқиғалар мен төтенше жағдайлардың туындау қаупі орын алған кезде осындай іс-шараларды өткізу өте өзекті болып табылады. Ол халықты қандай да бір сыни жағдайда өзін-өзі ұстау ережелерін үйретуге, тіршілік қауіпсіздігі саласындағы мамандардың білімі мен іскерлігін тексеруге, күштері мен құралдарды қолдану жоспарларын және олардың іс жүзінде тиімділігін тексеруге, проблемалық мәселелерді анықтауға, жергілікті атқарушы органдармен бірлесіп осы бағытты дамыту перспективаларын талқылауға мүмкіндік береді.
Дүниежүзілік Азаматтық қорғаныс күнін мерекелеу бойынша барлық іс-шаралар халықтың төтенше жағдай кезіндегі іс-әрекеттер бойынша хабардарлығын арттыруға бағытталған.
1 Наурыз мерекесі қарсаңында еліміздің барлық азаматтары мен болашақ ұрпақтарына халықты соғыс және бейбіт уақыттағы қауіп-қатерден қорғаудың жалпы ісінде табыс тілегіміз келеді.
Бірлес Сейітғалиев, Жарқайың ауданының ТЖБ-нің бас маманы азаматтык қорғау подполковнигі.

«Балаларға базарлық» кітабының тұсаукесері
25 ақпан 2022 жылы Жарқайың ауданындағы балалар кітапханасында «Кітаппен бірге әлемді ашамыз» атты «Балаларға базарлық» кітабының тұсаукесері өтті.Кітап «Балалар мен жасөспірімдердің оқуын қолдау жылы» аясында «Ақмола облысының ішкі саясат басқармасы» мемлекеттік мекемесімен әзірленген болатын.
Дара туған ауданның ақындары,
Әркез болып ел, халқының жақындары.
Жыр шумағын әуелете тербетіп,
Болған газет-журналдардың бар сәні.- дегендей, жергілікті қаламгерлер балаларды поэзия әлеміне жақындастырушы көпір іспеттес, оқушылардың кіршіксіз ақ жүрегін тербетіп, сансыз ойларға жетелері сөзсіз... Өлеңнің өнегесі сол, ол сезімді ғана оятып қоймайды, оны адамзаттың асқақ сезімнің дәрежесіне дейін көтереді, оның шыңы ұлттық сезім де өлең арқылы оянып рухани күш алады.
Тұсаукесердің қонақтары болған: жергілікті қаламгерлеріміз Карин ШынболатАйтқалиұлы мен Есенгазина Ляззат Шүкірқызы және«Ішкі саясат, мәдение, тілдерді дамыту және спорт бөлімінің» басшысы Азамат Беріктасұлы Баймулдинов болды. «Балаларға базарлық» кітабының тұсаукесерінде А.Үкібаев атындағы орта мектебінің оқушылары Сайлау Көшкенұлының «Сен кімсің?» әңгімесіне шағын ғана көрініс көрсетсе, мектептің екі оқушысыөлеңдерін оқыған болатын, Н. Островская атындағы орта мектебінің оқушысы Абайдың «Көзімнің қарасы» әнін, флейтамен орындап берді.Кеш барысында ақындармен сұхбаттасып, естелік ретінде тілектерін білдіріп, арнайы қолтаңбаларын қойып кітапханаға табыстаған болатын. «Кітаппен бірге әлемді ашамыз» атты тұсаукесердің соңы жергілікті қаламгерлер мен мектеп оқушыларына марапаттар мен сыйлықтар табысталып берілді.
Дайындаған: библиограф Бәкір Н.Қ.