Құрметті Отан қорғаушылар, қымбатты жарқайыңдықтар!

7 мамыр – Отан, мемлекеттік мүдде, саяси қауіпсіздік пен дербестікті қорғайтын Отан қорғаушы күні. Бұл күн – бейбіт елдің тыныштығын әуеде, құрылықта, теңізде қорғап, өз тағдырын ел тағдырымен байланыстырып жүрген әрбір азамат  үшін ерекше күн. Қазақстан әскері мемлекетіміздің тәуелсіздігі мен тыныштығының кепілі болып табылады.

Отан қорғау – қасиетті ұғым. Тәуелсіздіктің алғашқы жылдарында ел қауіпсіздігін сақтауға баса назар аударылды.

Қазіргі таңда Қарулы Күштеріміз аймақтағы тұрақтылық кепіліне айналды. Дүние жүзі Қазақстанды әлемдік қауіпсіздікке қосқан үлесі үшін құрметтейді. Ұлттық әскер күштері азаматтардың еңсесін тіктеп, еркіндігін кеңейтіп, аянбай еңбек етуде.

Отаншылдық рухы қай заманда да қазақ халқының бойындағы айрықша қасиет болып табылған. Сондықтан жастардың бойындағы патриоттық сезімдерін нығайтып, ержүрек, намысшыл, адал, қайсар мінезді азаматтар тәрбиелеу ең басты борышымыз. Кеудесінде намысы, жүрегінде оты бар әрбір жан үшін ең басты парыз, ең басты адами міндет – осы.

 Бұл күн - қайсар мінезді ата-бабамыздың жауынгерлік дәстүрінің заңды жалғасын тапқан күні. Бұл мереке Отанымыздың тыныштығын, мемлекеттің, қоғамның, әрбір қазақстандықтардың қауіпсіздігін қорғап жүрген ерлерімізді ұлықтайтын күн.

Қадірменді жерлестер!

Сіздерді 7 мамыр - Отан қорғаушы күнімен шын жүректен құттықтаймын.

Отанына адал қызмет ету әрбір азаматтың қасиетті борышына, абыройлы ісіне айналсын.

Тәуелсіз Қазақстан халқының және оның Қарулы Күштерінің абыройы мен даңқы арта берсін!

Мерекелеріңіз құтты болсын!

Жарқайың ауданының әкімі  Жанболат Хамитов.

Өрт қауіпті кезеңде өрттерді алдын алу мақсатында қырағылық көрсету және отпен шектік сақтықты сақтау қажет.

Өрт қауіпті кезеңде ормандарда:

- қылқан жапырақты жас шыбықтарда, күйіктерде, зақымдалған орман учаскелерінде, ағаш кесу орындарында (кеспеағаштарда), кесілген ағаш және дайындалған сүрек қалдықтарынан тазартылмаған, қураған шөптері бар жерлерде, сондай-ақ ағаштар тәждерінің астында от жағуға;

- жанып жатқан сіріңкелерді, темекі шегетін түтіктерден ыстық күлді және қалдықтарды, шыны (шыны бөтелкелер, банкалар және т.б.) лақтыруға;

- аң аулау кезінде жанғыш немесе бықсыған материалдардан жасалған шаңды пайдалануға;

- майланған немесе бензинмен, керосинмен немесе басқа да жанғыш заттармен сіңірілген материалдарды (қағаз, мата, талшық, мақта және т.б.) ол үшін арнайы көзделмеген жерлерде қалдыруға;

- қозғалтқыш жұмыс істеген кезде автомашиналардың жанармай бактарына жанар май құюға, қозғалтқыштың қоректендіру жүйесі ақаулы машиналарды пайдалануға, сондай-ақ жанар май құйылатын машиналарға жақын жерде темекі шегуге немесе ашық отты пайдалануға;

- орманды тұрмыстық, құрылыс өнеркәсіп және өзге де қалдықтармен және қоқыспен ластауға;

- ормандарға, қорғаныштық және көгалдандыру екпелеріне тікелей жанасатын жер учаскелеріндегі шөпті тұрақты бақылаусыз жағуға тыйым салынады.

Ормандағы өрт қауіпсіздігі талаптарын біле және қатаң сақтай отырып, орман өрттерінің алдын алуға немесе санын қысқартуға болады! Егерде орман немесе дала аймағында өртті немесе жануды байқасаңыз дереу «101» немесе «112» телефон номеріне хабарласыңыз!

Жарқайың ауданының ТЖБ.

Партияның орталық аппаратымен біздің алдымызға бастауыш партия ұйымдарының қызметін жандандыру міндеті қойылды. Бастауыш ұйымдардың бастамаларын қолдау мақсатында жергілікті жерлерде партиялық жобаларды іске асыру үшін БПҰ партиялық жарналарының 20% - ын қайтару тәжірибесі енгізілді. «Ардагерлерді ардақтайық» партиялық жобасы аясында «Қызмет» бірінші ұйымында партия ардагерлерінің құрметіне арналған іс-шара өтті. "AMANAT" Партиясының Жарқайың аумақтық филиалының төрағасы, Жарқайың ауданының әкімі Жанболат Камериданұлы өзінің құттықтау сөзінде: "Сіздер, біздің партиялықтар, халық игілігі үшін, біздің партия мемлекетінің игілігі үшін, халық игілігі үшін құрылғансыздар. Сіз лайықты демалыста болсаңыз, азаматтық істермен белсенді айналысасыз, еліміздің түрлі іс-шараларына қатысасыз. Бүгін сізді толық денсаулық пен жақсы көңіл-күйде қарсы алғаныма өте қуаныштымын. Сіздер, біздің бір партияластарымыз, халық партиясын құрудың бастауында тұрдыңыздар. Біздің партиямыздың бірқатарында мемлекеттің нығаюына және халықтың бірлігін сақтауға зор үлес қосты. Құрметті демалыста бола отырып, белсенді азаматтық ұстаныммен айналысуды жалғастырасыз, түрлі іс-шараларға қатысасыз, елдің саяси өмірінде белсенді боласыз". Сондай-ақ, Жанболат Хамитов партия ардагерлеріне партия қатарындағы алдағы өзгерістер туралы айтып берді: жақында ғана "AMANAT" партиясының кезектен тыс 23 съезі өтті, оған ел Президенті қатысты. Мемлекет басшысы өз сөзінде "AMANAT" партиясының мемлекет пен қоғамды түбегейлі реформалау үдерісіндегі рөлі туралы айтып,"халық үніне құлақ асатын мемлекет" тұжырымдамасын жүзеге асыруға үлес қосты. Партияның ребрендингін жүзеге асыру, оны институционалдық жаңғырту бойынша ауқымды жұмыстар жүргізіліп жатқанын атап өтті. Партияның 23 съезін Тарихи деп атауға болады."ADAL" партиясының "AMANAT" партиясымен бірігуі партиялық алаңда басталған өзгерістердің жарқын көрсеткіші болды. Сондай-ақ, Мемлекет басшысы Партия Төрағасы ретіндегі өкілеттігінің тоқтатылғанын және саяси жүйедегі монополиясыздандыру аясында оның құрамынан шыққанын, басқаша айтқанда, саяси бейтарап болатынын мәлімдеп, партия Төрағасы лауазымына Парламент Мәжілісінің Төрағасы Ерлан Қошановты ұсынды. Партияның Жарқайың аумақтық филиалында 1120 партия мүшесі бар, бес Қоғамдық кеңес құрылған, қоғамдық қабылдау белсенді жұмыс істейді. Жаңадан сайланған 11 қала әкімі мен аудан ауылдарын "AMANAT" партиясы ұсынды. Екі жыл бойы партияның "өзгерістер жолы: әркімге лайықты өмір!». Бірінші жылдың қорытындысы бойынша іс-шаралардың 99% - ы іске асырылды. Жол картасының әр тармағын орындау үшін қызу жұмыстар атқарылып жатыр. Партия филиалының төрағасы Қазақстан халқының бірлігі мен Ұлы Жеңіс мерекелері қарсаңында алғысын білдіріп, бейбітшілік, денсаулық және амандық тіледі.

«Жарқайың тынысы» газетінің тілшісі.

2022 жылдың 30 сəуірінде, Алматы қаласында,жас өспірімдер мен қосымша білім беру мекемелерінің оқушылары арасында lV Халықаралық "GOLDEN TALENTS" атты байқау өз мəресіне жетті. Əр жақтың өнерпаздары келіп, өз өнерлерін ортаға салды. 50-ден астам Домбыра аспабы бойынша жəне ансамбль арасы бойынша сынға түскен, ауданымыздың Балалар музыка мектебі ансамблдері жəне жеке орындаушылары өз өнерлерін көрсетіп, шешімінде кіші топ 8-9 жас аралығы бойынша «Домбыра дастан» ансамблі Бас жүлдені иеленсе, орта топ домбырашылары 1 ші орынға жəне жеке орындауда Базарбай Досбол, ұстазы Молдағұлова Айжан Қамзағалиевна, жүлделі 1-ші орынды қанжығаларына байлады. Үздік нөмірі мен көзге түскен, "Домбыра дастан" ансамбль жетекшісі Жұрмағанбетов Сəт Жақсылықұлы, байқаудың арнайы құрмет грамотасымен жəне "Үздік ұстаз" 2022 орденімен марапатталды. Осындай байқауға,балаларымыздың өнерін шындап дайындаған, БММ-нің білімді де білікті өнер мұғалім ұстаздарына, мектеп ата аналары атынан үлкен Алғысымызды білдіреміз. Жанұяларыңызға амандық, дендеріне саулық, жұмыстарына шығармашылық табыс тілейміз! Игі тілекпен, БММ-нің ата-аналар ұжымы. Осындай білімді өнерлі шəкірт тәрбиелеп, ауданымызды елімізді, сырт еліне таныта беріңіздер демекпіз!!! Жеңіс құтты болсын!!!

@muzykalnaiashkola5

Мамырдың шуақты күнінде, жауқазынды өлке Жарқайыңда дәстүрлі «Жарқайың барысы» күрес додасы өтті.

Қазақ халқы ежелгі уақытан бері палуандарын сыйлап, абырой даңқын көтерген. Бұл жарыс ауданымызды ел төнірегіндегі байрақты бәсекелердегі танытып жүрген ең мықты жас палуандарды жинады. Жарыстың басы ертеңгі күн бүлдіршіндерге бөлінді.

26 кг салмақ дәрежесінде: ІІІ орын - Абду Ә. және Ложкин В., ІІ орын - Ермекұлы М. Және І орынды - Күнтуаров А. иеленді.

30 кг салмақ дәрежесінде: ІІІ орын - Сұлтанали А. және Нұрғалиев Н., ІІ орын - Абдісәлім Н., І орын - Хаким А. иеленді.

35 кг салмақ дәрежесінде: ІІІ орын - Мынбаев А. және Аманбай Е., ІІ орын - Орынбаев А., І орын - Шайжанов И. иеленді.

40 кг салмақ дәрежесінде: ІІІ орын - Сейдалі Н., және Туяков М., ІІ орын - Абильхадыр А., І орын - Арыспай Т. иеленді.

45 кг салмақ дәрежесінде: ІІІ орын - Досжанұлы М. және Сабит А., ІІ орын - Қарабаев Д., І орын - Төлеби Т. иеленді.

55 кг салмақ дәрежесінде: ІІІ орын - Малиев Ч. және Сағынбаев Е., ІІ орын - Алкенов Б,, І орын - Малғаждаров А. иеленді.

Балалар жарысынан кейін ересектер арасындағы салмақтардын кезегі келді.

70 кг салмаққа дейінгі дәрежеде: ІІІ орынды Шөпшібай Азамат иеленді. Финалдық сында тәжірибелі Тасмағанбетов Жандаулет айқын басымдылықпен Жунусов Ахатты жеңіп бірінші орынға қол жеткізді.

Жарыстың келесі межесі, көрермендер асыға күткен түйе палуандар айқасында ІІІ орынды осы салмақта бірінші рет бақ сынаған Жастар арасында тәжірибесі мол 17 жасар Тасмағанбетов Жандаулет иеленді. Осы күннің соңғы жекпе-жегінде жарқайыңның соңғы 5 жылдығындағы ең мықты палуандары Айтжан Серік пен Дәмер Мәлік кездесті, жекпе-жектің уақыты аяқталмас бұрын Айтжан Серік айқын басымдылықпен жеңіске жетіп «Жарқайың барысы» белбеуінің иесі атанды.

«Жарқайың барысы» күрес додасының түйе палуандарына қаржылай сыйақы тағайындаған «Костычево» ЖШС директоры Балғабай Жамантайұлы Қабжановқа алғысымызды білдіреміз.

Жарқайың ЖРО.

30 сәуірде Державин қаласының кіші алаңында Щучинск қаласында өткен Азия чемпионатына қатысқан спортшыларымызды қарсы алу іс-шарасы өтті.

Жарқайың ауданының әкімі Жанболат Хамитов барлық спортшыларды Азия чемпионатындағы жоғары нәтижелерімен құттықтап, сәттілік және жарқын жеңістер тіледі. Сондай-ақ, аудандық мәслихат хатшысы, спорт ардагері Асылхан Әлжанов құттықтау сөз сөйледі. Гір спортынан жаттықтырушы Халибек Салтанат барлық қатысушыларға жылы қарсы алғандары үшін, Азия чемпионатына қатысуға қолдау көрсеткені үшін аудан әкімдігі мен демеушілерге алғысын білдірді.

Естеріңізге сала кетейік, біздің спортшылар ағымдағы жылдың 25-29 сәуірінде 6 ел арасында өткен Азия чемпионатына қатысты. Жерлестеріміз осы чемпионатта жоғары нәтижелер көрсетті, Аманқұл Абуәли 16 жасқа дейін 53 келі салмақ дәрежесінде Азия чемпионы атанды.

Дарменов Ернұр 16 жасқа дейін 58 салмақ дәрежесінде күміс жүлдегері атанды.

Қуаныш Нұрғожин 18 жасқа дейін 73 келі салмақ дәрежесінде күміс жүлдегері атанды.

Халибек Абылай 23 жасқа дейін жастар арасында қола және күміс жүлдегері атанды.

Жарқайың аудандының әкімінің баспасөз қызметі.