Марат Ахметжанов Үшқарасу ауылының тұрғындарымен кездесті

Елді мекенде Марат Ахметжанов тұрғындармен кездесті. Естеріңізге сала кетейік, Есіл өзенінің төгілуі салдарынан Жарқайың ауданы Үшқарасу ауылына кіру шектелген-деп хабарлайды Ақмола облысы әкімінің баспасөз қызметі.
Бүгінгі таңда елді мекенде өнімдердің ассортименті, дәрілік препараттар бар. ТЖ қызметтері қайықтармен барып үнемі гуманитарлық көмек көрсетеді.
«Ауылдың тамақсыз және назарсыз қалғаны туралы кейбір мәлімдемелер шындыққа жанаспайды. Бүгін ол елді мекенге өзім бардым. Электрмен жабдықтау проблемасы бар, ол ертең шешіледі», - деді Марат Ахметжанов.
​Айта кетсек, ауылды электрмен қамтамасыз ету үшін облыс әкімі әрқайсысының қуаты 1000 киловатт болатын екі генераторды жіберу туралы шешім қабылдады. Генераторларды екі күн ішінде жеткізу жоспарлануда.
Тәулік бойы көлік қатынасы үшін 2 қайық бөлінген.
Ақмола облысының әкімдігі.