Ақмола облысында «Ер Едіге» эпосының үздік оқырмандары анықталды

«Рухани жаңғыру» бағдарламасын жүзеге асыру аясында Көкшетауда Қазақстан Тәуелсіздігінің 30 жылдығына арналған «Батырлар жыры – тәрбие көзі» облыстық байқауы өтті, деп хабарлайды ішкі саясат басқармасы.

Аудандық кезеңдердің жеңімпаздары болып табылатын 18 оқушы «Болашақ сарайы» сахнасында академик Қаныш Сәтпаевтың жазған нұсқасы – «Ер Едіге» эпосын жатқа оқуда өздерінің шығармашылық қабілеттерін көрсету үшін кездесті.

Қатысушылардың сөйлеген сөздерінде мұқият және ұзақ дайындық сезілді.Оқушылар шығарманы мәнерлеп және жан-жақты оқыды.

Құрамында лингвист-ғалымдар, қазақ фольклорын зерттеушілер бар білікті қазылар алқасы үздік оқырмандарды анықтады.

Байқаудың бас жүлдесін Целиноград ауданынан Айжан Жанбирова жеңіп алды.

Бірінші орынды Зеренді ауданының өкілі Таңнұр Әкім иеленді, екінші орынды Біржан сал ауданынан Гүлнұр Манап, үшінші орынды Шортанды ауданынан Ләйлә Сүндетбай иеленді.

"Мен байқауға қатысып, гран-при жеңіп алғаныма өте қуаныштымын. Барлық қатысушылар жақсы дайындықпен келді. Мәнерлеп оқу байқауы жоғары деңгейде өтті", - деді Айжан Жанбирова.

Жеңімпаздар мен жүлдегерлер дипломдармен, алғыс хаттармен және сертификаттармен марапатталды.