ӘЛЕМ ЧЕМПИОНЫНЫҢ ЖАРҚАЙЫНДЫҚТАРМЕН КЕЗДЕСУІ
Ағымдағы жылдың 9 шілде күні Жарқайың ауданына халықаралық дәрежедегі спорт шебері, Азия чемпионы – 2013 жыл, 2 дүркін Дүниежүзілік бокс сериясының (WSB) чемпионы – 2015 жыл, 2017 жыл, Қазақстанның 5 дүркін чемпионы (2013 ж., 2014 ж., 2016 ж., 2017 ж., 2018 ж.), Қазақстанның 2018 жылғы үздік боксшысы, Дүниежүзілік әскери ойындар чемпионы – 2019 жыл, VІІ жазғы Дүниежүзілік әскери ойындарының чемпионы – 2021 жыл, Сербияда 48 кг. салмақ дәрежесінде Әлем чемпионы – 2021 жыл. Бокстан әлем чемпионы (AIBA) – 2021 жыл, бокстан Ақмола облысы құрамасының капитаны – Теміртас Жүсіпов келді.
Жарқайың ауданының тұрғындары Державин қаласының паспортында бокстан әлем чемпионы, Тассуат ауылының тумасы, Жарқайың даласының ұлы Теміртас Жүсіповті қарсы алып, Теміртасты Мемлекеттік тулармен патриоттық стильдегі кортеж аудандық мәдениет үйіне дейін апарды.
Аудандық мәдениет үйінде Жарқайыңдықтардың чемпионмен кездесу шарасы өтті. Жарқайың ауданы әкімінің м.а. Бағдат Шонов алғыс және құттықтау сөздерін сөйлеп, 2 млн. теңге сомасына сертификат табыс етті. Аудандық мәслихат депутаты Асылхан Әлжанов құттықтау сөзінен кейін Теміртасқа "Жарқайың ауданының Құрметті азаматы" атағын салтанатты түрде табыс етті. Кездесу шағын концерттік бағдарламамен аяқталды. Концерт барысында Карин Шынболат – Теміртас Жүсіповке арналған "БОКС" атты жеке рэп туындысын ұсынды.
Концерттік бағдарламадан кейін аудандық мәдениет үйі ғимаратының ауласында "Атқа мінгізу" салт-дәстүрі бойынша Теміртасқа тұлпар тарту етіліп, Жарқайың ауданының тұрғындары чемпионмен фотосессия ұйымдастырды.
Бокстан әлем чемпионы Теміртас Жүсіпов Державин қаласындағы дене шынықтыру сауықтыру кешенін де көріп шықты. Жарқайың ауданы балалар – жасөспірімдер спорт мектебінің директоры Айгүл Әлжанова құттықтау сөз сөйледі және әлем Чемпионына шағын естелік сыйлық тарту етті. Жас спортшылар чемпионға өздерін қызықтырған сұрақтарын қойды, Теміртас өзінің жарысқа дайындығы туралы айтып берді. Балалармен ашық жаттығу өткізіп, жас спортшыларға жоғары жетістіктерге жетуді, қол жеткізген жетістіктерімен ешқашан тоқтап қалмауды, дағдыларын дамытуды және ауданда, облыста және жалпы республикада спорттың дамуына үлес қосуға тілектес болды.
Қаржылай көмек бергендері үшін Бауыржан Танатарұлы Жусупбековке (ЖШС Ушкарасу), Касым Тасыбайұлы Кожабековке (ЖШС СХП Отрадный), директордың м.а. Еркен Амангелдіұлы Карашинге (ЖШС АБС Жарколь), Александр Сергеевич Есипенкоге (ЖШС Зангар 2008), Ерлан Кинуарбекұлы Алинге (ЖШС Темирлан), Николай Николаевич Малищукке (ЖШС Тассуат Н), Халел Китайбекұлы Рагатовқа (ЖШС КС Инвест), (ЖШС Сельхозхимия), Валентин Алексеевич Сидоровқа (ЖШС Агропромтехника), (ЖШС Жер 1), Генадий Евгеньевич Люльковичке (ЖШС Дихан 4), Дархан Султанбекұлы Айсинге (ЖШС Алтын Дан КЗ) алғысымызды білдіреміз.
