Жарқайың жаңалықтары
Өткен жұмада ауданымызға Ақмола облысының әкімі Ермек Маржықпаев келіп, аудандық мәдениет үйінде Жарқайың халқымен кездесіп, 2022 жылдың 1 тоқсанындағы жұмыс туралы есеп берді. Ақмола облысының бірінші басшысы айтқандай, мұндай кездесулер дәстүрлі түрде тоқсанына 1 рет өтеді. Ермек Маржықпаев жиналғандарды біздің ауданға баса назар аудара отырып, облыстың әлеуметтік - экономикалық дамуы туралы хабардар етті. Кездесу аудан әкімі Ж. Хамитовтың, аудандық кәсіпорындар мен ұйымдар басшыларының, депутаттық корпустың, ауданның құрметті азаматтары мен тұрғындарының қатысуымен өтті. Қысқа шолудан кейін тұрғындар облыс әкімімен диалог құрды. Кездесуде қойылған сұрақтар жолдардың сапасына, жай-күйіне және жөнделуіне қатысты болды. Тұрғындардың бірі Қ.Есенбаевтың айтуынша, бұл мәселе әсіресе ауданда өткір тұр. Бұрынғы аймақтың аумағы мен ондағы ғимараттары бойынша сұрақтар қойылды, тұрғындар мәдени демалыс саласын көтерді, алдағы уақытта облыстық театрлар біздің мәдениет үйінің сахнасында өнер көрсетеді деген үміт білдірді. Жарқайыңдықтардың қуанышына аудан орталығында бассейн салу мәселесі оң шешімін табуда. Барлық сұрақтарға облыстың бірінші басшысымен бірге келген Құзыретті облыстық қызметтердің басшылары жауап берді. Қорытындылай келе, Ермек Маржықпаев жұртшылықты, аудан депутаттарын, Қоғамдық кеңес мүшелерін адамдардың әл-ауқатына, әлеуметтік қорғалуына бағытталған әлеуметтік, экономикалық жобалардың іске асырылуын бақылау жөніндегі қызметке белсенді қатысуға шақырды. Бұл күні облыс әкімі Е.Маржықпаев Пятигорское, Львовское ауылдарында болып, "ТҰҚЫМ АГРО" ЖШС басшысы И. Пугачевке барды. Кәсіпорын ет өнімдерін алу үшін ірі қара мал өсірумен айналысады. Жарқайың даласында болдым.
