Біздің Жарқайың!

Біздің Жарқайың ауданы – көп ұлтты, бірақ бір жүректі аймақ. Мен бұл жерде туғанымнан бері тұрып келемін, түрлі кезеңдерді бастан өткердік. Бірақ біз әрдайым бір-бірімізге қолдау көрсетіп, қиындықтарды бірге еңсеріп отырдық. Қазақы кеңпейілділік пен достыққа негізделген қатынас осы уақытқа дейін өз жемісін беріп келеді.

Бізде ұлтаралық кикілжің деген атымен болған емес. Себебі ата-аналарымыз, ата-әжелеріміз балаларын әрқашан татулыққа, бауырмалдыққа үйретті. Көшеде неміс көршің қазақша амандасып тұрса, қазақ баласы орысша сәлем береді – бұл біздің күнделікті өміріміздің көрінісі.

Тәуелсіздіктің алғашқы жылдарынан бастап біз Жарқайыңда бейбітшілік пен тұрақтылықты сақтап келеміз. Бұл – тек биліктің ғана емес, барша халықтың еңбегі. Осы бағыттан айнымай, бірлікті көздің қарашығындай сақтау – әрқайсымыздың борышымыз. Бүгінгі жастар да бұл құндылықтарды бойына сіңіріп келеді. Сондықтан мен Жарқайыңның болашағына сенемін. Бұл – достық пен келісім өлкесі!
Рахимбекова М. қоғамдық кеңес мушесі