Мұздың еруі

Көктемнің алғашқы күндерінен қар мен мұздың жылдам еруі басталған. Осыған байланысты ауданың су айдындары көктем мерзімінде ТЖ туындайтын қауіпті аймаққа айналары сөзсіз. Қыс мерзімінде сенімді өткел болған, мұз астынан балық аулайтын, қысқы аңшылық жасайтын және конькимен сырғанайтын орындар қазір өте қауіпті. Күндіз температураның күрт көтеріліп және түнде оның төмендеуі, қардың еруі мен еріген қардың ұсақ жыраларының қосылуы мұзды жарып және осал етеді. Мұз бетінде жарықтар пайда болып, шұңқырлар мен еріген мұздың шетінен су көтеріледі. Сондықтан да жұқарған борқы мұздың бетіне шығу, кесіп өту немесе көлікпен өту өте қауіпті.

Қайғылы жағдайдан аулақ болу мақсатында есіңізде сақтаңыз:

- мұз бетіне шығарда өте сақ болыңыз, ауыз суға пайдаланылатын айдын мұзы 10 см, ал тұзды судың мұзы 15 см кем болмайтын болса, адам үшін қауіпсіз болып есептеледі;

- мұз жылдам ағыстарда, өзеннің сағасы мен салаларында, жерасты сулары мен ағынды суларда, ағаш пен қамыс өсетін жерлерде осал болады;

- сұр, күңгірт-ақ түсті немесе сары түсті реңі бар мұз өте сенімсіз, оған мұз жарылмай-ақ оп-оңай түсіп кетуге болады;

- балаларды ересектерсіз мұз бетіне ешқашан жіберуге және тәуліктің қараңғы мерзімінде, алыстан көру шектеулі кезде (тұман, қалың қардың жауы, жауын) мұз бетіне шықпаңыз;

- аса қауырт кезде мұз бетімен өтерде басылған сүрлеу немесе жасалған шаңғы жолымен жүрген қауіпсіздеу болады. Ал ондай мүмкіндік болмаған жағдайда, мұз бетіне түсердің алдында жолды мұқият қарап, дұрыс бағыт жасап алған жөн;

- мұздың қалыңдығын аяқпен теуіп көруге болмайды, егер мұзды жарылған ағаш немесе шаңғы таяғымен бір салғанда аздап су шығатын болса, онда мұздың жұқа және бетімен жүруге болмайтынын ескеріңіз;

- шытынап жарыла бастаған жұқа мұз үстіне шығып қалған жағдайда, абайлап келген ісіңізбен сырғанап, мұздан аяғыңызды көтермей, салмағыңызды үлкен ауданға бөлу үшін аяқтарыңызды иықтарыңыздың көлденең ұзындығы мөлшерінде қойыңыз да жылжыңыз;

- масаң күйде мұз бетіне шығуға, мұз бетінде жүгіріп секіруге, бір жерге қаншама адам жиналуға, жылдам ағысты өзендерде пайда болатын жұқа мұз бетіне шығуға тиым салынады.

Мұз бетінде мұқият және абай болыңыз!

Жарқайың ауданының ТЖБ-нің аға инженері,азаматтық қорғауаға лейтенанты Бердыгалиев М.Н.