Гір көтеруден Ақмола облысының чемпионаты
5 қараша күні денешынықтыру және сауықтыру кешенінде Қазақстан Республикасының 30 жылдығына араналған гір көтеруден жасөспірімдер мен жастар арасында облыстық спартакиада өткізілді. Оны аудандық ЖРО спорт бөлімімен бірлесіп ұйымдастырды. Жалпы сайысқа 6 аудан қатысты. Олар: Жарқайың, Атбасар, Астрахан, Сандықтау, Аршалы және Целинногар аудандары. 12 салмақ дәрежесінде 72 бала сынға түсті. Ауданымыздың барлық балалары жүлделі орындарға ие болды. Өз салмақ дәрежесінде жасөспірмдер арасында Нұртас Төлеубай, Виктор Шидловский, Ғалым Нұрғанибек, Саят Нұрғожа, Мейрман Бақытжан, Ернұр Дәрменов, Аманқұл Абдуәлі, Дабыл Әбілмансұр, Темірлан Болатов топ жарса, Жастар арасында Анатолий Шидловскимен Абылай Халібек бас жүлдені қанжығасына байлады. Жүлдегерлер аудандық ЖРО атынан медалдармен, мақтау қағаздарымен және бағалы сыйлықтармен марапатталды.
