ҚОРЖЫНЫМЫЗДА БОКСТАН ТАҒЫ БІР АЛТЫН
Пятница, 17 мая 2024 06:19
Көкшетау қаласының Қажымұқан спорт кешенінде 2007-2008 жылдары туған ұлдар мен қыздар арасында бокстан турнир өтті. Жарыс Ұлы отан соғысының батыры Малик Ғабдуллинді еске алуға арналған.
Жарыс барысында бірнеше күн бойы еліміздің бірнеше өңірінен келген жас боксшылар өздерінің спорттық шеберліктерін көрсетті. Әрқайсысы техникалық және тактикалық шеберлігімен ерекшеленді. Облыс намысын жерлесіміз Мәди Ғалым қорғады. Ол жарыстың чемпионы атанды. Малик Ғабдуллин турнирі биыл 20-шы рет өтті. Оған 200-ге жуық ұлдар мен қыздар қатысты. Дәстүрлі турнирдің географиясы жыл сайын кеңейіп келеді. Бұған елдің көптеген аймақтарынан келген боксшылар дәлел болды.
"Жарқайың тынысы" газетінің редакторы О.Зейнолла.