Аудан әкімінің кубогіне талас басталды
21 қазанында Державин қаласының спорттық-сауықтыру кешенінде Жарқайың ауданы әкімінің жүлдесіне аудандық ұйымдар, кәсіпорындар, мекемелер арасында 21-ші аудандық спартакиада бағдарламасында үстел теннисі бойынша ойындар өтті.
Жарысқа 7 команда қатысты. Әр командадан үш ойыншы қатысып, екіп топта ойындар қызу жүрді. Айналмалы кезеңнен кейін теннисшілер жартылай финалда бақ сынасты. Мұны еңсерген шын мықтылар жеңіс тұғырына бір қадам жақындап, командасын алға сүйреді. Осылайша, жарыс нәтижелері бойынша ауылдар мен ауылдық округтер әкімдерінің командасы жалпы командалық есепте жеңімпаз атанды, аудандық білім бөлімінің командасы 2-ші орында және аудандық орталық аурухананың командасы қола жүлдеге ие болды.
«Жарқайың тынысы» газетінің тілшісі О.Зейнолла.
