"Денсаулық 2023" қысқы аудандық спартакиадасы
4 ақпанда Пятигорск ауылында дәстүрлі 29-шы аудандық "Денсаулық 2023" қысқы спартакиадасы басталды. Қысқы спартакиадаға барлығы ауданның ауылдық округтерінің және Державинск қаласының он алты командасы қатысты. Спартакиаданың басты мақсаты-салауатты өмір салтын насихаттау, халықты дене шынықтыру және спортпен жүйелі түрде айналысуға тарту, "Хрустальный колос" облыстық қысқы спартакиадасына қатысу үшін Жарқайың ауданының құрама командасын жасақтау үшін қысқы спорт түрлері бойынша мықты спортшыларды анықтау болып табылады.
Спорттық жарыстар спорттың 6 түрінен өтті, оның екі түрі допты хоккеймен шорт-трек алдын ала ұйымдастырылды. Сондай-ақ, шайбалы хоккейден аудандық жарыстар өтіп, төрт команда финалдық турға жолдама алды. Жарыс қорытындысы бойынша шайбалы хоккейден1 орын Львов ауылына, 2 орын Пятигорск ауылына, 3 орын "Локомотив" құрама командасына бұйырды. Допты хоккейден 1 орын "Локомотив" құрама командасына, 2 орын Пятигорск ауылына, 3 орын Львовск ауылына бұйырды. Шорт - тректен 1 орын Львовск ауылына, 2 орын Үшқарасу ауылына, 3 орын Уәлиханов ауылдық округына тиесілі болды. шаңғы жарысына 1 орынды Тасөткел ауылы, 2 орынды Жаңадала ауылдық округі, 3 орынды Пятигорск ауылы иеленді. Президенттік көпсайыс бойынша 1 орынды Львов ауылы, 2 орынды Гастелло ауылы және 3 орынды Тасөткел ауылы алды. Спорттық балық аулауда Пятигорск ауылы топ жарса, 2 орын Тассуат ауылына бұйырып, 3 орынды Үшқарасу ауылы қанжығалады. Жалпы командалық есепте Львовск ауылы 1 орынды, Пятигорск ауылы 2 орынды, Тасөткел ауылы 3 орынды иеленді.
Командалар "Денешынықтыру және спорт бөлімі" ММ-нің кубоктармен және медальдармен марапатталды. Аудандық спартакиаданың жеңімпаздары мен жүлдегерлері Көкшетау қаласында өтетін "Хрустальный колос" облыстық қысқы спартакиадасында аудан намысын қорғайтын болады.
Жарыстың өткізілуіне атсалысқан Пятигорск ауылының "Мадияр и К" басшысы ЖШС М.А. Тастанбековке, «Байлық» ш/қ басшысы Д.А. Шакировке, «Даулет» ш/қ басшысы Е.А. Сейтгалиевке, «2+3» басшысы М.М. Дугнянға, «Ринат и Зарина» ш/қ басшысы Р.Р.Губайдулинге, «Сутягин С.Ф» ш/қ басшысы С.Ф.Сутягинге және «Таня» ш/қ басшысы А.М.Чубиркоға ерекше алғыс білдіріледі.
"Жарқайың тынысы" газетінің редакторы Б.Айтпаева.
