Ауылда жұмыс бар
Қазақстан Республикасының Президенті Қасым-Жомарт Тоқаев халықтың, әсіресе ауылдық жерлерде нақты табысын арттыру қажеттілігі туралы бірнеше рет айтқан болатын. Бұл міндетті жүзеге асыру үшін біздің өңірде не істеліп жатыр? Бұл туралы облыстық ауыл шаруашылығы және жер қатынастары басқармасының мамандарынан сұрадық.
Ведомствоның баспасөз қызметі атап өткендей, өңірде ауыл тұрғындарының табысын арттыру бағдарламасы аясында түрлі шаралар қабылдануда. Бағдарламаның мәні – ауыл тұрғындарын тұрақты жұмыспен қамтамасыз ету, отбасылық шаруашылықтар құру, егістік және жайылымдық жерлерді айналымға тарту.
2025 жылдың соңына дейін біздің облыста осындай 3 мыңнан астам шаруашылық құру жоспарлануда. Ағымдағы жылы 395 жаңа шаруашылық құрылуы тиіс — ол үшін ауыл шаруашылығы айналымына 80 мың гектар жер тартылады. Жыл басынан бері ауыл тұрғындарына жалпы ауданы 33,9 мың гектар болатын 43 жер учаскесі берілді, олардың басым бөлігі — 29,6 мың гектар — жайылым. Ал жыл соңына дейін ауыл тұрғындары 180-ге жуық жер телімін алады.
Мал шаруашылығы саласы да дамуда. Биыл 32 жаңа ет және сүт фермалары құрылды, ақмолалықтар 2 мыңнан астам ірі қара сатып алды. Жыл соңына қарай жүзден астам жаңа мал шаруашылығы шаруашылықтарын құру жоспарлануда. Бұл экономиканың нақты секторының өсуіне, ауыл шаруашылығы өнімдерін өндіру көлемінің артуына ықпал етеді. Ең бастысы – жаңа фермаларда ауыл тұрғындары үшін тұрақты жұмыс орындары құрылады.
Ауылда жұмыспен қамтуды ынталандыру жөніндегі жұмыстың тағы бір бағыты — Кәсіпкерлікті дамыту. Ағымдағы жылы облыстың ауылдық елді мекендері мен шағын қалаларының тұрғындары үшін 2,6 млрд. теңге несие қаражаты қарастырылған. Ақмолалықтар жаңа бизнес ашуға және бар бизнесті дамытуға 540 шағын несие алады. Бұл ретте ісін жаңа бастаған кәсіпкерлердің үлесі кемінде 40 %-ды құрауы тиіс - демек, шамамен 215 жаңа шаруашылық кредит алады.
Ауыл шаруашылығы және жер қатынастары басқармасында атап өткендей, мемлекеттік қолдаудың барлық осы шаралары біздің өңірде 600-ге жуық жаңа жұмыс орындарын құруға негіз болады.
Айтпақшы, мұндай бағдарламалардың жүзеге асырылып жатқанына бірінші жыл емес. 2021 жылы өңірде отбасылық шаруашылықтар құру бойынша жұмыстар жүргізілді, сол кезде олардың 330-ы ұйымдастырылды. Бұған 127 шаруа-фермер қожалығының ұлғаюы, жаңа бизнес-жобаларға 159 бюджеттік кредит беру, 44 ет және сүт фермаларын іске қосу есебінен қол жеткізілді.
"Акмолинская правда" газетінің тілшісі Айдана Сәдуақасова.
